Maligaliukvik Pitkuhimayut Tugaagutikhainik Kangunaktuligiyit Kamisinakhamik Nunavumi

IQALUIT, Nunavut (October 23mi, 2018) – Maligaliukvik ublumi angikhimayait nuutitigutait pitkuhimayainik Ms. Katherine Peterson, Q.C., angiktauluni Kangunaktuligiyit Kamisinakhamik Nunavumi. Nuutitihimayait tamaat angiktauhimayut Maligaliukvimi.

Nunavumi Kangunaktutiligiyit Pikuyakyuangani pikamata Kangunaktuligiyit Kamisinaa havaliniaktok talimanik ukiunik. Ms. Peterson tugaagutikhanga piliniaktok kilamik.

Junemi ukiuk, Munagiyiit ovalo Ikayuktiit Katimayiit Maligaliukvimi kinikhiahimayut uktuktukhanik havaagutikhainik Kangunaktuligiyit Kamisinakhamut.

Ukaktitiyi Maligaliukvimi Joe Enook ukaalaktok, “Ms. Peterson antanguyauhimayuk ovalo naluyautianguyuk ilaupluni Ukiuktaktumi Akigaktuiyini, havagaakhimayuk 40nik ukiunik. Ayongitait kauyimayainut naluyaungitok hapkonani ikpinaktuni havaagutikhainut.”

Ukakti Enook ilauyuk, “Maligaliukatimnit, ukaalagunayunga aliahuutiminik Ted Richar, akhut ikayugaagutainik Kangunaktuligiyit Kaimisinautitlugu talimanik ukiunik ovalo hivunikhatianiakuk, havaguigumi.”

Kinauyaakhaa titigait ilauyut.

-30-

Tuhafaagumaguvit, takulugu:
John Quirke, Titigakti, Maligaliukvimi
Hivatauyaa: (867) 975-5000

-------------------------------------------------

Kinauyaakhaa Titigait

Katherine Peterson, Q.C.

Ms. Katherine Peterson ilaulikhimayuk Akigaktuiyit Katimayiinut Nunatiami 1978mi ovalo Akigaktuiyit Katimayiinut Nunavumi 1999mi. Ms. Peterson tiguhimayuklu amigaitunik tugaaktauhimayunik havaagutainik, ilauyut hapkoa:

• Akigaktuiyit Titigakti ovalo Maligaliuligiyit Katimayiit Maligaliukvimut Nunatiami;
• Angayukaak Akigaktuiyit Katimayiinut Nunatiami;
• Atanguyak Ilauyuk Akigaktuiyinut Peterson, Stang ovalo Malakoe;
• Ighivauyak Ilakatigiit Akigaktuiyiinut Ilanganut Yalonaimi Ilanga Kanatami Akigaktituiyit Katutjikatingit;
• Ikayukti Ministamut Akigaktuiyit mikhaanut, kinauyunut Aatjikutiligiyiinik Munagitjutainik Akigaktiligiyinik;
• Ihivgiukti ovalo Kinikhiayi Igluligaarjuqmi Ilihagiaktukhimayut Ihivgiutitlugit; ovalo
• Ihivgiukti mikhaanut Kavamatkut Nunavumi munagiyakhainik tukunmat nutagak Makibi - Kinngait.

Ms. Peterson tugaaktauhimayuk Queenmut Katimayiit 1989mi ovalo ilitagiyauhimayuk Queen Elizabeth II Golden Jubilee Medalmik 2002mi.