Ukakti Maligaliukvimit Tuhaktiyut Tugaagutainik Nangminut Kamisiit Ihivgiuktukhat Maligaliuktinik Maniliugutainik, Ikayugutainik, Akiliktigutainik ovalo Ikayugutait

Sep 24 2018 5:01 pm

IQALUIT, Nunavut (September 24mi, 2018) - Maligaliukti Joe Enook, Ukaktiupluni Maligaliuklimut Nunavumi, ublumi tuhaktiyuk tugaagutainik Nangminut Kamisiit Ihivgiuktukhat Maligaliuktiit Maniliugutainik, Ikayugutainik, Akiligutainik ovalo Ikayugutait. Ilangani 37 Maligaliuktiit ovalo Ministait Katimayiit Pikuyakyuangat tunivaktut hanatjutainik kamisitkut.

Apikhukti Earl Johnson Ighivautauniaktok Kamisitkunut. Apikhukti Johnson akigaktituiyingutuk Ukiuktaktumi 1974mi. Tugaaktauhimayuk Kavamatukatkunit Akigaktituiyi 1992mi ovalo Apikhuktiunguktok Nunavumi Apikhukviit 2002mit nutkaluni apikhuktinit 2016mi. Ublumi Tukliuyuk Apikhukti Nunavumi Apikhukviini.

Ms. Nancy Karetak-Lindell ilauhimayuk Nunavumit Maligaliukyuakti 1997mit 2008mut ovalo Angayukaanguhimayuk Inuit Kutiktumi Katimayiit (Kanatamit) ukiumit 2016mit 2018mut. Niguaktautinagu, Ms. Karetak-Lindell amigaitunik munagitjutinik havaakakhimayuk Arviami, ilaukatautitlugu Arviami amigaituni munagiyiikatauyunut. Ms. Karetak-Lindell ublumi ilauyuk Katimayiupluni Katimatkatigiinut Polar Knowledge Kanatami avatiligiyit.

Mr. Keith Peterson ilauhimayuk Ikaluktutiamit Maligaliukti 2004mit nutkagami 2017mut. Mr. Peterson munagigaakhimayuk Nunavumi kangagaaluk Ministaupluni Maniligiyit. Ovalutauk, amigaivuyaktunik Ministauhimayuk maligaliuktiupluni, ilauyut Minista Aniaktitailigiyit, Akigaktituiyit ovalo Niguaktiligiyiit Havakviit. Niguaktautinagu Maligaliukvimut, Mr. Peterson Maiyaguhimayuk Ikaluktutiami ovalo Titigaktiupluni Kitikmeot Kuapurisitkunut.

Mr. Ronnie Campbell ilauhimayuk Tuklia Maniinik Ihivgiukti Kanatami 2003mit nutkagami 2015mi. Havaagutainik, munagihimayuk Titigakviini ihivgiugutainik Kavamatkut Nunavumi. Piliktinagu Ihivgiuktinut 1985mi, Mr. Campbell inuuhimayuk ovalo havakhimayuk amigaivyaktunik Nunavumi nunalaat munagiyut Hudsons Baykuni.

Ukakti Enook ukaalaktok, “Ukaalakhimayunga Maligaliukvimi ukiuk, pinahuaktavut
Kamisitkuni pitkulutik ihumaalugiyainik naamaktunik ovalo akituvalaangitunik havaktiptinik
ovalo nakuuyumik. Nalungitunga ilauniaktut Kamisitkunut, tamamik ayongimata
havagaagutainik Inuukatiptinut havaagutainik, akhut ikayugutiginiaktait havaaktakhainik.”

Maligaliukviit ovalo Ministait Katimayiit Pikuyakyuangani pitkuhimayuk tuhaktilutik
Nangminut Kamisitkut tunilutik Maligaliukvimut Ukaktinit.

-30-

Tuhafaagumaguvit Takulugit:
John Quirke, Titigakti Maligaliukvimi
Hivatauyaa: (867) 975-5000

AttachmentSize
Ukakti Maligaliukvimit Tuhaktiyut Tugaagutainik Nangminut Kamisiit Ihivgiuktukhat Maligaliuktinik Maniliugutainik, Ikayugutainik, Akiliktigutainik ovalo Ikayugutait128.66 KB