Katimayigalaat Tuhaktiyut Talavisitkut Kungiaktakhainik Naalaktitiyut

Mar 26 2019

IQALUIT, Nunavut (March 26mi, 2019) – Maligaliuktiit Katimayigalaat munagiyut Kavamatkuni Havaktiligiyiit ovalo Maniligiyiit talavisitkut naalaktiniaktut April 9mit 11mut, 2019, iniktahaanik tuhagutikhait Titigakviit Kangunaitiligiyit Kamisinait ovalo Titigakviit Ilaukataupkaiyuk Nutakanut ovalo Inuulgamiit. Tamamik havaktiit ilauyut nangmiik havaktiit Maligaliukvimut.

Ilaukataupkaiyuk Nutakanut ovalo Inuulgaminut takuyauniaktuk katimayigalaanit piliklutik 9:00mongakat ublaami Tuesday, April 9mi, 2019. Inikhimaliktait tuhagutikhait takulaaktut hamani kagitauyakut: https://assembly.nu.ca/sites/default/files/TD-70-5(2)-EN-RCYO-2017-2018-Annual-Report.pdf ovalo http://rcynu.ca/sites/rcynu.ca/files/RCYO%202017-2018%20Annual%20Report_.... Atanguyait havaktiit Kavamatkut Nunavumi Munagiyit Inuligiyit, Aniaktitailigiyit, Ilihaktiligiyit ovalo Akigaktituiyit takuniaktutlu talavisitkut naalaktiligititlugit.

“Katimayigalaat talavisitkut naalaktinahuaktait ikpinaktuk ihivgiugiaganik havaagutainik ovalo akiliktigutainik Titigakvia naunaiyaniaktut ikpinagutait naamagutikhainik Nunavumi nutakat ovalo inuulgamiit,” ukaalaktuk Katimayigalaat Ighivautaa John Main, MLA Arviat Kanangnaga Tikigakyualu. “Maligaliuligiyit ihumaginiaktait kanuk havagutait ovalo hivuliutitjutait kitkaniitut kavamatkuni munagiyiit atukhimayait havaagutainut Titigakviit.”

Kangunaitiligiyt Kamisinaa takuyauniaktuk katimayigalaani piliklutik 1:30mongakat Wednesday, April 10mi, 2019. Titigakvia tuhagutikhait takulaaktut hamani kagitauyakut: https://assembly.nu.ca/sites/default/files/TD-66-5(2)-EN-IPC-Annual-Report-2017-18.pdf ovalo https://atipp-nu.ca/documents/annual-reports/download-info/annual-report.... Atanguyait havaktiit Kavamatkut Nunavumi Munagiyiit Ministait ovalo Kavamaligiyiit ovalo Aniaktitailigiyit takuyauniaktutlu talavisitkut naalaktiligumik.

“Angiyut ihuakhagutait Atulaaktait Tuhagutikhait ovalo Munagitjutikhait Kangunaitiligiyit Pikuyakyuat angiktauhimayut Maligaliukvimi ilanganut malguuk ukiumi,” ukaalaktuk Mr. Main. “Katimayigalaat talavisitkut naalaktiniagutait ihumaginiaktait amigaivyaktumik ihumayait, ilaulutik huliniaktut kavamatkut kiuniaktait pitkuhimayainik Kangunaitiligiyit Kamisinait tuhagutainit.”

Katimayigalaat talavisitkut naalaktigutait piniaktut Katimaviani Maligaliuktit ovalo angmaumaniaktuk Inunut kungiagumayut pulaakvianit. Naalaktiniaktut talavisitkut nunaini talavisitkuugutit ovalo inminut talavisitkuugutit atuklugit Bell (channel 513) ovalo Shaw (channel 289 – classic / channel 489 – new lineup) ilanganut.

-30-

Tuhafaagumaguvit takulugit:
John Quirke, Titigaktia Maligaliukvimit Nunavumi
Hivatauyaa: (867) 975-5000

AttachmentSize
Katimayigalaat Tuhaktiyut Talavisitkut Kungiaktakhainik Naalaktitiyut135.72 KB