2021mi Atiktuiyukhat Angmaktut Ilitagikyuagutikhainik Nunavumut

Dec 22 2021 10:42 am

IQALUIT, Nunavut (December 22mi, 2021) - Ukakti Maligaliukvimi ovalo Ikhivautak Ilitagitjutikhainik Nunavumi Ikayuktit Katimayiit, Honourable Tony Akoak, ublumi tuhaktiyuk atiktuitjutikhainik angmaktuk Ilitagitjutikhainik Nunavumi.

January 1mi, 2010, Ilitagitjutait Nunavumi Pikuyakyuat atuliktut. Pinahuaktait Ilitagitjutainut, “Ilitagilugit Inuit Ikayukpiakhimayut Inuuviviniinut, Inuligiyiinut ovaluniit Hanatiligiyiinut Naamagutainik Nunavumi.” Ilitagitjutait anginikhaanguyut ilitagitjutait Nunavumi ovalo hivuliuyut aalanut ilitagitjutainit, ilitagitjuitit ovaluniit aalanit ovaluniit tuniyait Kavamatkut Nunavumit. Ilauyut Ilitagitjutait Nunavumi Kanatamiunut Ilitagitjutait Atugutainut pilihimayut 2018mi Kavamatukatkut Ilitagitjutait Katimayiinit angiktauhimayut Governor Generalmit.

Ilitagitjutait Nunavumi Ikayuktit Katimayiit ihumagilikpaktait atiktuitjutainik Ilitagitjutainik ovalo pitkuhimayut Kamisinamit Nunavumit, ilauyuk Atanguyuapluni Ilitagitjutainik. Ilaukatauyut Ikayuktit Katimayiinut, Ukakti Nunavumi Maligaliukvik, Atanik Apikhuktit Nunavumi Apikhukviinit ovalo Anguyukaak Nunavut Tunngavik.

Atiktuitjutait titigait pilaaktut titigakvianit Maligaliukatigiit Maligaliukvimit ovalo pilaaktut Kagitauyakut Maligaliukvimit kagitauyakuugutainit hamani: www.assembly.nu.ca. Atiktuitjutait piniaktut 5:00mongakat (EST) Mondaymi, February 28, 2022. Kungiaktitiniaktut talvangat ubluanit tuhaktitauniaktut.

Ubluminut, tamaat 19kuyut Inuit pihimaliktut Ilitagitjutainik Nunavumi ikayugutainut, ilangani Kavamatkunit havaktut ovalo Nunalaamini Ikayuktut, hanauyaktit, ilihaktituiyit, ukauhiit ikayuktut, ukpgilikiyit hivuliktiit ovalo busniinit ilauyut.

Ukakti Akoak ukaalaltok, “Pitkuyatka tamamik Nunavummiut ihumagilugit atiktuiyumayait kinamik pihimayuk nakuuyumik ovalo ikayukpiakhimayuk Nunavumut.”

-30-

Tuhafaagumaguvit takulugu:

John Quirke, Titigakti, Maligaliukvimi
Ovalo Titigakti Ilitagitjutainik Nunavumi Katimayiit
Hivatauyaa: (867) 975-5000

AttachmentSize
2021mi Atiktuiyukhat Angmaktut Ilitagikyuagutikhainik Nunavumut120.53 KB
Order of Nunavut Nomination Form211.57 KB