ᑭᐅᕋᓐ ᓄᑕᕋᖅ

ᐅᐱᓐᓇᖅᑐᖅ: 
ᑐᓄᓂᖅ
Legislative Office: 

ᐅᖄᓚᐅᑖ: (867)
ᓱᒃᑲᔪᒃᑰᕈᑖ: (867)
ᖃᕆᓴᐅᔭᒃᑯᑦ ᑐᕌᕈᑖ: knutarak [at] assembly [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

.

ᑲᕋᓐ ᓄᑕᕋᖅ ᓂᕈᐊᖅᑕᐅᓚᐅᖅᐳᖅ ᓂᕈᐊᕐᓇᐅᑎᓪᓗᒍ ᐅᑐᐱᕆ 25, 2021, ᑭᒡᒐᖅᑐᐃᓂᐊᕐᖢᓂ ᑐᓄᓂᖅ ᓂᕈᐊᖅᑕᐅᓯᒪᕝᕕᖓᓂ 6-ᒋᓕᖅᑕᖏᓐᓂ ᒪᓕᒐᓕᐅᖅᑎᓂ.

ᒥᔅ ᓄᑕᕋᖅ ᐃᖅᑲᓇᐃᔮᒃᑯᑦ ᐱᓕᕆᓯᒪᔭᖏᑦ ᐱᖃᓯᐅᔾᔨᕗᑦ ᐃᖅᑲᓇᐃᔭᕐᓂᕐᒥᒃ ᓄᓇᕗᒻᒥ ᒐᕙᒪᒃᑯᓐᓄᑦ ᐃᓐᓇᕐᓄᑦ ᐃᓕᓴᐃᔨᐅᓪᓗᓂ ᐊᒻᒪᓗ ᐊᖏᕐᕋᒥ ᓄᓇᓕᖕᓂᓗ ᐸᖅᑭᒃᓯᔨᐅᓂᕐᒧᑦ ᑭᒡᒐᖅᑐᐃᔨᐅᓪᓗᓂ. ᒥᔅ ᓄᑕᕋᖅ ᐃᖅᑲᓇᐃᔭᖅᓯᒪᒋᕗᖅ ᑲᒪᔨᐅᓪᓗᓂ ᒥᑦᑎᒪᑕᓕᒃᒥ ᓇᑦᑎᓐᓇᖅ ᐳᓚᕋᑎᓕᕆᕝᕕᖕᒥ ᐊᒻᒪᓗ ᓇᖕᒥᓂᖃᕐᖢᓂ ᐊᐅᓚᑦᑎᔨᐅᓪᓗᓂᓗ ᐊᑏ ᐳᓚᕋᑎᓕᕆᔨᒃᑯᓐᓂᒃ.

ᒥᔅ ᓄᑕᕋᖅ ᐸᐃᑉᐹᖃᖅᐳᖅ ᐃᓐᓇᕐᓄᑦ ᐃᓕᓴᐃᔨᐅᓂᕐᒧᑦ ᑕᐃᑲᖖᒐᑦ ᓴᐃᓐᑦ ᕗᕌᓐᓯᔅ ᔭᐃᕕᐅ ᓯᓚᑦᑐᖅᓴᕐᕕᒡᔪᐊᖓᓂᑦ. ᐱᒋᐊᖅᑎᑦᑎᓯᒪᔪᖅ ᐃᓕᓐᓂᐊᕈᑎᓂᒃ ᑮᓇᐅᔭᓕᕆᓂᕐᒧᑦ, ᐃᖅᑲᓇᐃᔭᖅᑎᓕᕆᓂᕐᒧᑦ ᐊᒻᒪᓗ ᐋᓐᓂᐊᕕᖕᒥ ᑐᓵᔨᐅᓂᕐᒧᑦ ᑕᐃᑲᓂ ᓄᓇᕗᑦ ᓯᓚᑦᑐᖅᓴᕐᕕᖓᓂ.

ᒥᔅ ᓄᑕᕋᖅ ᐱᒋᐊᖅᑎᑦᑎᖃᑕᐅᓯᒪᕗᖅ ᐱᕈᕐᕕᒃ ᐃᓕᓐᓂᐊᕆᐅᓴᕕᖕᒥᒃ ᒥᑦᑎᒪᑕᓕᒃᒥ, ᑕᐃᓐᓇᓗ 2018-ᖑᑎᓪᓗᒍ ᓵᓚᒃᓴᐅᓯᐊᓚᐅᖅᑐᑦ ᐃᓐᔅᐸᐃᔭᒥᑦ. ᒥᔅ ᓄᑕᕋᖅ ᑮᓇᐅᔾᔭᒃᓴᓇᓂ ᐊᑐᖅᓯᒪᔭᖓ ᐱᖃᓯᐅᔾᔨᒋᕗᖅ ᐱᓕᕆᖃᑕᐅᓯᒪᓂᕐᒥᒃ ᑐᓄᓂᖅ ᐊᖅᓴᕐᓃᑦ ᑕᑯᓐᓈᖅᑎᑦᑎᔨᓂ ᐊᒻᒪᓗ ᐃᒃᑯᓄᖓ ᓯᐅᓪᑦᔪ-ᓵᓐ ᒥᑦᑎᒪᑕᓕᒃᒥ ᑎᒥᐅᔪᓄᑦ.

ᑲᐅᕋᓐ ᐊᒻᒪ ᕼᐋᕕ ᓄᑕᕋᖅ ᐅᐱᓐᓇᖅᑑᓪᓗᑎᒃ ᕿᑐᕐᖓᖃᖅᐴᒃ ᐊᓚᐃᓐ, ᑯᕆᔅᑐᓪ, ᑳᑐᕆᓐ ᐊᒻᒪ ᓲᓚᖅ. ᒥᔅ ᓄᑕᕋᖅ ᓴᐸᖓᓕᕆᔪᒻᒪᐅᕗᖅ ᓇᖕᒥᓂᕐᓗ ᖁᕕᐊᒋᔭᖃᕐᖢᓂ ᐊᐅᓚᓴᕐᓂᕐᒥᒃ ᐊᒻᒪᓗ ᐊᓯᖏᓐᓂᒃ ᓯᒪᒥ ᖃᓄᐃᓕᐅᕐᓂᐅᔪᓂᒃ.