Kinikhiayut Uktuktukhanik Ukauhiit Kamisinamik

Oct 11 2019

Kinikhiayut uktuktukhanik havaagutikhainut Ukauhiit Kamisinamik Nunavumi. Hamna havagutikhait piniaktut talimanik ukiunik, tamaat havainakluni tugaagutait.

Ukauhiit Kamisinaa nangminik havaktiuniaktok Maligaliukvimi. Tugaaktauniaktok pitkuyauhimayunit Maligaliukvimit, malikhutik Atuktainik Ukauhiit Pikuyakyuami. Havaktukhak atanguyautikaniaktok angiyunik aalatkiinik ovalo munagitjutait ataani Atuktainik Ukauhiit Pikuyakyuami ovalo Inuit Ukauhiit Munagitjutikhait Pikuyakyuami. Aatjikutait maligaliuligutainit takulaaktut kagitauyakut hamani:: www.nunavutlegislation.ca.

Tugaaktauniaktok uktuktunit ayonginiaktok atanguyait munagitjutainik hakugiktumik nalungilugit atuktainik ukauhiit maligaliuligutainik, ilaulutik Kanatami pikataktait mikhaanut ukauhiit nangminiigutait. Ayongitakhait ilauniaktot mikhaani maniligiyiit ovalo havaktiligiyiit munagitjutainik, Tugaaktauniaktok ayonginiaktok Inuit ukauhiinik ovalo atauhimik aipaanut Nunavumi atuktait ukautainik.

Titigakhimayut Havaagutikhait Naunaiyautait takulaaniaktut Titigakviani Maligaliukvikmi ovalo takulaaktut Maligaliukviit kagitauyakuugutaini hamani: www.assembly.nu.ca. Ukiuk tamaat tuhaktihimayait ovalo aalat titigakhimayut Titigakviani Ukauhiit Kamisinaa takulaaktut kagitauyakut hamani: www.langcom.nu.ca.

Uktuktut takupkaiyukhat kanuk havalaaktait ovalo munagilaaktait havaagutikhainik titigakhimayut ilanganut Havaagutikhait Naunaiyautait. Maniliuniaktait ilanganut $126,287mit $180,410mut ukiuk tamaat. Tugaaktauniaktok uktukhimayunit Iqalunmiutaungitpat tugaagutainik, nuutitigutikhait ikayugutikhainik pilaaniaktok. Ikayugutikhait iglukhainik atulaaniaktoklu. Uktugumayut pilaaniaktut umiktinagu 5:00mongakat Friday, November 29mi, 2019. Nalungilutik talvatuak uktukhimayut tahapkoa ilitagiyauhimayut ukakatiginiaktait takuyaulutik.

Uktugumayut ovalo apigiyumayut takulugit hapkoa:

Titigakti Munagiyiit ovalo Ikayuktiit Katimayit
Titigakvia Maligaliukvimi Nunavumi
Titigakvia: P.O. Box 1200, Iqaluit, NU, X0A 0H0
Hivatauyaa: (867) 975-5000 - Sukatukut: (867) 975-5191
Kagitauyakut: submissions [at] assembly [dot] nu [dot] ca

AttachmentSize
Kinikhiayut Uktuktukhanik Ukauhiit Kamisinamik27.26 KB
Havaatigit Naunaitkutinga254.77 KB