Una Ihumagiyautiaqtuq Paul A. Quassa

Maligaliuqti: 
Aggu

Minista Kavamaliqiyitkut

Minista munariyalik Nunatiqhimayunut

Minista munariyalik Iglunut Akiliqtuqtauyunut Ihivriuriyit Katimayiit

Legislative Office: 

Uqaut: (867) 975-5050
Kayumiktukkut: (867) 975-5051
Qaritauyakkut: pquassa [at] gov [dot] nu [dot] ca

Kivgarviup Kivgarviup Havagvia: 

P.O. Box 238
Igloolik, NU
X0A 0L0
Uqaut: (867) 934-4060
Kayumiktukkut: (867) 934-4050
Qaritauyakkut: paulquassa [at] aggumla [dot] ca

Una Ihumagiyautiaqtuq Paul Quassa niruaqtauffaktuq tatvani Niruaqtitlugit Aktupa 30, 2017-mi, kivgaktuivluni niruaqvigiyani Aggu tatvani Talimaatni Maligaliurviatni Nunavumiut. Mr. Quassa niruaqtauyuq tatvani hitamagiyauliruni Hivuliktiunikmut Nuvaipa 17, 2017-mi, katimatitlugit hapkua Nunavumi Hivuliktiunikmut Katimangmata. Hivulikti Quassa illittagiyauhimayuq tatvani Maligaliurvikmi Nuvaipa formally 21, 2017-mi. Tatvalu huli kivgaktuiniaktuq Ministauluni Atanguyauyunik tatvalu Avattingnut Kavamaliqqiniqut, tatvalu Ministauluni Nunaqqaqqaqtut Pivalialiqiyiuyuni tatvalu Ministauluni Qulliliqiyiuyut Akkiliktutirhanik Ihivgiurhiyiuyut Katimayiitni uvvalu Minista kamagiyaa Inirnirini Kivgaqtuibluni.

Mr. Quassa Katimayiuqqatauhimayuq tatvani Hitamani Maligaliurviatni Nunavumiut, tatvani kivgaktuihimayuq Kavamatkuni Hivuliktiuhimavluni, Ministauhimayuq Ilihaktulikiyiitni, tatvalu Ministauvlunilu Nunavumi Ilihagiakpalikviatni.

Mr. Quassa havaqaqparhimayuq kaffinik taimani havakpaligami. Ukkiuni 1980-ni attuqtitlugit, Mr. Quassa kivgaktuihimayuq tatvani Tunngavikut Katuyikatigitni Nunavumi taimani nunnatarahuakutinik aivaqatigihimaaktitlugit ukkua Kavamatuqqatqut. Hamna pitjutauhimayuq itqaumanatiarhuni tatvani 1993-mi attiliurhimangmata haffuminga Nunavumi Nunatarutauhimayunik Angikutiqarhimangmata. Mr. Quassa uns pikatauhimayuq illiitagiyauhimayuni attiliuqqatauhimavluni haffuminga Angikutauhimayumik taimani Angayuqanguvluni tatvani Tunngavikut Katuyikatigitni Nunavumi, tatvanganin alanguqtauhimayuq attia imma Nunavut Tunngavik Timingat (NTI-kut). Mr. Quassa kivaktuihimayuq Angayuqanguvluni tatvani NTI-kuni tatvanga 2000-min 2002-mut tatvalu kivgaktuihimangmiyuq tatvani Qikiqtani Inuit Katuyikatigit-kuni kangahaak Inuit Kanuriliyuqarhimaniqat tatvalu Ikkayuhiakutirhaita Angikutatnik aivatjutiqarhimangmata pikatigivlugit ukkua Uyaraqhiuktit pitjutigivlugu hamna Mary River nulluyamik uyagaktakniaktitlugit.

Ahiakutauq niruaqtauhimangmiyuq una Mr. Quassa illaliutilugit tatva Maiyauhimayuq tatvani Igloolik-mi Angayuqqanuhimavluni tatvani Nunavumi Katuyikatigitkut Hamlatkuvaluit.

Mr. Quassa havaktutuqauvluni havaqarhimayuq illaliutivlugit hapkua attanguyauyut havagiyait Inuit Kungialiuttit Timingani, Igloolik Isuma Kungialiuqtit, tatvani Nunavut Kungialiutinik Pivalialiqiyiuyut Timingani, CBC North Pivalialiqqiyiuyuni tatvalu Ajjiit Kungialiuqtit Katuyikatigitkuni.

Niruagarhanguktitauniaharhuni tatvuna Maligaliurvikmut, Mr. Quassa kivgaktuihimayuq tatvani Ihivautauvluni Nunavumi Parnaiyaiyiuyut Katimayiitkuni, una Hannayiuyut Kivgaktuiyut Kavamatkunik hamna aularutauhimayuq atturhugu hamna Nunavumi Nunatarutauhimayunik Angikutanik. Mr. Quassa huli kivgaktuihimayuq katimagiyaitni ukkua Nunavumi Nanminiqaqtut Attukiktutirhaita Timingani tatvalu uvani Nunavumi Ihuarhaiyiuyut Ilihakpalirutikhanik Katimayigalaatkuni.

Mr. Quassa piqqatauvarhimayuq tatvani kaitkutauhimavluni uqqariaqtuquyauqataqtuq kaffiktarhuni ayungitunit ilihakpalirhimayunilu katimakjuaktuni tatvalu huliyuqagangata.

Paul unalu nullianga Elisapee Quassa 6-sinik nuttaraqaqtuk. Mr. Quassa inmi alliagiyaqaqtuq anguniaknikmik, ikalurhiuknikmiklu tatvalu alliagiyait attuktuyaknikmik.