ᓯᒥᐊᓐ ᒥᑭᖑᐊᖅ

ᐅᐱᓐᓇᖅᑐᖅ: 
ᖃᒪᓂᑦᑐᐊᕐᒃ
Legislative Office: 

ᐅᖄᓚᐅᑖ: (867) 975-5019
ᓱᒃᑲᔪᒃᑰᕈᑖ: (867) 975-5112
ᖃᕆᓴᐅᔭᒃᑯᑦ ᑐᕌᕈᑖ: smikkungwak [at] assembly [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

P.O. Box 376
Baker Lake, NU
X0C 0A0
ᐅᖄᓚᐅᑖ: (867) 793-4949
ᓱᒃᑲᔪᒃᑰᕈᑖ: (867) 793-4950
ᖃᕆᓴᐅᔭᒃᑯᑦ ᑐᕌᕈᑖ: simeonmikkungwak [at] bakerlakemla [dot] ca

ᓯᒥᐊᓐ ᒥᑭᓐᖑᐊᖅ ᓂᕈᐊᖅᑕᐅᒃᑲᓐᓂᓚᐅᖅᑐᖅ ᓂᕈᐊᕕᒡᔪᐊᖅᑎᓪᓗᒋᑦ ᐊᒃᑑᕙ 30, 2017-ᖑᑎᓪᓗᒍ, ᑭᒡᒐᖅᑐᐃᓂᐊᕐᓗᓂ ᓄᓇᓕᖓᓐᓂᒃ ᖃᒪᓂᑦᑐᐊᖅ ᑕᓪᓕᒪᖓᓐᓂ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ.

ᒥᔅᑕ ᒥᑭᓐᖑᐊᖅ ᑎᒃᑯᐊᖅᑕᐅᓚᐅᖅᑐᖅ ᐅᖃᖅᑎᐅᑉ ᑐᖏᓕᐊᑕ ᐃᓂᖓᓄᑦ ᐊᒻᒪ ᐃᒃᓯᕙᐅᑕᕆᔭᐅᓪᓗᓂ ᑲᑎᒪᑐᐃᓐᓇᕐᓂᕐᒥ ᑕᓪᓕᒪᖓᓐᓂ ᒪᓕᒐᓕᐅᖅᑏᑦ ᓯᕗᓪᓕᖅᐹᕐᒥᒃ ᑲᑎᒪᕐᔪᐊᖅᑎᓪᓗᒋᑦ, ᑕᐃᒪᐃᓚᐅᕐᒪᑕ ᓄᕕᐱᕆ 21, 2017−ᒥ. ᒥᔅᑕ ᒥᑭᓐᖑᐊᖅ ᑲᑎᒪᔨᐅᖃᑕᐅᓚᐅᖅᑐᖅ ᑎᓴᒪᖓᓐᓂ ᓂᕈᐊᖅᑕᐅᓯᒪᔪᑦ ᒪᓕᒐᓕᐅᖅᑏᑦ ᑲᑎᒪᔨᖏᓐᓄᑦ. ᒥᔅᑕ ᒥᑭᓐᖑᐊᖅ ᐃᒃᓯᕙᐅᑕᕆᔭᐅᓚᐅᖅᑐᖅ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᓐᓄᑦ ᐊᒻᒪ ᐃᒃᓯᕙᐅᑕᐅᖃᑕᐅᓪᓗᓂ ᑲᑎᒪᑐᐃᓐᓇᖅᑎᓪᓗᒋᑦ.

ᓯᕗᕐᖓᒍᑦ ᓂᕈᐊᖅᑕᐅᓚᐅᖅᑳᕋᓂ, ᒥᔅᑕ ᒥᑭᓐᖑᐊᖅ ᐃᖅᑲᓇᐃᔭᖅᑎᐅᓚᐅᖅᑐᖅ ᓄᓇᒥᒃ ᖃᐅᔨᓴᖅᑎᐅᓪᓗᓂ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ. ᒥᔅᑕ ᒥᑭᓐᖑᐊᖅ ᐅᓄᑲᓪᓚᒃᑐᓂᒃ ᐃᖅᑲᓇᐃᔮᖃᖃᑦᑕᖅᓯᒪᔪᖅ, ᐱᖃᓯᐅᑎᓪᓗᒍ ᐊᒡᒍᖅᑐᖅᓯᒪᓂᕐᒥ ᐃᒥᐊᓗᓕᕆᓂᕐᒧᑦ ᐊᒻᒪ ᐋᖓᔮᕐᓇᖅᑐᓕᕆᓂᕐᒧᑦ ᐱᓕᕆᔨᐅᓪᓗᓂ ᓄᓇᕗᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᐊᒻᒪ ᐃᓄᓕᕆᔨᒃᑯᓐᓄᑦ ᐊᒻᒪᓗ ᐃᖅᑲᖅᑐᐃᕕᖕᒥ ᑐᓵᔨᐅᑦᑕᖅᓯᒪᓪᓗᓂ.

ᒥᔅᑕ ᒥᓐᑭᖑᐊᖅ ᐃᓕᓐᓂᐊᖅᑕᒥᓂᒃ ᐱᔭᕇᖅᓯᓯᒪᔪᖅ ᓄᓇᕗᑦ ᓯᓚᑦᑐᓴᕐᕕᖕᒥ. ᒥᔅᑕ ᒥᑭᓐᖑᐊᖅ ᐃᖅᑲᓇᐃᔭᖃᑦᑕᖅᓯᒪᔪᖅ ᐊᔾᔨᒌᓐᖏᕈᓘᔭᖅᑐᓄᑦ ᐊᑦᑕᓇᖅᑐᓂᒃ ᐃᒋᑕᐅᖃᑦᑕᖅᑐᑦ ᐊᐅᓚᑦᑎᓪᓗᓂ, ᑐᐊᕕᕐᓇᖅᑐᓕᕆᔨᐅᓪᓗᓂ, ᖃᑦᑎᕆᔨᐅᓪᓗᓂ, ᐊᔪᓕᕈᑎᖃᖅᐸᒃᑐᓄᓪᓗ ᐃᓅᓯᓕᕆᔨᐅᓪᓗᓂ ᐊᒻᒪᓗ ᐃᓅᓯᕐᒥᒃ ᑭᐱᓯᑦᑕᐃᓕᒪᓂᕐᒧᑦ ᐱᓕᕆᖃᑦᑕᖅᓯᒪᓪᓗᓂ.

ᒥᔅᑕ ᒥᑭᓐᖑᐊᖅ ᑐᖏᓕᕆᔭᐅᓯᒪᕗᖅ ᒪᐃᔭᒧᑦ ᖃᒪᓂᑦᑐᐊᕐᒥ, ᑲᑎᒪᔨᐅᑦᑕᖅᓯᒪᓪᓗᓂᓗ ᕼᐊᒪᓚᒃᑯᑦ ᑲᑎᒪᔨᖏᓐᓄᑦ ᖃᒪᓂᑦᑎᐊᕐᒥ, ᑎᑎᕋᖅᑎ ᑮᓇᐅᔭᓕᕆᔨᐅᓂᑯ ᖃᒪᓂᑦᑐᐊᑉ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᓐᓄᑦ, ᐃᒃᓯᕙᐅᑕᐅᓯᒪᓪᓗᓂᓗ ᖃᒪᓂᑦᑐᐊᕐᒥ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᐊᒻᒪ ᑲᑎᒪᔨᐅᖃᑦᑕᖅᓯᒪᓪᓗᓂ ᖃᒪᓂᑦᑐᐊᕐᒥ ᐃᒡᓗᓕᕆᔨᒃᑯᑦ ᑲᑎᒪᔨᖏᓐᓄᑦ.

ᒥᔅᑕ ᒥᑭᓐᖑᐊᖅ ᐊᑭᓕᖅᓱᖅᑕᐅᒐᓂ ᐱᓕᕆᖃᑦᑕᖅᓯᒪᔪᖅ ᕿᓂᖅᑎᓄᑦ ᐸᖅᓴᐃᔨᓄᑦ ᐊᒻᒪ ᓄᓇᓕᖕᓂ ᑐᓴᐅᓴᐅᑎᑎᒍᑦ ᐅᖃᓪᓚᒃᑎᐅᖃᑦᑕᖅᓯᒪᓪᓗᓂ. ᒥᔅᑕ ᒥᑭᓐᖑᐊᖅ ᖁᕕᐊᒋᔭᖃᖅᑐᖅ ᐊᖑᓇᓱᖕᓂᕐᒥᒃ, ᐱᓐᖑᐊᖅᑐᓕᕆᓂᕐᒥᒃ ᐊᒻᒪ ᓂᔾᔮᑎᑦᓯᓂᕐᒥᒃ.