Katimayigalaat tohaktitumayut Naunaiyautighanik haffuma Telivisakut Nalaktaulutik Katimanikmik uminga Maligaghak 25-mik

Nov 8 2019

IQALUIT, Nunavut (Nuvaipa 8, 2019) – Ukkua Maligaliukvikmi Katimayigalaat Maliganik ublumi tuhaktitumayut naunaiyautanik una kitikpalianiaktuk telivisakut tautuktaulutik katimanianik uminga Maligaghak 25-mik, una tughiktutauyuk Maligak Ihuaghautighak uminga Ilihakulikinikut Maligakmik uvalu Inuit Ukkauhiitnik Tammaktailitjutighaitnik Maligak.

“Ukkua Katimayigalaat telivisakut nalaktitilutik katimanik hatkitauniakmat kuvianaktumik uktutighaitnik hapkua Nunavummiut nanilikak aviktughimayumi nallakuvlugit ukkautigiyaptingnik tatva ihumaghutigitiakniagaptitku una piunighauyut Maligaghak,” ukkalaktuk una Katimayigalaat Ihivautagiya John Main, Maligaliukti Arviat Uannangani-Tikkigakjuamutlu. “Maligaliuktiukatitka uvangalu taitai kuanakpiaktakut tamaita Nunavummiut ihumaghughutik hatkitingmata ihumagiyamingnik ukkautikaghutik uminga Maligakmik 25-mik, tatvalu nigiuktugut nakuatut ukkakatigikluta tamapta avatingnut uvagut Katimayigalaat, unalu munagiyakaktuk Ministauyuk tatvalu hapkua kaitkuyauhimayut timmiuyut katimayiitlu hatkitiyaktuklutik uvaptinut.”

Ukkua katimayigalaat telivisakut tungiaktitinik nallaktitiniklu katimapkainiaktut tatvani Katimaviatni Maligaliukviup aulagutilutik Monday, Nuvaipa 25, 2019. Hamna katimanik naunaiyaghimayuk nutkaklutik uvani 12:00pm kittiguhikvikmi Hitamiutmi, Nuvaipa 28, 2019-mi. Kaituitjutait hatkiyaktuklutik katimayigalaatnun innighimaliktut hapkununga:

  •  Minista Ilihaktulikiyiit
  •  Nunavut Tunngavik Timingat
  •  Katuyikatigitkut uvani Nunavumi Nunaliitni Ilihaktulikiyiitni Katimayiit
  •  Qikiqtani Inuit Katuyikatigiit
  •  Kivalliq Inuit Katuyikatigiit
  •  Kitikmeot Inuit Katuyikatigiit
  •  Iqaluit Nunaliitni Ilihaktulikiyiitni Katimayiit
  •  Arviat Nunaliitni Ilihaktulikiyiitni Katimayiit
  •  Uqhuktumi Nunaliitni Ilihaktulikiyiitni Katimayiit
  •  Nunavumi Ilihaiyiuyut Katuyikatigit
  •  Havakviat Ukkauhilinikut Kamisina Nunavumi
  •  Havakviat ukkua Kivgaktuiyiuyut Nutakanik tatvalu Inulgamiitnik

Hamna katimaniat kungiaktitilutik nallaktaulutik telivisakut nunaliitni telivisakukutaitni tatvalu kangataktautikut telivisakut takkughauyut Bell-mi (nakitautani 513) uvalu Shaw (nakitautani 289 - classic / nakitautani 489 – nuttani takkutautaitni) kangataktautaitni. Hamna katimaniat takkughautiakmiyuk katimahimaktitlugit kagitauyakut uvani: http://video.isilive.ca/nunavut/.

-30-

Tuhaktitauffagumaguvit hivayainagialik una: John Main, Maligaliukti

Tel: (867) 975-5127 / (867) 857-4201

AttachmentSize
Katimayigalaat tohaktitumayut Naunaiyautighanik haffuma Telivisakut Nalaktaulutik Katimanikmik uminga Maligaghak 25-mik177.94 KB