ᓄᓇᕗᒻᒥ ᐃᓕᓴᖅᓯᔾᔪᑦ ᐅᔭᒥᒃ

medallion tinymedallion midsizeᓄᓇᕗᒻᒥ ᐃᓕᓴᖅᓯᔾᔪᑦ ᐅᔭᒥᒃ ᐱᖁᔭᕐᔪᐊᖓᑦ ᒪᓕᒐᓕᐅᖅᑎᓄᑦ ᐊᓂᒍᖅᑎᑕᐅᓚᐅᖅᓯᒪᔪᖅ ᑎᓯᐱᕆ 2009-ᖑᑎᓪᓗᒍ ᐊᒻᒪᓗ ᐊᑐᓕᖅᑎᑕᐅᓚᐅᖅᓯᒪᓪᓗᓂ ᔭᓄᐊᕆ 1, 2010-ᒥ.  ᐃᓕᓴᖅᓯᔾᔪᑏᑦ ᓴᖅᑭᑕᐅᓚᐅᖅᐳᑦ ᐃᓄᐃᑦ ᐱᖅᑯᓯᒃᑯᑦ, ᐃᓅᓯᒃᑯᑦ ᐅᕝᕙᓘᓐᓂᑦ ᓄᓇᕗᒻᒥ ᑮᓇᐅᔭᓕᐅᕋᓱᐊᕐᓂᕐᒧᑦ ᐃᑲᔪᖅᓯᒪᓪᓚᕆᖕᓂᖏᓐᓄᑦ ᐃᓕᓴᕆᔭᐅᔾᔪᑎᑖᕈᓐᓇᕐᓂᐊᕐᒪᑕ.

medallion tinyᐃᓕᓴᖅᓯᔾᔪᑎ ᖁᑦᑎᖕᓂᖅᐹᖑᕗᖅ ᓄᓇᕗᒻᒥ, ᐊᒻᒪᓗ ᑖᓐᓇᐅᓕᖅᑎᓪᓗᒍ ᐊᓯᓕᒫᖏᑦ ᐃᓕᓴᖅᓯᔾᔪᑏᑦ, ᓇᓗᓇᐃᖅᓯᔾᔪᑏᑦ ᐅᕝᕙᓘᓐᓃᑦ ᐅᔭᒦᑦ ᓄᓇᕗᑦ ᒐᕙᒪᒃᑯᓐᓄᑦ ᓴᖅᑭᑕᐅᕙᓚᐅᖅᑐᑦ ᐊᑦᑎᖕᓂᖅᓴᐅᓕᖅᑎᑕᐅᓯᒪᓪᓗᑎᒃ. ᐃᓕᓴᖅᓯᔾᔪᑎᓕᕆᓂᕐᒧᑦ ᖃᐅᔨᒪᔨᑕᕆᔭᐅᔪᑦ ᑲᑎᒪᔩᑦ ᐊᑐᓕᖁᔭᓕᐅᖃᑦᑕᖅᐳᑦ ᑭᒃᑯᑦ ᐃᓕᓴᕆᔭᐅᔾᔪᑎᑖᕐᓂᐊᕐᒪᖔᖏᑦ.  ᖃᐅᔨᒪᔨᑕᕆᔭᐅᔪᑦ ᑲᑎᒪᔨᖏᓐᓄᑦ ᐃᒃᓯᕚᖃᑕᐅᕗᑦ ᓄᓇᕗᑦ ᒪᓕᒐᓕᐅᕐᕕᐊᑕ ᐅᖃᖅᑎᖓ, ᓄᓇᕗᒻᒥ ᐃᖅᑲᖅᑐᐃᕕᓕᕆᔨᒃᑯᑦ ᐃᖅᑲᖅᑐᐃᔨᑦ ᐊᖓᔪᖅᑳᖓᑦ ᐊᒻᒪᓗ ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᖓᑦ.

medallion tinyᐊᕐᕌᒍᑕᒫᖅ ᐅᓄᓛᑦ ᐃᓕᓴᕆᔭᐅᔾᔪᒻᒥᒃ ᐅᔭᒥᒃᑕᐅᔪᑦ ᐱᖓᓲᔪᓐᓇᖅᑐᑦ.  ᑲᓇᑕᒥᐅᑕᖅ ᐃᓕᓴᕆᔭᐅᔾᔪᒻᒥᒃ ᐅᔭᒥᒃᑕᐅᖃᑕᐅᔪᓐᓇᖅᐳᖅ, ᐊᒻᒪᓗ ᐅᔭᒥᒃᑕᐅᑎᓪᓗᒍ, ᓄᓇᕗᒻᒥᐅᑕᐅᔭᕆᐊᓕᒃ ᐅᕝᕙᓘᓐᓃᑦ ᓄᓇᕗᒻᒥᐅᑕᑐᖃᐅᓗᓂ, ᐅᕝᕙᓘᓐᓃᑦ ᒫᓐᓇ ᓄᓇᕘᓕᖅᑐᒥ ᓄᓇᖃᑯᑖᖕᓂᑰᓗᓂ ᓄᓇᕗᓐᖑᖅᑎᑕᐅᓚᐅᖅᑎᓐᓇᒍ ᐊᐃᕐᕆᓕ 1, 1999-ᒥ.

medallion tiny

ᐅᑯᐊ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒧᑦ ᓂᕈᐊᒐᒃᓴᓐᖑᖅᑎᑕᐅᔪᓐᓇᓐᖏᑦᑐᑦ ᐃᓂᒥᓃᓐᓂᖏᓐᓂ: ᓄᓇᕗᑦ ᒪᓕᒐᓕᐅᕐᕕᐊᓄᑦ ᒪᓕᒐᓕᐅᖅᑏᑦ; ᑲᓇᑕᒥ ᒪᓕᒐᓕᐅᕐᕕᒡᔪᐊᕐᒧᑦ ᐃᓚᒋᔭᐅᖃᑕᐅᔪᑦ; ᓄᓇᓕᖕᓂ ᕼᐋᒻᓚᒃᑯᑦ ᑲᑎᒪᔨᖏᓐᓂ ᒪᐃᔭᐃᑦ ᐊᒻᒪ ᑲᑎᒪᔩᑦ; ᐃᖅᑲᖅᑐᐃᕕᖕᓂ ᓇᓕᐊᑐᐃᓐᓇᖅ ᐃᖅᑲᖅᑐᐃᔩᑦ; ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᖃᐅᔨᒪᔨᑕᑦ ᑲᑎᒪᔨᖏᓐᓄᑦ ᐃᓚᒋᔭᐅᖃᑕᐅᔪᑦ ᐊᒻᒪ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᖃᐅᔨᒪᔨᑕᑦ ᑲᑎᒪᔨᖏᓐᓄᑦ ᑎᑎᕋᖅᑎ.

medallion tiny

ᔫᓂ 29, 2011−ᖑᑎᓪᓗᒍ, ᓯᕗᓪᓕᖅᐹᒥ ᐃᓕᓴᕆᔭᐅᔾᔪᑎᑖᕐᓂᐊᕐᓗᑎᒃ ᑐᓴᖅᑎᑦᑎᔾᔪᑕᐅᓚᐅᖅᓯᒪᔪᑦ. ᐅᑯᐊ ᐃᓕᓴᕆᔭᐅᔾᔪᑎᑖᕐᖢᑎᒃ ᔪᓯ ᐊᒪᐅᔭᖅ ᑯᓱᒐᖅ, ᒫᒃ ᑲᓗᐊᖅ, C.M. ᐊᒻᒪᓗ ᐊᔪᕆᖅᑐᐃᔨ ᒪᐃᑯ ᒑᑦᓄ, C.M. 2012: ᕿᓐᓄᐊᔪᐊᖅ ᐋᓯᕙᒃ ᐊᒻᒪ ᓵᓕ ᐸᓂᒍᓂᐊᖅ. 2013: ᔨᒥ ᐋᑲᕚᒃ, ᓗᐃ ᐊᓐᖓᓕᒃ ᐊᖓᔪᒃᖠᖅ ᐊᒻᒪ ᑕᐃᕕᑎ ᐊᕐᓇᒃᑲᖅ. 2014: ᔮᓐ ᐊᒪᕈᐊᓕᒃ. 2015: ᑕᒑᖅ ᑰᓕ, ᕗᐃᓕᐊᒻ ᓚᐃᔪᓪ ᐊᒻᒪ ᐃᒃᓯᕋᕐᔪᐊᖅ ᕌᐳᑦ ᓚᓵᑦ. 2016: ᒥᔅᑕ ᓗᐃ ᖃᒨᒃᑲᖅ, ᒥᔅ ᐃᐊᓚᓐ ᕼᐅᓪᒧᑕᓐ ᐊᒻᒪᓗ ᒥᔅᑕ ᕆᐊᑦ ᐲᑐᓴᓐ.

AttachmentSize
2017−ᒥ ᓂᕈᐊᒐᒃᓴᖃᖅᑎᑎᓂᖅ ᒪᑐᐃᖅᑕᐅᓂᖓ ᓄᓇᕗᒥ ᐱᓕᕆᑦᓯᐊᖅᓯᒪᔪᓄᑦ ᐃᓕᑕᖅᓯᔾᔪᑎ138.45 KB