ᑲᑎᒪᔾᔪᑎᒃᓴᑦ ᒪᓕᒐᓕᐅᖅᑏᑦ ᑲᑎᒪᕐᔪᐊᖅᑎᓪᓗᒋᑦ ᐊᑐᖅᑕᐅᓲᖑᕗᑦ, ᑲᑎᒪᕐᔪᐊᕐᓂᑕᒫᖅ ᖃᐅᑕᒫᖅ ᑎᑎᕋᖅᑎᐅᑉ ᑎᑎᕋᕐᕕᖓᓐᓄᑦ ᑲᑎᒪᔾᔪᑎᒃᓴᑦ ᐋᖅᑭᒃᓱᖅᑕᐅᖃᑦᑕᖅᑐᑦ, ᑲᑎᒪᕐᔪᐊᖅᑎᓪᓗᒋᓪᓗ ᑲᑎᒪᔾᔪᑕᐅᕙᓪᓕᐊᔪᑦ ᖃᓄᐃᑉᐸᓪᓕᐊᓂᖏᑦ ᓇᓗᓇᐃᖅᑕᐅᓯᒪᖃᑦᑕᕆᓪᓗᑎᒃ. ᑕᕝᕗᖓ ᐅᓪᓗᕐᒥ ᑲᑎᒪᔾᔪᑕᐅᓂᐊᖅᑐᑦ ᒪᓕᒃᑕᐅᓂᐊᕐᓂᖏᑦ ᑐᖏᓕᕇᒃᓱᖅᑎᑕᐅᓯᒪᓪᓗᑎᒃ ᑎᑎᕋᖅᑕᐅᓯᒪᖃᑦᑕᖅᐳᑦ. ᐆᒃᑑᑎᒋᓗᒍ, ᑲᑎᒪᕐᔪᐊᕐᓂᖅ ᐱᒋᐊᕈᑎᖃᒡᒍᔪᖅ ᑐᒃᓯᐊᕐᓂᕐᒥᒃ, ᐅᖃᐅᓯᒃᓴᑦ ᒪᑐᐃᖅᓯᔾᔪᑏᑦ, ᒥᓂᔅᑕᐃᑦ ᐊᒻᒪᓗ ᒪᓕᒐᓕᐅᖅᑏᑦ ᐅᖃᐅᓯᖏᑦ, ᐅᖃᐅᓯᒃᑯᑦ ᑎᑎᕋᖅᓯᒪᔪᒃᑯᓪᓗ ᐊᐱᖅᑯᑏᑦ, ᐅᓂᒃᑲᐅᓯᖃᕐᓂᖅ ᕿᒥᕐᕈᓂᕐᓗ ᐱᖁᔭᒃᓴᓂᒃ, ᐱᖁᔨᕗᖔᕈᑏᑦ ᐊᒻᒪᓗ ᐊᓯᖏᑦ.
