ᒥᓂᔅᑕ ᓗᐊᓐ ᑯᓱᒐᖅ

ᐅᐱᓐᓇᖅᑐᖅ: 
ᑲᖏᕐᒃᖠᓂᐅᑉ ᓂᒋᐊ

ᒥᓂᔅᑕ ᓄᓇᓕᓐᓂ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᓐᓄᑦ

ᒥᓂᔅᑕ ᐃᒡᓗᓕᕆᔨᕐᔪᐊᒃᑯᓐᓄᑦ

Legislative Office: 

ᐅᖄᓚᐅᑖ: (867) 975-5074
ᓱᒃᑲᔪᒃᑰᕈᑖ: TBD
ᖃᕆᓴᐅᔭᒃᑯᑦ ᑐᕌᕈᑖ: lkusugak [at] gov [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

ᐅᖄᓚᐅᑖ: (867) 645-4866
ᓱᒃᑲᔪᒃᑰᕈᑖ: (867) 645-4865
ᖃᕆᓴᐅᔭᒃᑯᑦ ᑐᕌᕈᑖ: lornekusugak [at] rankininletsouthmla [dot] ca

ᓗᐊᓐ ᑯᓱᒐᖅ ᓂᕈᐊᖅᑕᐅᓚᐅᖅᑐᖅ ᓂᕈᐊᕕᔾᔪᐊᕐᓇᐅᑎᓪᓗᒍ ᐅᑐᐱᕆ 30, 2017-ᒥ, ᑭᒡᒐᖅᑐᐃᓪᓗᓂ ᑲᖏᕐᖠᓂᐅᑦ ᓂᒋᐊᑕ ᓂᕈᐊᖅᑕᐅᓯᒪᕝᕕᖓᓂᒃ ᑕᕝᕙᓂ ᑕᓪᓕᒪᖏᓐᓂ ᒪᓕᒐᓕᐅᖅᑎᓂ.

ᒥᔅᑐ ᑯᓱᒐᖅ ᒥᓂᔅᑕᐃᑦ ᑲᑎᒪᔨᖏᓐᓄᑦ ᓂᕈᐊᖅᑕᐅᓚᐅᖅᑐᖅ ᓄᓇᕗᒻᒥ ᓯᕗᒃᑲᖅᑕᖅᑏᑦ ᓂᕈᐊᖅᑕᐅᓕᖅᑎᓪᓗᒋᑦ. ᒥᓂᔅᑕ ᑯᓱᒐᖅ ᑎᑎᕋᕐᕕᐊᓄᑦ ᐊᖏᖅᑎᑕᐅᓚᐅᖅᑐᖅ ᓄᕕᐱᕆ 21, 2017−ᒥ. ᒥᓂᔅᑕᕆᔭᐅᔪᖅ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑎᓄᑦ ᐊᒻᒪ ᒥᓂᔅᑕᐅᓪᓗᓂ ᑲᒪᔪᒃᓴᐅᑕᐅᓪᓗᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ.

ᒥᔅᑕ ᑯᓱᒐᖅ ᒪᓕᒐᓕᐅᖅᑎᐅᓚᐅᖅᓯᒪᔪᖅ ᐱᖓᔪᖓᓐᓂ ᒪᓕᒐᓕᐅᖅᑎᓂ, ᑕᐃᑲᓂᓗ ᖃᔅᓯᑲᓪᒪᖕᓂᒃ ᑎᓕᔭᐅᔾᔪᑎᖃᖅᓯᒪᓚᐅᕐᖢᓂ, ᐱᖃᓯᐅᑎᓪᓗᒋᑦ ᒐᕙᒪᒃᑯᓐᓄᑦ ᓯᕗᒃᑲᖅᑕᖅᑎᐅᓪᓗᓂ, ᓄᓇᓕᖕᓂ ᒐᕙᒪᒃᑯᓐᓄᓪᓗ ᐱᔨᑦᑎᖅᑎᒃᑯᓐᓄ ᒥᓂᔅᑕᐅᓪᓗᓂ ᐊᒻᒪᓗ ᒥᓂᔅᑕᐅᓪᓗᓂ ᑲᒪᒋᔭᖃᕐᖢᓂ ᐃᖅᑲᓇᐃᔭᖅᑏᑦ ᐊᑦᑕᕐᓇᖅᑕᑐᒦᑦᑕᐃᓕᓂᖏᓐᓄᑦ ᓇᓪᓕᐅᒃᑯᒫᖏᓐᓄᓪᓗ ᖃᐅᔨᓴᖅᑎᒃᑯᓐᓄᑦ.

ᒥᔅᑕ ᑯᓱᒐᖅ ᖃᔅᓯᑲᓪᓚᖕᓂᒃ ᐃᓂᖃᖃᑦᑕᖅᓯᒪᔪᖅ, ᐱᖃᓯᐅᑎᓪᓗᒍ ᐱᖓᓱᐊᖅᑎᕐᖢᓂ ᒪᐃᔭᐅᓪᓗᓂ ᑲᖏᕐᖠᓂᕐᒧᑦ. ᐃᖅᑲᓇᐃᔭᖅᐸᒃᖢᓂ, ᒥᔅᑕ ᑯᓱᒐᖅ ᐃᖅᑲᓇᐃᔭᖅᑎᐅᓚᐅᕐᒥᔪᖅ ᐊᐅᓚᑦᑎᔨᐅᓪᓗᓂ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᒻᒪ ᐊᐅᓚᑦᑎᔨᐅᓪᓗᓂ ᓄᓇᕗᒻᒥ ᐊᑐᓕᖅᑎᑦᑎᓂᕐᒧᑦ ᐱᓕᒻᒪᒃᓴᐅᔩᑦ ᑲᑎᒪᔨᕋᓛᖏᓐᓄᑦ.

ᒥᔅᑕ ᑯᓱᒐᖅ ᐊᑖᑕᒋᔭᐅᔪᖅ ᐱᖑᓱᓄᑦ ᐸᓂᖕᓄᑦ, ᑳᓐᑕᔅ ᐊᒋᐊᖅ, ᓄᐊᑏ ᐊᒻᒪ ᑎᐅᕆ ᐊᒃᐸᓕᐊᓗᒃ, ᓄᓕᐊᓂ ᓵᓕ ᐱᖁᖅᓴᐃᖃᑎᒋᓪᓗᓂᐅᒃ.