Tamaita Maligaliuktit Katimayiit hanaiyakpalialiktut Parnaiyautighanik Havagiyumayaminik Kavamaulutik Hivunighamut Katimalutik Ikaluktutiami

Dec 1 2021

IQALUIT, Nunavut (Disaipa 1, 2021) – Ukkua Maligaliukvikmi Tamaita Maligaliuktit Katimayiit katimanialiktut Ikaluktutiami tatvanganin Disaipa 6-min 10-mun 2021, katimatjutilutjuk ihuaghautighaitnik parnaiyautiginiaktamingnik havagiyumayamingnik Katimalutik.

Hivuliktiulihaak Akeeagok tatvalutauk huli kaitkuihimaliktuk katimayiuyunik Nunavut Tunngavik Timingata Katimayiitnik katimakatigitkuvlugit hapkua Tamaita Maligaliuktit Katimaniaktitlugit hivulikpami ubluani Katimaniaktitlugit. Hamna hivulikpanuniaktuk tatva tamaita hapkua Maligaliuktit tatvalu hapkua Nunavumi Inuinait |Hivuliktiuyut katimatkutauliktut pitiakatigiiklotik ukkakatigiiklutik ihuaghautighaitnik hapkua hanaiyautighatik parnaiyautigitjutighaitnik havaginiaktamingnik hivunighami ukkua Nunavut Kavamatkut.

“Hamna piuyighauyuk havagivalianialikhutigu hivunighami havagiyumayaptingnik parnaiyautighanik niguakvigiyavut kivgaktutit kiklikaktugit, ukkua uvanga Ministagiyatkat Katimayiit uvangalu tunighimatiaktugut katimakatigitiagumayavut tamaita hapkua tamaita Maligaliuktut Maligaliukvikmi, tatvalu hapkua Inuit timingit ihumagivlugit hapkua ihuaghautighaitnik hapkua havagiyumayavut hivunighami ihumagivlugu hamna hakkugikatigiiknik atauhikmiklu nipikakatigiknikmik kivgaktuiluta tamaitnik Nunavumiutanik,” Ukkalaktuk Hivulikti Akeeagok. “Niriugiyakaktunga tamapta pikatgiikniaktugut aghugungnakniaktunik tatvalu amihunik tamakiumanahuaklugit hapkua ihumagiyavut hivuliutiyughat havagiyumaniaktavut hamani Nunavumi.”

Katimayiit Ihivautaat Joe Savikataaq ukkalaktuk, “Una atauhiuyuk naunaitiaghimayuk attuyaukataktuklu hapkuninga ikkayoktoingituta ahianik kavamaunikmut katuyikatigitnik kavamauvluta Nunavumi uktutigiyungnamtavut taima tamaita hapkua Maligaliuktiit katimakatigiiklutik ajikikatigiiklutik. Uvanga pikatauhimavlunga kinguani parnaiyaikatauhimavlunga Katimaniaktunik, Uvanga kuyangakpiaktuk hapkua ihumagitiaghugit piunikhagiyait tatvalo ikkayutautiakningit.”

Ukaktiuyok Tony Akoak ukalaktuk, “Hamna katimanik naunaiyautauniktuk hivulikpangulunii tatvunga tamaita hapkua Maligaliuktit katimatjutikakniaktut hilatani kavamakakviup tatvanganin hamna kallakjuaknik anniakutauluaktuk hiamaghimaliktitlugu. Nigiuktugut pikatigagumavluta katimakatigilugit hapkua nunaliitnin hivliktiit tatvalu nunakaktigiiktut.”

-30-

Tuhaffagumaniguffi naunaitiaklugu titikinagialik una :

John Quirke
Titigakti Maligaliurvikmi
Karitauyakukuta: LegInfo [at] assembly [dot] nu [dot] ca

Sima Sahar Zerehi
Pivalialikiyiuyunik Tuhaktitiyiuyuk Titigiaktiuyuk, Havakviatni uma Hivuliktiuyup
Karitauyakukuta: szerehi6 [at] gov [dot] nu [dot] ca

AttachmentSize
Tamaita Maligaliuktit Katimayiit hanaiyakpalialiktut Parnaiyautighanik Havagiyumayaminik Kavamaulutik Hivunighamut Katimalutik Ikaluktutiami130.24 KB