ᒥᓂᔅᑕ ᐃᓕᓴᐱ ᓯᐅᑎᐊᐱᒃ

ᐅᐱᓐᓇᖅᑐᖅ: 
ᐃᖃᓗᐃᑦ−ᓯᓈ

ᒐᕙᒪᒃᑯᑦ ᑲᑎᒪᕝᕕᖓᓂ ᓯᕗᓕᖅᑎ

ᒥᓂᔅᑕ ᐃᓄᓕᕆᔨᒃᑯᓐᓄᑦ

ᒥᓂᔅᑕ ᐊᕐᓇᐃᑦ ᑲᑐᔾᔨᖃᑎᒌᖏᓐᓄᑦ

ᒥᓂᔅᑕ ᐊᖏᕐᕋᖃᙱᑦᑐᓕᕆᓂᕐᒧᑦ

ᒥᓂᔅᑕ ᑲᓇᑕᐅᑉ ᓯᓚᑖᓃᙶᖅᑐᓕᕆᓂᕐᒧᑦ

ᒥᓂᔅᑕ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ

Legislative Office: 

ᐅᖄᓚᐅᑖ: (867) 975-5024
ᓱᒃᑲᔪᒃᑰᕈᑖ: (867) 975-5044
ᖃᕆᓴᐅᔭᒃᑯᑦ ᑐᕌᕈᑖ: esheutiapik [at] gov [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

P.O. Box 2440
Iqaluit, NU
X0A 0H0
ᐅᖄᓚᐅᑖ: (867) 979-4750
ᓱᒃᑲᔪᒃᑰᕈᑖ: (867) 979-4751
ᖃᕆᓴᐅᔭᒃᑯᑦ ᑐᕌᕈᑖ: elisapeesheutiapik [at] sinaamla [dot] ca

ᐃᓕᓴᐱ ᓯᐅᑎᐊᐱᒃ ᓂᕈᐊᖅᑕᐅᓚᐅᖅᑐᖅ ᓂᕈᐊᕕᒡᔪᐊᖅᑎᓪᓗᒋᑦ ᐊᒃᑑᕙ 30, 2017-ᖑᑎᓪᓗᒍ, ᑭᒡᒐᖅᑐᐃᓂᐊᕐᓗᓂ ᐃᖃᓗᐃᑦ ᓯᓈᓂᒃ ᑕᓪᓕᒪᒋᓕᖅᑕᖓᓐᓄᑦ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ ᓄᓇᕗᒥ.

ᒥᔅ ᓯᐅᑎᐊᐱᒃ ᒥᓂᔅᑕᐃᑦ ᑲᑎᒪᔨᖏᓐᓄᑦ ᓂᕈᐊᖅᑕᐅᓚᐅᖅᑐᖅ ᓄᕕᐱᕆ 17, 2017−ᒥ, ᓄᓇᕗᒻᒥ ᓯᕗᒃᑲᖅᑕᖅᑏᑦ ᓂᕈᐊᖅᑕᐅᓕᖅᑎᓪᓗᒋᑦ. ᒥᓂᔅᑕ ᓯᐅᑎᐊᐱᒃ ᐊᖏᖅᑎᑕᐅᓚᐅᖅᑐᖅ ᓄᕕᐱᕆ 21, 2017−ᒥ. ᒐᕙᒪᒃᑯᑦ ᒪᓕᒐᓕᐅᕐᕕᖕᒥ ᓯᕗᒃᑲᖅᑕᖅᑎᐅᔪᖅ, ᐃᓄᓕᕆᔨᒃᑯᓐᓄᓪᓗ ᒥᓂᔅᑕᐅᓪᓗᓂ, ᒥᓂᔅᑕ ᐱᔭᒃᓴᖅᑖᖅᑎᑕᐅᓯᒪᔪᖅ ᐊᖏᕐᕋᖃᓐᖏᑦᑐᓕᕆᓂᕐᒧᑦ, ᒥᓂᔅᑕ ᐱᔭᒃᓴᖅᑖᖅᑎᑕᐅᓯᒪᔪᖅ ᑲᓇᑕᒥᐅᑕᐅᓐᖏᑦᑐᓄᑦ ᐊᒻᒪ ᒥᓂᔅᑕᐅᓪᓗᓂ ᐊᒃᖢᓗᐊᖅᑕᐃᓕᒪᓂᕐᒧᑦ.

ᒥᔅ ᓯᐅᑎᐊᐱᒃ ᐅᓄᑲᓪᓚᒃᑐᓂᒃ ᐊᔾᔨᒌᖏᑦᑐᓂᒃ ᐱᓕᕆᔨᐅᖃᑦᑕᖅᓯᒪᔪᖅ ᑕᖅᑲᒃᑯᓄᖓ ᐊᒻᒪᓗ ᓇᖕᒥᓂᖅ ᐱᓕᕆᕕᖃᕐᖢᓂ. ᖃᐅᔨᒪᔭᐅᑦᑎᐊᖅᑐᖅ ᓇᖕᒥᓂᖅ ᐱᓕᕆᕕᖃᕐᓂᖓᓂᒃ ᑳᐱᑐᕐᕕᖕᒥᒃ Grind and Brew-ᒥᒃ ᐃᖃᓗᖕᓂ.

ᒥᔅ ᓯᐅᑎᐊᐱᒃ ᐃᖃᓗᖕᓂ ᒪᐃᔭᐅᓚᐅᖅᓯᒪᕗᖅ ᓄᓇᕗᑦ ᐊᖓᔪᖅᑳᖃᕐᕕᖓᓐᓂ, 2003-ᒥᓂᑦ 2010-ᒧᑦ. ᑭᖑᓂᑦᑎᓐᓂ ᐊᖓᔪᖅᑳᕆᔭᐅᖃᑦᑕᖅᓯᒪᔪᖅ ᓄᓇᕗᒥ ᓄᓇᓖᑦ ᑲᑐᔾᔨᖃᑎᒌᖏᓐᓄᑦ, ᑭᖑᓂᑦᑎᓐᓂ ᐊᖓᔪᖅᑳᖑᓯᒪᔪᖅ ᐸᐅᒃᑑᑎᒃᑯᓐᓄᑦ, ᑖᒃᑯᐊ ᑲᓇᑕᓕᒫᒥ ᑭᒡᒐᖅᑐᐃᔪᑦ ᐃᓄᐃᑦ ᐊᕐᓇᖏᓐᓂᒃ, ᑭᖑᓂᑦᑎᓐᓂᓗ ᐊᖓᔪᖅᑳᖑᓯᒪᓪᓗᓂ ᖁᓪᓖᑦ ᑲᑐᔾᔨᖃᑎᒌᖏᓐᓄᑦ ᐊᕐᓇᐃᑦ ᐃᓕᓴᕆᔭᐅᓯᒪᔪᑦ ᑲᑎᒪᔨᖏᓐᓄᑦ, ᑭᖑᓂᑦᑎᓐᓂᓗ ᑲᑎᒪᔨᐅᖃᑕᐅᖃᑦᑕᖅᓯᒪᓪᓗᓂ ᐅᖄᓚᐅᓯᕆᔨᒃᑯᓐᓄᑦ ᓄᐊᑦᕕᐊᔅᑎᐅᒧᑦ ᐊᒻᒪᓗ ᑲᑎᒪᔨᐅᖃᑦᑕᐅᖃᑦᑕᖅᓯᒪᓪᓗᓂ ᖁᓪᓕᖅ ᐆᒻᒪᖅᑯᑎᕆᔨᒃᑯᑦ ᑲᑎᒪᔨᖏᓐᓄᑦ.

ᒥᔅ ᓯᐅᑎᐊᐱᒃ ᐊᑭᓕᖅᓱᖅᑕᐅᒐᓂ ᐃᑲᔪᖃᑦᑕᖅᓯᒪᕗᖅ ᐅᑭᐅᖅᑕᖅᑐᕐᒥ ᐱᓐᖑᐊᕕᒡᔪᐊᖅᑐᓄᑦ. ᒥᔅ ᓯᐅᑎᐊᐱᒃ ᑐᓂᔭᐅᓚᐅᕐᒥᔪᖅ ᑯᐃᓐ ᐃᓕᓴᐱ ᓇᓪᓕᐅᓐᓂᖅᓯᐅᕐᖢᓂ ᐊᕐᕌᒍᓄᑦ 60-ᓄᑦ ᑐᓐᓂᖅᑯᑎᐅᔪᒥᒃ ᐊᒻᒪ ᑐᓂᔭᐅᓚᐅᕐᒥᔪᖅ ᑮᓇᐅᔭᓕᐅᕋᓱᐊᕐᓂᕐᒧᑦ ᑲᑐᔾᔨᖃᑎᒌᖑᔪᓄᑦ ᑲᓇᑕᒥ 2014-ᒥ ᓂᐱᒋᔭᐅᓪᓗᓂ ᓂᕆᐅᖕᓂᖃᕐᓂᕐᒧᑦ ᑐᓂᔭᐅᓚᐅᖅᓯᒪᔪᖅ ᐱᓕᕆᐊᖃᖅᑎᓪᓗᒍ ᐊᖏᕐᕋᒥ ᐋᓐᓂᖅᓯᕆᖃᑦᑕᕐᓂᖅ ᐃᑯᓪᓚᐅᒥᖁᓪᓗᒍ.

ᒥᔅ ᓯᐅᑎᐅᐱᒃ ᖁᕕᐊᒋᔭᖃᖅᑐᖅ ᓄᐊᑦᑎᓂᕐᒥᒃ ᖃᑭᖅᑯᐊᓂᒃ, ᕼᐊᑭᕐᒥᒃ ᐱᐅᒃᓴᖅᑐᖅ ᐊᒻᒪᓗ ᐃᓄᐃᑦ ᓴᓇᐅᒐᖏᓐᓂᒃ.

ᒥᔅ ᓯᐅᑎᐊᐱᒃ ᐅᐱᒍᓱᑦᑎᐊᖅᑐᖅ ᕿᑐᕐᖓᖏᓐᓂᒃ ᐊᐃᐅᓛᒥᒃ ᐊᒻᒪ ᔭᐃᒥᓯᒥᒃ. ᐊᐃᑉᐸᖓᑕ ᐊᑎᖓ ᐳᕋᐃᐊᓐ.