Allan Rumbolt

Maligaliuqti: 
Hudson Bay
Legislative Office: 

Uqaut: (867) 975-5032
Kayumiktukkut: (867) 975-5113
Qaritauyakkut: arumbolt [at] assembly [dot] nu [dot] ca

Kivgarviup Kivgarviup Havagvia: 

Uqaut: (867) 266-8518
Kayumiktukkut: (867) 266-8315
Qaritauyakkut: allanrumbolt [at] hudsonbaymla [dot] ca

Allan Rumbolt niruaqtauhimayuq tatvani niruaqnaqtitlugu Aktupa 30, 2017-mi, kivgaktuiniarhuni niruaqvigiyani Tasiujaqyuami tatvani Talimani Maligaliurviatni Nunavumiut. Una niruaqvigihimaya ilaliutihimayuq una nunaliitni Sanikiluaq.

Tatvani Talimani Maligalirviup hivulikmi katimangakmata. Aullarutiyut Nuvaipa 21, 2017 Una Mr. Rumbolt tikkuaktauhimayuq Tuglianun Ihivautailiup Katimatuinaktitlugit. Mr. Rumbolt katimaqqatauhimayuq tatvani Pingahuatni tatvalu Hitamaatni Maligaliurviuhimayuni. Mr. Rumbolt kivgaktuihimayuq Ihivautauqqatauvluni tatvani Maligaliurvikmi Katimayigalaat Kavamatkut Maniliqiniqut Nahautaita uvalu Aulatjutaitnik tatvalu katimayiqatauvluni tatvani Manilikinikut uvalu Atanguyauyut Katimayiitni.

Mr. Rumbolt tikkingarhimayuq tahamunga Ukkiuktaktumut havagiakturhuni Kapanikuni. Tatvani havarhimagami, havakparhimayuq kaffini Nunavumi nunaliitni. Tatva nuhimaligami tatvunga Sanikiluaq-mut, Mr. Rumbolt kaffiktarhuni niruaqtauhimayuq Hamlatkut Katimayiitnun Sanikiluaq-mi tatvalu Nunaliitni Ilihaiyiuyut Katimayiitnun. Mr. Rumbolt ayungittutaita havarihimayait ilaliutilugit havangit Hamlatkut Sanikiluaq tatvanilu nunaliitni Iglulikiyiuyut Timingatni.

Mr. Rumbolt nutaraqaqtuq: Garry-lu Paula-lu. Mr. Rumbolt inmitqut alliagiyaqaqtuq anguniaknikut, ikalurhiuqniqut tatvalu maniqiaqqataqniqut. Inmi qangagaluq akkiliktauhimaitumik ikkayukpaktuq Sanikilauq-mi qinirhiayiuyut Katimayigalaatkuni. Allan innuqatta, Mina, innuhimavluni tatvani nunaqaqtutuqauyuq Sanikiluaq-mi.