ᒥᓂᔅᑕ ᑕᐃᕕᑎ ᔪᐊᓇᓯ

ᐅᐱᓐᓇᖅᑐᖅ: 
ᕿᑭᕐᒃᑖᓘᑉ ᓂᒋᐊ

ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ

ᒥᓂᔅᑕ ᐃᓕᖅᑯᓯᓕᕆᔨᒃᑯᓐᓄᑦ

ᒥᓂᔅᑕ ᐅᖃᐅᓯᓕᕆᓂᕐᒧᑦ

Legislative Office: 

ᐅᖄᓚᐅᑖ: (867) 975-5023
ᓱᒃᑲᔪᒃᑰᕈᑖ: (867) 975-5103
ᖃᕆᓴᐅᔭᒃᑯᑦ ᑐᕌᕈᑖ: djoanasie [at] gov [dot] nu [dot] ca

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ: 

P.O. Box 156
Cape Dorset, NU
X0A 0C0
ᐅᖄᓚᐅᑖ: (867) 897-8753
ᓱᒃᑲᔪᒃᑰᕈᑖ: (867) 897-8645
ᖃᕆᓴᐅᔭᒃᑯᑦ ᑐᕌᕈᑖ: davidjoanasie [at] southbaffinmla [dot] ca

ᑕᐃᕕᑦ ᔪᓇᐊᓯ ᓂᕈᐊᖅᑕᐅᒃᑲᓐᓂᓚᐅᖅᓯᒪᔪᖅ ᑕᓪᓕᒪᒋᓕᖅᑕᖓᓂ ᓂᕈᐊᖅᑕᐅᓯᒪᔪᓄᑦ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ ᓄᓇᕗᒥ ᑭᒡᒐᖅᑐᐃᓪᓗᓂ ᓂᒋᐊᓂᒃ ᕿᑭᖅᑖᓘᑉ ᐅᑯᓂᖓ ᓄᓇᓕᖁᑎᖃᖅᑐᖅ ᑭᓐᖓᕐᓂᒃ ᐊᒻᒪᓗ ᑭᒻᒥᕈᕐᒥᒃ. ᓂᕈᐊᖅᑕᐅᓚᐅᖅᓯᒪᔪᖅ ᓄᕕᐱᕆ 17, 2017-ᖑᑎᓪᓗᒍ. ᒫᓐᓇ ᒥᓂᔅᑕᐅᔪᖅ ᐃᓕᓐᓂᐊᖅᑐᓕᕆᓂᕐᒧᑦ, ᒥᓂᔅᑕᕆᔭᐅᔪᖅ ᐃᓕᖅᑯᓯᓕᕆᓂᕐᒧᑦ ᐊᒻᒪ ᐃᑦᑕᕐᓂᓴᓕᕆᓂᕐᒧᑦ, ᐊᒻᒪ ᒥᓂᔅᑕᕆᔭᐅᓪᓗᓂ ᐅᖃᐅᓯᓕᕆᓂᕐᒧᑦ.

ᑎᓴᒪᖓᓐᓂ ᓂᕈᐊᖅᑕᐅᓯᒪᔪᑦ ᒪᓕᒐᓕᐅᖅᑎᑦ ᑲᑎᒪᔨᖏᓐᓂ ᒥᔅᑕ ᔪᐊᓇᓯ ᐃᒃᓯᕙᐅᑕᐅᖃᑕᐅᓚᐅᖅᓯᒪᔪᖅ ᑕᐃᔅᓱᒪᓂ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᓐᓄᑦ ᐊᒻᒪᓗ ᑲᑎᒪᔨᐅᖃᑕᐅᓚᐅᖅᓯᒪᔪᖅ ᑲᑎᒪᔨᓕᕆᔨᑦ ᑲᑎᒪᔨᖏᓐᓄᑦ.

ᓯᕗᕐᖓᒍᑦ ᓂᕈᐊᖅᑕᐅᓚᐅᕋᓂ ᓱᓕ ᐃᖅᑲᓇᐃᔭᖃᑦᑕᓚᐅᖅᓯᒪᔪᖅ ᑐᓴᐅᒪᔪᓕᕆᔨᒃᑯᓐᓄᑦ ᐊᖓᔪᖅᑳᕆᔭᐅᓪᓗᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ. ᐃᖅᑲᓇᐃᔭᖃᑦᑕᖅᓯᒪᖕᒥᔪᖅ ᓄᓇᕗᑦ ᒐᕙᒪᒃᑯᖏᓐᓂ ᐱᓕᕆᕕᖓᓐᓂ ᐃᓕᖅᑯᓯᓕᕆᔨᒃᑯᑦ, ᐅᖃᐅᓯᓕᕆᔨᒃᑯᑦ, ᐃᓐᓇᑐᖃᓕᕆᔨᒃᑯᑦ ᐊᒻᒪᓗ ᒪᒃᑯᒃᑐᓕᕆᔨᒃᑯᑦ ᐊᒻᒪᓗ ᐃᓄᐃᑦ ᑕᐱᕆᑦ ᑲᓇᑕᒥ ᐃᖅᑲᓇᐃᔭᖅᓯᒪᓪᓗᓂ.

ᒥᔅᑕ ᔪᐊᓇᓯ ᐃᖅᑲᓇᐃᔭᖅᓯᒪᖕᒥᔪᖅ ᐱᓐᖑᐊᖅᑐᓕᕆᔨᒃᓄᑦ ᓄᓇᕗᒥ ᐃᖅᑲᓇᐃᔭᖅᑎᐅᓪᓗᓂ ᐊᒻᒪᓗ ᐃᓚᐅᓯᒪᔪᖅ ᐅᑭᐅᖅᑕᖅᑐᕐᒥᐅᑦ ᒪᒃᑯᒃᑐᑦ ᑕᕆᐅᑉ ᐊᑭᐊᓄᑦ ᐊᐅᓪᓚᖅᑎᑕᐅᖃᑦᑕᕐᓂᖏᓐᓄᑦ ᐱᓕᕆᐊᑎᒍᑦ. ᑲᑎᒪᔨᐅᖃᑕᐅᓚᐅᖅᓯᒪᖕᒥᔪᖅ ᑐᒥᑯᓗᐃᑦ ᓴᐃᐹᖅᑭᕕᒃ ᐸᐃᕆᕕᐊᓄᑦ.

ᒥᔅᑕ ᔪᐊᓇᓯ ᐃᓕᓴᕆᔭᐅᔾᔪᑎᖃᖅᑐᖅ ᐱᔭᕇᖅᓯᓯᒪᓂᖓᓄᑦ ᐃᓕᓴᖅᑕᖓᓂᒃ ᐱᔅᓇᔅᒥ ᑐᓴᐅᒪᑎᑦᓯᔨᐅᓂᕐᒧᑦ ᐃᓕᓐᓂᐊᖅᓯᒪᓪᓗᓂ Saint Mary’s ᓯᓚᑦᑐᓴᕐᕕᒡᒧᐊᖓᓂ ᐊᒻᒪᓗ ᐃᓕᓴᕆᔭᐅᔾᔪᑎᖃᖅᑐᖅ Algonquin ᓯᓚᑦᑐᓴᕐᕕᖓᓐᓂ. ᐃᓕᓐᓂᐊᖅᓯᒪᖕᒥᔪᖅ ᓄᓇᕗᑦ ᓯᕗᓂᒃᓴᒥ ᐊᑐᐋᒥ ᐃᓕᓐᓂᐊᕐᕕᐅᕙᒃᑐᒥ.

ᑕᐃᕕᑦ ᐊᒻᒪᓗ ᓄᓕᐊᖓ ᐃᒪᓕ ᔪᐊᓇᓯ ᑎᓴᒪᓂᒃ ᕿᑐᕐᖓᖃᖅᑐᑦ: ᓴᐃᕆ, ᓯᓐᑎᐊ, ᖁᓕᑦᑕᓕᒃ, ᐊᒻᒪᓗ ᐱᑦᑖᓗᒃ. ᒥᔅᑕ ᔪᐊᓇᓯ ᖁᕕᐊᒋᔭᖃᖅᑐᖅ ᐊᖑᓇᓱᖕᓂᕐᒥᒃ ᐃᖃᓪᓕᐊᕐᓂᕐᒥᒃ, ᕼᐊᑭᕐᓂᕐᒥᒃ, ᐊᐅᓚᑲᑕᖕᓂᕐᒥᒃ, ᐃᓄᐃᑦ ᐃᓕᖅᑯᓯᑐᖃᖓᓂᒃ ᐊᑐᕐᓗᓂ ᐊᐅᓪᓚᖅᓯᒪᓂᕐᒥᒃ ᐊᒻᒪᓗ ᐃᓄᐃᑦ ᐅᖃᐅᓯᖏᓐᓂᒃ ᐊᑐᕐᓗᓂ ᖃᕆᑕᐅᔭᑎᒍᑦ ᐊᔾᔨᒌᖏᑦᑐᑎᒍᑦ ᐱᓕᕆᐊᖃᕆᐊᒃᓴᖅ.