ᐅᑉᐱᓇᖅᑐᖅ ᐸᐅᓕ ᐋᕈᓛᖅ ᖁᐊᓴ

ᐅᐱᓐᓇᖅᑐᖅ: 
ᐊᒡᒍ

ᐅᖃᖅᑎ

Legislative Office: 

ᐅᖄᓚᐅᑖ: (867) 975-5019
ᓱᒃᑲᔪᒃᑰᕈᑖ: (867) 975-5112
ᖃᕆᓴᐅᔭᒃᑯᑦ ᑐᕌᕈᑖ: pquassa [at] assembly [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

P.O. Box 238
Igloolik, NU
X0A 0L0
ᐅᖄᓚᐅᑖ: (867) 934-4060
ᓱᒃᑲᔪᒃᑰᕈᑖ: (867) 934-4050
ᖃᕆᓴᐅᔭᒃᑯᑦ ᑐᕌᕈᑖ: paulquassa [at] aggumla [dot] ca

ᑖᓐᓇ ᐅᑉᐱᓇᖅᑐᖅ ᐸᐅᓕ ᑯᐊᓴ ᓂᕈᐊᖅᑕᐅᓕᖅᑭᔪᒻᒪᑦ ᓂᕈᐊᕕᔾᔪᐊᕐᓂᖅᑕᖃᖅᑎᓪᓗᒍ ᐊᒃᑑᕝᕙ 30, 2017-ᒥ, ᑭᒡᒐᖅᑐᐃᒃᑲᓂᕐᓂᐊᕐᓗᓂ ᐊᒡᒍ ᓂᕈᐊᖅᑕᐅᓯᒪᕕᖓᓂᑦ ᑕᓪᓕᒪᒋᔭᖓᓂ ᓄᓇᕘᑉ ᒪᓕᒐᓕᐅᖅᕕᖓᓂ.

ᐸᐅᓕ ᖁᐊᓴ ᓂᕈᐊᖅᑕᐅᓚᐅᖅᑐᖅ ᐅᖃᖅᑎᕈᖅᑐᓂ ᕖᕗᐊᕆ 26, 2020-ᒥ ᓄᓇᕗᒥ ᓯᕗᓕᖅᑎᓂᑦ ᑲᑎᒪᐅᑎᖃᖅᑎᓪᓗᒋᑦ. ᐸᐅᓕ ᖁᐊᓴ ᐃᒃᓯᕙᐅᑕᐅᑉ ᐃᓂᖓᓄᑦ ᐃᖏᓚᐅᖅᑐᖅ ᐅᐊᑦᑎᐊᕈᒃᑲᓐᓂᐅᓕᖅᑎᓪᓗᒍ ᑕᐃᑲᓂᒃᓴᐃᓐᓇᖅ ᐅᓪᓗᕐᒥ.

ᐸᐅᓕ ᖁᐊᓴ ᐊᑕᓚᐅᖅᓯᒪᒻᒥᔪᖅ ᓄᓇᕗᒧᑦ ᑎᓴᒪᒋᔭᐅᓪᓗᓂ ᓯᕗᓕᖅᑎᐅᓗᓂ ᓄᕕᐱᕆ 21, 2017-ᒥᑦ ᑕᐃᑯᖓ ᔫᓂ 14, 2018. ᓯᕗᓕᖅᑎᐅᓪᓗᓂ, ᒥᓂᔅᑕᐅᓚᐅᕐᒥᔪᖅ ᓯᕗᓕᖅᑎᓂᑦ ᒐᕙᒪᐅᖃᑎᒌᓂᓪᓗ ᐱᓕᕆᐊᖃᖅᑎᐅᔪᓄᑦ ᑲᑎᒪᔨᓄᑦ, ᒥᓂᔅᑕᐅᓪᓗᓂᓗ ᓄᓇᖃᖅᑳᖅᑐᓕᕆᓂᕐᒧᑦ, ᒥᓂᔅᑕᐅᓪᓗᓂᓗ ᐆᒻᒪᖅᑯᑏᑦ ᐊᑭᖏᓐᓂᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ ᐊᒻᒪᓗ ᒥᓂᔅᑕᐅᓪᓗᓂ ᖃᒪᔨᐅᓪᓗᓂ ᐃᓐᓇᑐᖃᕐᓂᒃ.

ᐸᐅᓕ ᖁᐊᓴ ᒪᓕᒐᓕᐅᖅᑎᐅᔪᒻᒥᔪᖅ ᐃᓚᒋᔭᐅᓪᓗᓂ ᑎᓴᒪᒋᔭᖓᓄᑦ ᒪᓕᒐᓕᐅᖅᕕᒻᒧᑦ, ᑕᐃᑲᓂᓗ ᐱᔨᑦᑎᓚᐅᖅᑐᖅ ᒐᕙᒪᒃᑯᓐᓄᑦ ᓯᕗᒃᑲᑕᖅᑎᐅᓪᓗᓂ, ᒥᓂᔅᑕᐅᓪᓗᓂ ᐃᓕᓐᓂᐊᖅᑐᓕᕆᓂᕐᒧᑦ, ᐊᒻᒪᓗ ᒥᓂᔅᑕᐅᒋᓪᓗᓂ ᑲᒪᔨᐅᓪᓗᓂ ᓄᓇᕗᑦ ᓯᓚᑦᑐᓴᖅᕕᒻᒧᑦ.

ᒥᔅᑐ ᖁᐊᓴ ᐊᑕᐅᓯᐅᓐᖏᑦᑐᓂᒃ ᐱᓕᕆᐊᖃᖃᑦᑕᖅᓯᒪᔪᖅ ᐃᖅᑲᓇᐃᔭᕈᓐᓇᖅᓯᓚᐅᖅᓯᒪᒐᒥ.  1980 ᐊᑐᖅᑎᓪᓗᒋᑦ, ᒥᔅᑐ ᖁᐊᓴ ᑭᒡᒐᖅᑐᐃᔨᐅᓚᐅᖅᓯᒪᔪᖅ ᓄᓇᕗᑦ ᑐᓐᖓᕕᒃᑯᓐᓂ ᓄᓇᑖᕋᓱᖕᓂᖅ ᐋᔩᕈᑕᐅᑎᓪᓗᒍ ᑲᓇᑕᐅᑉ ᒐᕙᒪᒃᑯᖏᓐᓄᑦ.  ᑕᒪᓐᓇ ᐱᕙᓪᓕᐊᓂᖓ ᒪᓕᒃᖢᒍ, 1993−ᒥ ᐊᑎᓕᐅᖅᑕᐅᓕᓚᐅᖅᓯᒪᔪᖅ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ.  ᒥᔅᑐ ᖁᐊᓴ ᐊᖏᕈᒻᒥᒃ ᐊᑎᓕᐅᖃᑕᐅᓚᐅᖅᓯᒪᔪᖅ ᐊᖓᔪᖅᑳᕆᔭᐅᓂᓂ ᓄᓇᕗᑦ ᑐᓐᖓᕕᒃᑯᑦ ᒪᓕᒃᖢᒍ.  ᒥᔅᑐ ᖁᐊᓴ ᓄᓇᕗᑦ ᑐᓐᖓᕕᒃᑯᓐᓄᑦ ᐊᖓᔪᖅᑳᖑᓚᐅᖅᓯᒪᔪᖅ 2000−ᒥᑦ 2002−ᒧᑦ ᑎᑭᖢᒍ, ᐊᒻᒪ ᑭᒡᒐᖅᑐᐃᔨᐅᓚᐅᖅᓯᒪᓪᓗᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᒫᓐᓇᕈᓘᓚᐅᖅᑐᖅ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᕐᓂᐊᕐᓂᖏᓐᓄᓪᓗ ᐊᖏᕈᑏᑦ ᐋᔩᕈᑕᐅᑎᓪᓗᒋᑦ ᐅᔭᕋᖕᓂᐊᕐᓂᓕᕆᓂᖅ ᓄᓘᔮᖕᓂ ᐱᔾᔪᑕᐅᑎᓪᓗᒍ.

ᐊᓯᖏᑦ ᐃᓕᓯᒪᕝᕕᒋᓯᒪᓂᖏᑦ ᓂᕈᐊᖅᑕᐅᓯᒪᓪᓗᓂ ᐃᓚᖃᖅᐳᖅ ᐃᒡᓗᓕᖕᒥᐅᓄᑦ ᒪᐃᔭᐅᓂᖅ ᐊᒻᒪ ᐊᖓᔪᖅᑳᖑᓂᖅ ᓄᓇᕗᒻᒥ ᓄᓇᓖᑦ ᑲᑐᔾᔨᖃᑎᒌᖏᓐᓄᑦ.

ᒥᔅᑐ ᖁᐊᓴ ᐃᖅᑲᓇᐃᔮᖃᖃᑦᑕᖅᓯᒪᖕᒥᔪᖅ ᐊᖓᔪᖅᑲᐅᑕᐅᓂᕐᓂᒃ ᐃᓄᐃᑦ ᑕᑯᓐᓇᒐᒃᓴᓕᕆᔨᒃᑯᓐᓄᑦ, ᐃᒡᓗᓕᖕᒥ ᐃᓱᒪ ᐊᔾᔨᓕᐅᕆᔩᑦ, ᓄᓇᕗᒻᒥ ᑕᕐᕆᔮᒃᓴᓕᐅᕐᓂᕐᒧᑦ ᑯᐊᐳᕇᓴᓐ, ᓰᐲᓰ ᐅᑭᐅᖅᑕᖅᑐᖅ ᐊᒻᒪ ᐊᔾᔩᑦ ᑐᓴᐅᒪᔾᔪᑎᓕᕆᔨᒃᑯᑦ ᑲᑐᔾᔨᖃᑎᒌᖏᑦ.

ᒪᓕᒐᓕᐅᕐᕕᖕᒧᑦ ᓂᕈᐊᖅᑕᐅᓚᐅᓐᖏᓐᓂᕐᒥᓂ, ᒥᔅᑐ ᖁᐊᓴ ᐃᒃᓯᕙᐅᑕᐅᓯᒪᔪᖅ ᓄᓇᕗᒻᒥ ᐸᕐᓇᐃᔩᑦ ᑲᒥᓴᖏᓐᓄᑦ, ᒐᕙᒪᒃᑯᓐᓄᑦ ᑎᒥᓐᖑᖅᑎᑕᐅᓯᒪᔪᖅ ᓴᖅᑭᑕᕕᓂᖅ ᐊᑐᖅᖢᒍ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ.  ᒥᔅᑐ ᖁᐊᓴ ᑲᑎᒪᔨᐅᖃᑕᐅᖃᑦᑕᖅᓯᒪᔪᖅ ᓄᓇᕗᒻᒥ ᐱᓯᓂᓯᓄᑦ ᐊᑐᖅᑐᐊᕐᕕᒃᑯᓐᓄᑦ ᐊᒻᒪ ᓄᓇᕗᒻᒥ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐃᓕᓐᓂᐊᕐᓃᑦ ᑲᑎᒪᔨᕋᓛᖏᓐᓄᑦ.

ᒥᔅᑐ ᖁᐊᓴ ᐃᓚᐅᓯᒪᖕᒥᔪᖅ ᐅᖃᓪᓚᒃᑎᐅᖃᑦᑕᖅᓯᒪᓪᓗᓂᓗ ᐊᑕᐅᓯᐅᓐᖏᑦᑐᓄᑦ ᐃᓕᓐᓂᐊᕐᓂᓕᕆᓂᕐᒧᑦ ᑲᑎᒪᕐᔪᐊᕐᓂᕐᓂ ᐊᒻᒪ ᐱᕙᓪᓕᐊᑎᑕᐅᔪᓂ.

ᐸᐅᓕ ᐊᒻᒪ ᐃᓕᓴᐱ ᖁᐊᓴ ᐱᖓᓲᔪᖅᑐᓂᒃ ᕿᑐᕐᖓᓖᒃ.  ᒥᔅᑐ ᖁᐊᓴᐅᑉ ᖁᕕᐊᒋᔭᖏᑦ ᐃᓚᖃᖅᐳᑦ ᐊᖑᓇᓱᖕᓂᕐᒥᒃ, ᐃᖃᓪᓕᐊᕐᓂᕐᒥᒃ ᐊᒻᒪ ᓂᔾᔭᐅᓯᔭᕐᓂᕐᒥᒃ.