ᑐᒃᓯᕋᐅᑎᓕᐅᖁᔨᓂᕐᒧᑦ ᐃᓇᑦᑎᔾᔪᑎ: ᐃᒻᒥᒃᑰᖅᑐᑦ ᑲᑎᒪᔩᑦ ᑭᒥᕐᕈᓂᐊᖅᑐᑦ ᒪᓕᒐᓕᐅᖅᑏᑦ ᑲᑎᒪᔭᖅᑐᖅᓯᒪᓪᓗᑎᒃ ᖃᐅᑕᒫᖅᓯᐅᑎᖏᓐᓂᑦ, ᑮᓇᐅᔭᓂᒃ ᐊᑐᕈᓐᓇᖅᑕᖏᓐᓂᑦ, ᑮᓇᐅᔭᖅᑐᕈᑎᖏᓐᓂᑦ ᐊᒻᒪᓗ ᐃᑲᔫᓯᐊᕆᕙᑦᑕᖏᓐᓂᑦ

ᓄᓇᕗᒥ ᒪᓕᒐᓕᐅᖅᕕᖓᑕ ᑲᑎᒪᔨᓕᕆᔨᖏᑦ ᑲᑎᒪᔩᑦ ᐊᖏᖅᓯᒪᔪᑦ ᓴᖅᑭᖅᑕᐅᓂᖓᓂᒃ ᐃᒻᒥᒃᑰᖅᑐᓂᒃ ᑲᑎᒪᔨᓂᒃ ᕿᒥᕐᕈᔨᐅᓂᐊᖅᑐᓂᒃ ᒪᓕᒐᓕᐅᖅᑏᑦ ᑲᑎᒪᔭᖅᑐᖅᓯᒪᓪᓗᑎᒃ ᖃᐅᑕᒫᖅᓯᐅᑎᖏᓐᓂᑦ, ᑮᓇᐅᔭᓂᒃ ᐊᑐᕈᓐᓇᓲᖏᓐᓂᑦ, ᑮᓇᐅᔭᖅᑐᕈᑎᒥᓂᖏᓐᓂᑦ ᐊᒻᒪᓗ ᐃᑲᔫᓯᐊᕆᕙᑦᑕᖏᓐᓂᑦ.

ᐃᓗᓕᖓ ᓈᓴᐅᑎᓕᒃ 37−ᒥᑦ ᒪᓕᒐᓕᐅᖅᕕᐅᑉ ᐊᒻᒪᓗ ᓯᕗᓕᑦᑏᑦ ᑲᑎᒪᔨᖏᑕ ᐱᖁᔭᖓᓂ ᓇᓗᓇᐃᖅᓯᓯᒪᒻᒪᑦ ᑖᒃᓱᒪ ᐃᒻᒥᒃᑰᖅᑑᑉ ᑲᑎᒪᔨᑦ ᓴᖅᑭᔮᕈᑎᖓ ᑕᒪᓐᓇᐅᒻᒪᑦ “ᕿᒥᕐᕈᓂᑦ ᐊᒻᒪ ᐊᑐᓕᖁᔭᓕᐅᕐᓂᖅ ᐅᖃᖅᑎᒧᑦ ᐱᔾᔪᑎᖃᖅᑐᓂᒃ ᑲᑎᒪᔭᖅᑐᖅᓯᒪᓪᓗᑎᒃ ᖃᐅᑕᒫᖅᓯᐅᑎᖏᓐᓂᑦ, ᑮᓇᐅᔭᓂᒃ ᐊᑐᕈᓐᓇᖅᑕᖏᓐᓂᑦ, ᑮᓇᐅᔭᖅᑐᕈᑎᒥᓂᖏᓐᓂᑦ ᐊᒻᒪᓗ ᐃᑲᔫᓯᐊᕆᕙᑦᑕᖏᓐᓂᑦ ᐊᑭᓕᐅᑕᐅᓯᒪᔪᓂᒃ ᒪᓕᒐᓕᐅᖅᑎᐅᖃᑕᐅᔪᓄᑦ ᓄᓇᕗᑦ ᒪᓕᒐᓕᐅᖅᕕᖓᓂ.”

ᑖᒃᑯᐊ ᑲᑎᒪᔨᑦ ᑲᑎᒪᔨᖃᕐᓂᐊᖅᑐᑦ ᑕᓪᓕᒪᓂᒃ ᐃᓱᖃᕐᓗᒍ. ᑲᑎᒪᔨᒃᓴᖏᑦ ᑎᒃᑯᐊᖅᑕᐅᓛᖅᑐᒋᔭᐅᔪᑦ ᓰᑏᕝᕙ 2018−ᒥ. ᑖᒃᑯᐊ ᑲᑎᒪᔩᑦ ᑭᖑᓪᓕᐹᖅᓯᐅᑎᖏᑦ ᐅᓂᒃᑳᓕᐊᒥᓂᖏᑦ ᐅᖃᖅᑎᒧᑦ ᑐᓂᔭᐅᒋᐊᖃᖅᓯᒪᓛᖅᑐᑦ ᒫᑦᓯ 31, 2019 ᐊᓂᒍᓚᐅᖅᑎᓐᓇᒍ. ᑲᑎᒪᔩᑦ ᐊᑐᐊᒐᒃᓴᖏᑦ ᓇᓗᓇᐃᖅᓯᓯᒪᔪᑦ ᐃᓚᖓᒎᖅ ᑐᕌᒐᕆᓂᐊᖅᑕᖓ ᑕᒪᓐᓇᐅᒻᒪᑦ ᐊᑐᓕᖁᔭᓕᐅᖃᑦᑕᕐᓂᖅ ᐱᔾᔪᑎᖃᖅᑐᓂᒃ ᐊᑐᖅᑕᐅᓲᓂᒃ ᐊᒻᒪᓗ ᖃᓄᖅ ᑮᓇᐅᔭᖅᑐᖏᓐᓂᓴᒃᖁᑦ ᐃᑲᔪᖅᓰᖃᑦᑕᕈᓐᓇᕐᒪᖔᑕ ᒪᓕᒐᓕᐅᖅᕕᒻᒥ ᒪᓕᒐᓕᐅᖅᑎᐅᖃᑕᐅᔪᓄᑦ ᐊᕐᕋᒍᑭᑦᑐᓂᒃ ᕿᑐᕐᖓᒥᓂᒃ ᐱᕈᖅᓴᐃᔪᓄᑦ.

ᑲᑎᒪᔨᓄᑦ ᑎᒃᑯᐊᖅᑕᐅᓂᕐᒧᑦ ᐃᓱᒪᒃᓴᖅᓯᐅᕈᑕᐅᓂᐊᕐᓗᑎᒃ, ᓂᕈᐊᒐᒃᓴᐃᑦ ᐃᓅᓯᖃᑦᑎᐊᕆᐊᖃᖅᐳᑦ ᐊᒻᒪᓗ ᑕᒃᑯᒃᓴᐅᔪᒃᑯᑦ ᐱᔪᓐᓇᕐᓂᖃᕆᐊᖃᖅᐳᑦ ᖃᐅᔨᓇᓱᖕᓂᕐᒥᒃ ᐱᔭᕆᐊᑐᔪᓂᒃ ᑎᑎᕋᖅᓯᒪᔪᓂᒃ, ᐱᖃᓯᐅᑎᓗᒋᑦ ᐱᖁᔭᐃᑦ, ᑮᓇᐅᔭᐃᑦ ᖃᓄᐃᓕᖓᓂᖏᓐᓄᑦ ᑎᑎᖅᑲᐃᑦ ᐊᒻᒪ ᑕᒪᑐᒧᖔᖓᔪᑦ ᑎᑎᕋᖅᓯᒪᔪᑦ. ᐃᓄᐃᑦ ᐅᖃᐅᓯᖏᓐᓂᒃ ᐅᖃᓪᓚᒍᓐᓇᑦᑎᐊᕐᓂᖅ ᐃᓱᒪᒋᔭᐅᓂᐊᖅᐳᖅ ᐊᑑᑎᖃᑦᑎᐊᖅᑐᒥᒃ.

ᑲᑎᒪᔨᐅᖃᑕᐅᔪᑦ ᐊᑭᓕᖅᑕᐅᖃᑦᑕᕐᓂᐊᖅᐳᑦ ᒪᓕᒡᓗᒋᑦ ᐊᑐᕆᐊᓖᑦ ᐃᓚᖓ 810 ᑕᐃᑲᓂ ᓄᓇᕗᑦ ᒐᕙᒪᒃᑯᑦ ᑮᓇᐅᔭᐃᑦ ᐊᐅᓚᑕᐅᓂᖏᓐᓄᑦ ᐅᖃᓕᒫᒐᐃᑦ. ᓄᓇᕗᑦ ᐃᓗᐊᓂ ᓇᕈᔭᕆᐊᖃᖅᑎᑕᐅᑐᐃᓐᓇᕆᐊᓖᑦ.

ᐱᔪᒪᔾᔪᑏᑦ ᐱᔭᐅᖃᑦᑕᕐᓂᐊᖅᐳᑦ ᑎᑭᓪᓗᒍ ᓯᕿᖖᒍᔭᖅ 5-ᒨᖅᐸᑦ ᐊᐅᒡᒍᓯ 17, 2018. ᐱᔪᒪᔾᔪᑎᑦ ᖃᐅᔨᒋᐊᕐᓂᕐᓗ ᑐᕌᖅᑎᑕᐅᔭᕆᐊᓖᑦ ᐅᕗᖓ:

ᑎᑎᕋᖅᑎ ᑲᑎᒪᔨᓕᕆᔩᑦ ᑲᑎᒪᔨᖏᓐᓄᑦ
ᑎᑎᕋᕐᕕᖓ ᓄᓇᕗᒻᒥ ᒪᓕᒐᓕᐅᕐᕕᐅᑦ
ᑎᑎᕋᒃᑯᕕᖓ 1200, ᐃᖃᓗᐃᑦ, ᓄᓇᕗᑦ, X0A 0H0
ᐅᖄᓚᐅᑖ: (867) 975-5000 ᓱᒃᑲᔪᒃᑯᑦ: (867) 975-5191
ᖃᕋᓴᐅᔭᒃᑯᑦ: submissions [at] assembly [dot] nu [dot] ca

AttachmentSize
ᑐᒃᓯᕋᐅᑎᓕᐅᖁᔨᓂᕐᒧᑦ ᐃᓇᑦᑎᔾᔪᑎ: ᐃᒻᒥᒃᑰᖅᑐᑦ ᑲᑎᒪᔩᑦ ᑭᒥᕐᕈᓂᐊᖅᑐᑦ ᒪᓕᒐᓕᐅᖅᑏᑦ ᑲᑎᒪᔭᖅᑐᖅᓯᒪᓪᓗᑎᒃ ᖃᐅᑕᒫᖅᓯᐅᑎᖏᓐᓂᑦ, ᑮᓇᐅᔭᓂᒃ ᐊᑐᕈᓐᓇᖅᑕᖏᓐᓂᑦ, ᑮᓇᐅᔭᖅᑐᕈᑎᖏᓐᓂᑦ ᐊᒻᒪᓗ ᐃᑲᔫᓯᐊᕆᕙᑦᑕᖏᓐᓂᑦ148.4 KB