Nunatiaq ovalo Nunavut Ukaktiit Ihumagiyanga Maligaliuktiugaluak Ludy Pudluk

Jul 3 2019

YELLOWKNIFE, Nunatiaq ovalo IQALUIT, Nunavut (July 2mi, 2019) – Ukaktiit Jackson Lafferty ovalo Simeon Mikkungwak ublumi ihumagiyanga tukutjutaa maligaliuktiuyuugaluak MLA Ludy Pudluk, tukuhimayuk Mondaymi, aniagaagutainit.

Ludy Pudluk Maligaliuktiuhimayuk Nunatiami Maligaliukviani 1975mi 1995mut. Hivuliktiutitlugu, Mr. Pudluk ilaukatigihimayangit nunakatingit Qutiktumit ovalo akhuukatauhimayuk hanatjutikhainik Nunavut.

Mr. Pudluk, Mittimatalinmiutauyuugaluak kihimi nuutitauhimayuk Qausuitumut 1950’s. Maligaliuktiugaluagami 20mik ukiunik, Mr. Pudluk maiyanguhimayuk Qauisuitumut ovalo amigaivyaktunik havakviit. Ilitagiyauhimayuk Ilitkutukyuanganut Nunavumi 2018mi.

Ukakti Lafferty ukaalaktuk, “Maligaliukatimnit Maligaliukvimi, mamiahuktugut, ihumagivlugit Ilakatainik, Ilaukatinginik Mr. Pudluk. Mr. Pudluk akhuukatigihimayuk ukiuktaktumi, akhut hilat aalangugutainik akhuukatigihimayuk ovalo ikayukpiakhimapluni autlagutainik Nunavumik.”

Ukakti Mikkungwak ukaalaktuk, “Ludy Pudluk ilitagiyauhimayuk Ilitkutikyuanganik Nunavumi aipaangani havagapiagutainit. Maligaliukatitka ovangalu ihumagiyavut Ilaukatingit, Ilakagingit ovalo nunakatigiyagalunagit tamagutainit.”

Kungmuatigutait kitkanut kungmuaniaktut Maligaliukvimi Yalonaimi ubluani Mr. Pudluk iluviktaulikpat.

-30-

Tuhafaagumaguvit takulugit:

Tim Mercer, Titigakti Nunatiami Maligaliukvik - (867) 767-9130
John Quirke, Titigakti Nunavumi Maligaliukvik - (867) 975-5000

AttachmentSize
Nunatiaq ovalo Nunavut Ukaktiit Ihumagiyanga Maligaliuktiugaluak Ludy Pudluk142.94 KB