ᒥᓂᔅᑕᐅᖃᑕᐅᔪᖅ ᔩᓂ ᕼᐊᑯᖓᒃ ᐃᕼᐊᓪᓗᐊᖅ

ᐅᐱᓐᓇᖅᑐᖅ: 
ᐃᖃᓗᒃᑑᑎᐊᕐᒃ

ᒥᓂᔅᑕ ᒪᓕᒐᓕᕆᔨᒃᑯᓐᓄᑦ

ᒥᓂᔅᑕ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ

ᒥᓂᔅᑕ ᐊᕐᓇᐃᑦ ᑲᑐᔾᔨᖃᑎᒌᖏᓐᓄᑦ

ᒥᓂᔅᑕ ᓂᕈᐊᖅᑐᓕᕆᓂᕐᒧᑦ

ᒥᓂᔅᑕ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑭᒡᒐᖅᑐᐃᔩᑦ

ᒥᓂᔅᑕ ᐃᖅᑲᓇᐃᔭᖅᑎᓄᑦ

Legislative Office: 

ᐅᖄᓚᐅᑖ: (867) 975-5028
ᓱᒃᑲᔪᒃᑰᕈᑖ: (867) 975-5128
ᖃᕆᓴᐅᔭᒃᑯᑦ ᑐᕌᕈᑖ: jehaloak [at] gov [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

ᐅᖄᓚᐅᑖ: (867) 983-3777
ᓱᒃᑲᔪᒃᑰᕈᑖ: (867) 983-3778
ᖃᕆᓴᐅᔭᒃᑯᑦ ᑐᕌᕈᑖ: jeannieehaloak [at] cambridgebaymla [dot] ca

ᔩᓂ ᕼᐊᖁᓐᖔᖅ ᐃᕐᕋᕐᓗᐊᖅ ᓂᕈᐊᖅᑕᐅᓚᐅᖅᑐᖅ ᓂᕈᐊᕕᒡᔪᐊᖅᑎᓪᓗᒋᑦ ᐊᒃᑑᕙ 30, 2017-ᖑᑎᓪᓗᒍ, ᑭᒡᒐᖅᑐᐃᓂᐊᕐᓗᓂ ᐃᖃᓗᒃᑑᑦᑎᐊᑉ ᓄᓇᖓᓐᓂᒃ ᓂᕈᐊᖅᑕᐅᓚᐅᖅᑐᖅ ᑕᓪᓕᒪᒋᓕᖅᑕᖓᓂ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ ᓄᓇᕗᒥ.

ᒥᔅ ᐃᕐᕋᕐᓗᐊᖅ ᓂᕈᐊᖅᑕᐅᓚᐅᖅᑐᖅ ᒥᓂᔅᑕᐃᑦ ᑲᑎᒪᔨᖏᓐᓄᑦ ᓄᕕᐱᕆ 17, 2017−ᒥ, ᓄᓇᕗᒻᒥ ᓯᕗᒃᑲᖅᑕᖅᑏᑦ ᓂᕈᐊᖅᑕᐅᓕᖅᑎᓪᓗᒋᑦ. ᒥᓂᔅᑕ ᐃᕐᕋᕐᓗᐊᖅ ᑎᑎᕋᕐᕕᖓᓄᑦ ᐊᖏᖅᑎᑕᐅᓚᐅᖅᑐᖅ ᓄᕕᐱᕆ 21, 2017−ᒥ. ᐱᔨᑦᑎᕐᓂᐊᖅᑐᖅ ᒥᓂᔅᑕᐅᓗᓂ ᒪᓕᒐᓕᕆᔨᒃᑯᓐᓄᑦ, ᒥᓂᔅᑕᐅᓗᓂ ᐱᔭᒃᓴᖅᑖᖅᑎᑕᐅᓯᒪᓗᓂ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᓄᑦ, ᒥᓂᔅᑕᐅᓗᓂ ᐱᔭᒃᓴᖅᑖᖅᓯᒪᓗᓂ ᐊᕐᓇᐃᑦ ᑲᑐᔾᔨᖃᑎᒌᖏᓐᓂᒃ, ᒥᓂᔅᑕ ᐱᔭᒃᓴᖅᑖᖅᑎᑕᐅᓯᒪᔪᖅ ᑎᒥᓐᖑᖅᑎᑕᐅᓯᒪᔪᓂᒃ, ᒥᓂᔅᑕᐅᓗᓂ ᐱᔭᒃᓴᖅᑖᖅᑎᑕᐅᓯᒪᓗᓂ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᑦᑕ ᑲᑎᒪᔨᖏᓐᓄᑦ ᐊᒻᒪ ᐃᖅᑲᓇᐃᔭᖅᑎᓕᕆᓂᕐᒧᑦ ᒥᓂᔅᑕᐅᓗᓂ.

ᒥᔅ ᐃᕐᕋᕐᓗᐊᖅ ᐃᓅᓚᐅᖅᓯᒪᔪᖅ ᓈᓚᒡᕕᖕᒥ CAM-1 DEW Line ᕿᑭᖅᑕᖓᓂ Jenny Lind.

ᒥᔅ ᐃᕐᕋᕐᓗᐊᖅ ᐅᓄᑲᓪᓚᒃᑐᓂᒃ ᐊᔾᔨᒌᖏᑦᑐᓂᒃ ᐃᖅᑲᓇᐃᔭᖃᑦᑕᖅᓯᒪᔪᖅ ᓄᓇᑦᓯᐊᑉ ᒐᕙᒪᒃᑯᖏᓐᓄᑦ, ᓄᓇᓕᑦ ᒐᕙᒪᒃᑯᖏᓐᓄᑦ ᐃᖃᓗᒃᑑᑦᑎᐊᕐᒥ, ᓄᓇᕗᑦ ᓯᓚᑦᑐᓴᕐᕕᖕᒥ, ᓄᓇᕗᒥ ᐸᕐᓇᐃᔨᑦ ᑲᑎᒪᔨᖏᓐᓂ ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᑲᑎᒪᔨᐅᖃᑕᐅᓯᒪᓪᓗᓂ. ᓯᕗᕐᖓᒍᑦ ᓂᕈᐊᖅᑕᐅᓚᐅᖏᓐᓂᖓᓂ, ᒥᔅ ᐃᕐᕋᕐᓗᐊᖅ ᐊᖓᔪᖅᑳᕆᔭᐅᓚᐅᖅᑐᖅ ᑐᓴᐅᒪᑎᑦᓯᔨᓄᑦ ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ.

ᒥᔅ ᐃᕐᕋᕐᓗᐊᖅ ᒪᐃᔭᐅᓚᐅᖅᓯᒪᔪᖅ ᐃᖃᓗᒃᑑᑦᑎᐊᕐᒥ 2011−ᒥᓂᑦ ᑎᑭᓐᓇᓱᐊᕐᓂᖓᓂ ᓂᕈᐊᖅᑕᐅᓂᕆᔭᖓ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ. ᐊᖓᔪᖅᑳᕆᔭᐅᓚᐅᖅᓯᒪᖕᒥᔪᖅ ᓄᓇᕗᒥ ᓄᓇᓖᑦ ᑲᑐᔾᔨᖃᑎᒌᖏᓐᓄᑦ.

ᒥᔅ ᐃᕐᕋᕐᓗᐊᖅ ᐊᑭᓕᖅᓱᖅᑕᐅᒐᓂ ᐱᓕᕆᔨᐅᖃᑦᑕᖅᓯᒪᔪᖅ ᓄᓇᓕᖕᓂ ᐊᕐᕌᒍᑕᒫᓐ ᐅᐱᕐᖔᒃᑯᑦ ᐱᓐᖑᐊᖅᑎᓪᓗᒋᑦ ᑕᐃᔭᐅᔪᒥᒃ ᐅᒥᖕᒪᒃ. ᐊᒻᒪ ᓯᕗᓕᖅᑎᐅᖃᑦᑕᖅᓯᒪᕗᖅ ᐅᓄᑲᓪᓚᒃᑐᓄᑦ ᐱᓕᕆᐊᖑᔪᓄᑦ ᐊᒃᑐᐊᓂᖃᖅᑐᓄᑦ ᑳᓐᓱᖃᖅᑕᐃᓕᒪᓂᕐᒧᑦ. ᒥᔅ ᐃᕐᕋᕐᓗᐊᖅ ᑐᓂᔭᐅᓯᒪᖕᒥᔪᖅ ᑯᐃᓐ ᐃᓕᓴᐱᐅ ᐊᕐᕌᒍᓄᑦ 60-ᓄᑦ ᓇᓪᓕᐅᓐᓂᖅᓯᐅᕈᑎᖓᓐᓂᒃ ᐅᒥᔭᒃᑕᐅᓪᓗᓂ.

ᒥᔅ ᐃᕐᕋᕐᓗᐊᖅ ᓇᖕᒥᓂᖅ ᐱᓕᕆᐊᕆᔭᕆᐊᒃᓴᖅ ᖁᕕᐊᒋᔭᖏᑦ ᒥᖅᓱᕐᓂᖅ, ᓄᕕᖅᓴᕐᓂᖅ, ᑕᖅᓯᖅᓱᐃᓂᖅ ᒥᖅᓱᕐᓗᓂ, ᐱᓱᔪᖕᓂᖅ ᐊᒻᒪ ᐊᐅᓪᓛᖅᓯᒪᓪᓗᓂ.

ᒥᔅ ᐃᕐᕋᕐᓗᐊᖅ ᐊᓈᓇᐅᒋᐊᒥᒃ ᐅᐱᒍᓱᒃᑐᒻᒪᕆᒃ ᐱᖓᓱᓄᑦ ᕿᑐᕐᖓᖏᓐᓄᑦ, ᑭᐅᓪᕙᓐ, ᒍᕆᒃ ᐊᒻᒪᓗ ᑭᓇᑦ. ᐊᐃᑉᐸᕆᓪᓗᓂᐅᒃ Brent Boddy.