Nunavut ovalo Nunatiak Ukaktiit tunngahugiyait CRTCkut angigutait Nutaanguklugit kongiagutikhainik ovalo naalagutikhainik Maligaliukviit Katimatjutait

Aug 22 2018 11:33 am

IQALUIT, Nunavut ovalo YELLOWKNIFE, Nunatiak (August 22, 2018) - Ukaktiit Joe Enook ovalo Jackson Lafferty ublumi tunngahugiyait angigutainik Kanatami Naalautiligiyit-talavisiligiyit ovalo Hivatauyaligiyit Kamisingit (CRTC) nutaangumagit tunikhaitjutikhainik naalautikut ovalo talavisitkut kungiagutikhainik Nunavumi ovalo Nunatiami Maligaliukviit. Nutaanguniaktuk angiktauhimaliktut iniktigutikangitumik ubluanik.

Angigutainik Kamisinatkut ukaalakhimayut “…naamagiyait hapkoa ikayugutikhait maliginamagit maligutikhait tunikhaitjutikhainut…tuhaktigamik inuuviviniit aalangugutainik Kanatami ovalo tunivlutik pilihimayunik nakuuyunik ukiuktaktumut takuyaulaitut aalanit.”

Aatjikutait titigaliugutainik mikhaanut kamisitkut angigutainut takulaaktut kagitauyakut hamani: https://crtc.gc.ca/eng/archive/2018/2018-295.htm.

Ukakti Lafferty ukaalaktok, “Kamisitkut angigutait nutaanguklugit tunikhaitjutikhait piniaktut nunakatigiit tamamik nunangaini kungilaaliklugit katitmtjutainik maligaliukviit tamamik kungiagutikhainut ovalo naalautikhainut ikayugutikhait.”

Aprilmi 2013, ilaukatauyut tamamik maligaliukviit tuhaktihimayut Kamisitkunut naalaktihimayut mikhaanut maligaliukviit ilaukatauplutik tunihimayait tunikhaitjutikhainik. Kamisitkut tunihimaliktut talimanik ukiunik atugutikhainik tunikhaitjutikhait pitkuhimayait Augustmi 2013. Tamamik maligaliukviit tunihimayait ilaukatauyut uktugutikhainik nutaangugiaganik Julymi 2017.

Ukakti Enook ukaalaktok, “Koviahuktugut Kamisitkut angigutainik ilitagihimalimagit uktugutainik tamamik maligaliukviit naalaktilimata/Kungiaktilimata katimatjutiptinik amigaitunik Nunakakaakhimayut ukautainik atuklutik.”

-30-

Tuhafaagumaguvit takulugit:

John Quirke, Titigakti Maligaliukviani Nunavut - (867) 975-5000
Tim Mercer, Titigakti Maligaliukviani Nunatiami - (867) 767-9130

AttachmentSize
Nunavut ovalo Nunatiak Ukaktiit tunngahugiyait CRTCkut angigutait Nutaanguklugit kongiagutikhainik ovalo naalagutikhainik Maligaliukviit Katimatjutait141.15 KB