ᒪᒃᑯᒃᑐᑦ ᐱᖁᔭᓕᐅᖅᑎᐅᓐᖑᐊᕐᓂᖏᑦ
ᑭᓱᖕᒪᑕ?
ᐃᓱᒪᓚᐅᖅᓯᒪᒍᕕᑦ ᑭᓱᓕᕆᕙᖕᒪᖔᑕ ᒪᓕᒐᓕᐅᖅᑎᑦ? ᖃᓄᐃᓕᐅᖃᑦᑕᕐᒪᖔᑕᓗ ᒪᓕᒐᓕᐅᕐᕕᖕᒥ, ᐅᕝᕙᓗ, ᖃᓄᖅ ᐱᖁᔭᒃᓴᑦ ᐱᖁᔭᓐᖑᖅᑎᑕᐅᖃᑦᑕᕐᒪᖔᑕ? ᐃᓱᒫᓗᒍᑎᖃᖅᐱᑦ ᖃᓄᐃᓕᐅᓕᕐᓂᖏᓐᓂᒃ ᓄᓇᑦᓯᓐᓃ? ᒪᒃᑯᒃᑐᑦ ᒪᓕᒐᓕᐅᖅᑎᐅᓐᖑᐊᕐᓗᑎᒃ ᑲᑎᒪᓂᖏᑎᒍᑦ ᐃᓚᐅᔪᓐᓇᕋᔭᖅᐳᑎᑦ. ᐊᒻᒪ ᐱᓗᐊᖅᑐᒥᒃ ᐱᓕᕆᐊᕆᓗᒍ ᐊᓕᐊᓇᐃᒍᓱᒃᑲᔭᖅᐳᑎᑦ!
ᖃᓄᐃᓕᐅᕋᔭᖅᐱᑕᓕ?
- • ᕿᒥᕐᕈᓇᒃᑕᐅᓗᓂ ᒪᓕᒐᓕᐅᕐᕕᐅᑉ ᐃᒡᓗᕐᔪᐊᖓ
- • ᐃᓚᐅᓗᑎᒃ ᐃᓕᓐᓂᐊᓯᓐᓈᑦ ᑲᑎᒪᔪᓄᑦ ᐃᓕᓐᓂᐊᖁᕐᓗᑎᒃ ᑭᓱᓕᕆᖃᑦᑕᕐᒪᖔᑕ ᒪᓕᒐᓕᐅᖅᑎᐅᖃᑕᐅᔪᑦ
- • ᐅᖃᖅᑎᓐᖑᐊᖑᖃᑦᑕᕐᓗᑎᒃ, ᓯᕗᓕᖅᑎᓐᖑᐊᖑᖃᑦᑕᕐᓗᑎᒃ, ᒥᓂᔅᑕᐅᓐᖑᐊᖃᑦᑕᕐᓗᑎᒃ ᐊᒻᒪ ᒪᓕᒐᓕᐅᖅᑎᑐᐃᓐᓇᐅᓐᖑᐊᖃᑦᑕᕐᓗᑎᒃ
- • ᑎᑎᕋᖃᑦᑕᕐᓗᑎᒃ ᑲᑎᒪᔨᑦ ᐅᖃᐅᓯᒃᓴᖏᓐᓂᒃ, ᐅᖃᐅᓯᒃᑯᑦ ᐊᐱᖅᑯᑎᓂᒃ ᐊᒻᒪ ᒥᓂᔅᑕᑦ ᐅᖃᐅᓯᒃᓴᖏᓐᓂᒃ
- • ᐃᓚᐅᖃᑦᑕᕐᓗᑎᒃ ᐅᓪᓗᓕᒫᖅ ᑲᑎᒪᕐᔪᐊᖅᑎᓪᓗᒋᑦ ᒪᒃᑯᒃᑐᑦ ᒪᓕᒐᓕᐅᕐᕕᖕᒥ
ᖃᖓᒃᑯᑦ ᑕᐃᒪᐃᓕᐅᖃᑦᑕᖅᐸᑦ?
ᒪᒃᑯᒃᑐᑦ ᐱᖁᔭᓕᐅᖅᑎᐅᓐᖑᐊᕋᔭᖅᑐᑦ ᑲᑎᒪᓗᑎᒃ ᐱᓇᓱᐊᕈᓯᖓᓂ ᓄᕕᐱᕆ 2014. .
ᑭᓇᒃᑯᑦ ᐃᓚᐅᔪᒪᔾᔪᑎᓂᒃ ᑕᑕᑎᕆᔪᓐᓇᖅᐸᑦ? 
ᑭᓇᒃᑯᑐᐃᓐᓇᐃᑦ ᐃᓕᓐᓂᐊᕐᕕᐊᓗᖕᒥ ᐃᓕᓐᓂᐊᖃᑕᐅᔪᑦ ᓄᓇᕗᑦ ᐃᓗᐊᓂ.
ᖃᓄᕐᓕ ᐱᓇᓱᖃᑕᐅᒐᔭᕋᒪ?
ᑐᓴᒐᒃᓴᒃᑲᓐᓂᕐᓂᒃ ᐱᔪᒪᒍᕕᑦ ᒪᒃᑯᒃᑐᑦ ᐱᖁᔭᓕᐅᖅᑎᐅᓐᖑᐊᕐᓗᑎᒃ ᑲᑎᒪᓂᖏᓐᓄᑦ, ᑐᓴᖅᑎᓐᑐᓐᓇᖅᐸᑦ ᐅᓇ:
ᓯᓐᑎ ᕆᓂ
ᑐᓴᒐᒃᓴᓕᕆᔨ
ᓄᓇᕗᑦ ᒪᓕᒐᓕᐅᕐᕕᐊᓂ
ᑎᑎᖅᑲᕐᓂᐊᕐᕕᐊ 1200 ᐃᖃᓗᐃᑦ, ᓄᓇᕗᑦ
X0A 0H0
ᖃᕆᑕᐅᔭᒃᑯᑦ: crennie [at] assembly [dot] nu [dot] ca
ᐅᖄᓚᐅᑦ: 867.975.5156
ᐃᓕᓐᓂᐊᖅᑐᑦ ᐃᖃᓗᐃᑦ ᓯᓚᑖᓂᕐᒥᐅᑕᑦ ᐅᖄᓚᔪᓐᓇᖅᑐᑦ ᐊᑭᖃᖏᑦᑐᒧᑦ: 1.877.334.7266 ᐅᕝᕙᓗ ᐅᖃᖃᑎᖃᕐᓗᑎᒃ ᐃᓕᓴᐃᔨᖓᓐᓂᒃ ᓄᓇᖅᑲᑎᒌᖏᑦᑐᓕᕆᓂᕐᒧᑦ ᐃᓕᓴᐃᔨᒧᑦ.
ᓇᓃᖃᑦᑕᕐᒪᑕ?
ᐃᖃᓗᖕᓂ! ᓄᓇᕗᑦ ᓄᓇᓕᒡᔪᐊᖁᑎᖓᓐᓂ
ᓇᓂᓕ ᒪᒃᑯᒃᑐᑦ ᐱᖁᔭᓕᐅᖅᑎᐅᓐᖑᐊᕐᓗᑎᒃ ᑲᑎᒪᒐᔭᖅᐸᑦ?
ᓄᓇᕗᑦ ᒪᓕᒐᓕᐅᕐᕕᖓᓂ.