IQALUIT, Nunavut (November 10mi, 2023) – Ukakti Maligaliukvimi ovalo Ikhivautak Ilitagiligiyiinik Nunavumi Ikayuktiit Katimayiit Honourable Tony Akoak, ublumi tuhaktitiyuk atiktuitjutikhait Ilitagiyakhanut Nunavumi.
January 1mi, 2010, Ilitagiligiyit Nunavumi Pikuyakyuat atuliktut. Pinahuaktait Ilitagiligiyiit “Nunavumi Inunik pihimayut ikayugutainik Inuuviviniit, Inuligiyiit ovaluniit Hanatiligiyiit Nunavumi.” Ilitagihimayut anginikhaanguyut Nunavumi ovalo hivuliuyut tamamik aalat iligitjutait, tunivlugit ilitagitjutainik ovaluniit angiktaulutik Kavamatkut Nunavumi. Ilautiligutait Ilitagitjutait Nunavumi ilanganut Kanatamiut Ilitagitjutainut Atugutait atulikhimayut 2018mi Kavamatukatkut Ilitagiligiyiit Katimayiinit angiktauhimayut Governor Generalmit.
Ilitagiligiyiit Nunavumi Ikayuktiit Katimayiit ihumaginiaktait atiktauhimayut Ilitagiliyiinut ovalo pitkkuhimaniaktut Kamisinatkunit Nunavumi, Hivuliktiuyuk Ilitagiligiyiinut. Katimayiuyut Ikayuktiit Katimayiinut hapkoa, Ukakti Maligaliukvimi, Hivulikti Apikhuktinut Nunavumi ovalo Angayukaak Nunavut Tunngavikuni.
Atiktuiniaktut makpigaat pilaaktut titigakvianit Katimayiit Maligaliukvimi ovalo aatjukutiliulaaktut Maligaliukvimi Kagitauyainit hamani: www.assembly.nu.ca. Atiktuiniaktut piniaktut 5:00mongakat (EST) Thursdaymi, February 29mi, 2024. Kongiaktiniaktut ilitagiyauyunik ubluani tuhaktitauniaktut kakugukiak.
Ubluminut, tamamik 21guyut Inuit ilitagiyauhimaliktut Nunavumi ikayugutainik ilanganut Inuukatigiit ovalo Nunalaani Ikayuktut, Hanauyaktiit, Ilihaktiligiyiit, Ukautinik tuhaktitiyut, Angaatjuligiyiit Hivuliktiit ovalo Businitkuni hanatiligiyiit.
Ukakti Akoak ukaalaktuk, “Tikiligapta Nunavut 25nik ukiunganut, pitkuhimayugut tamamik Nunavumiukatigiit ihumalutik atiktuitjutikhainik kinamik akhut nakuuyumik ikayukhimayut Nunavumut.”
-30-
Tuhafaagumaguvit, takulugu:
Titigakti Ilitagiligiyit Nunavumi Ikayuktit Katimayiit
Kagitauyakut: LegInfo@assembly.nu.ca
| Attachment | Size |
|---|---|
| 2023mi Atiktuitjutikhait Angmaktut Ilitagitjutikhainik Nunavumi | 201.89 KB |
| 2023mi Tikkuaqtuinikkut Titirarvikhaq | 172.19 KB |