Events

Select event type to filter by
Friday ᓄᕕᐱᕆ 02, 2018

ᐃᖃᓗᐃᑦ, ᓄᓇᕗᑦ (ᓄᕕᐱᕆ 2, 2018) - ᐅᓪᓗᒥ ᓄᑖᕐᒥᒃ ᒥᓂᔅᑕᒥᒃ ᓂᕈᐊᖅᑕᐅᔪᑲᖅᑲᐅᕗᖅ ᓄᓇᕗᒻᒥ ᓯᕗᓕᖅᑎᓂᒃ ᑲᑎᒪᔾᔪᑎᖃᕐᓂᒃᑯᑦ. ᓯᕗᓕᖅᑎᓂᒃ ᑲᑎᒪᔾᔪᑎᖃᖅᑎᓪᓗᒋᑦ ᒪᓕᒐᓕᐅᖅᑎᓕᒫᑦ ᐅᐸᒃᓯᒪᖃᑦᑕᖅᑐᑦ.

ᐸᑎᖅ ᓇᑦᓯᖅ, ᒪᓕᒐᓕᐅᖅᑎ ᐊᐃᕕᓕᖕᒧᑦ, ᓂᕈᐊᖅᑕᐅᖅᑲᐅᔪᖅ ᐊᐅᓚᑦᓯᔩᑦ ᑲᑎᒪᔨᖏᓐᓄᑦ.

ᒪᓕᒐᓕᐅᖅᑏᑦ ᐊᒻᒪ ᐊᐅᓚᑦᓯᔩᑦ ᑲᑎᒪᔨᖏᑕ ᐱᖁᔭᕐᔪᐊᖓᑦ ᐊᖅᑯᑕᐅᓪᓗᓂ ᓯᕗᓕᖅᑎ ᒥᓂᔅᑕᐃᑦ ᐱᔭᒃᓴᖏᓐᓂᒃ ᑐᓂᐅᖅᑲᐃᕙᒃᐳᖅ.

ᑲᑎᒪᕐᔪᐊᓕᖅᐸᑕ ᓇᒡᒐᔾᔭᐅᒥ, ᓄᕕᐱᕆ 5, 2018−ᒥ, ᐱᖁᔨᕗᖔᒃᑯᑦ ᒥᓂᔅᑕᐅᓂᕐᒧᑦ ᑎᒃᑯᐊᖅᑕᐅᓂᖓ ᓇᓗᓇᐃᖅᑕᐅᓂᐊᖅᑐᖅ.

-30-

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᔪᓐᓇᖅᑕᐃᑦ:
ᔮᓐ ᑯᐊᒃ, ᒪᓕᒐᓕᐅᕐᕕᖕᒧᑦ ᑎᑎᕋᖅᑎ
ᐅᖄᓚᐅᑖ: (867) 975-5100

Monday ᓄᕕᐱᕆ 05, 2018
Tuesday ᓄᕕᐱᕆ 06, 2018
Thursday ᓄᕕᐱᕆ 08, 2018

ᐃᖃᓗᐃᑦ, ᓄᓇᕗᑦ (ᓅᕖᕝᕙ 8, 2018) – ᒪᓕᒐᓕᐅᖅᕕᒻᒥ ᐅᖃᖅᑎ ᐊᒻᒪᓗ ᐃᒃᓯᕙᐅᑕᖓ ᓄᓇᕗᒥ ᐱᓕᕆᑦᑎᐊᕐᓂᑯᓄᑦ ᐃᓕᑕᖅᓯᔾᔪᑎᒧᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᖏᓐᓄᑦ, ᔫ ᐃᓄᒃ, ᐅᓪᓗᒥ ᐅᖃᖅᑲᐅᒻᒪᑎᒃ ᓄᓇᕗᒥ ᐱᓕᕆᑦᑎᐊᓂᖁᓄᑦ ᐃᓕᑕᖅᓯᔾᔪᑎᓄᑦ ᓂᕈᐊᕋᒃᓴᓕᐅᕐᓃᑦ ᒪᑐᐃᒃᑲᓂᕐᒥᒻᒪᑕᒎᖅ.

ᔮᓐᓄᐊᓕ 1, 2010−ᒥ, ᑖᓐᓇ ᓄᓇᕗᒥ ᐱᓕᕆᑦᑎᐊᕐᓂᑯᓂᑦ ᐃᓕᑕᖅᓯᔾᔪᑎ ᐊᑐᓕᓚᐅᖅᓯᒪᒻᒪᑦ. ᑖᓐᓇ ᒪᓕᒐᖅᑎᒍᑦ ᐱᔾᔪᓯᐊᕐᓂᐅᔪᖅ ᓴᖅᑭᔮᖅᑎᑕᐅᕗᖅ “ᐅᐱᒍᓱᔾᔪᑎᐅᓂᐊᕐᒪᑦ ᑭᒃᑯᑐᐃᓐᓇᕐᓂᒃ ᐃᑲᔪᕐᓂᖃᓪᓗᐊᑲᓪᓚᒃᓯᒪᔪᓂᒃ ᐱᖅᑯᓯᓕᕆᓂᕐᒧᑦ, ᐃᓅᓯᔨᕆᓂᕐᒧᑦ, ᐅᕝᕙᓘᓐᓃᑦ ᒪᑭᒪᐅᑎᓕᕆᓂᕐᒧᑦ ᓄᓇᕗᒥ.” ᑖᓐᓇ ᐃᓕᑕᕆᔭᐅᓪᔪᑎ ᖁᑦᑎᓂᖅᐹᖑᔪᖅ ᓄᓇᕗᒥ ᐱᔾᔪᓯᐊᖑᔪᓐᓇᖅᑐᓂᒃ, ᐊᒻᒪᓗ ᓴᓐᖏᓂᖅᓴᐅᓪᓗᓂ ᐃᓘᓐᓇᖏᓐᓂᑦ ᐊᓯᖏᓐᓂᑦ ᐱᔾᔪᓯᐊᖑᓲᓂᒃ, ᐅᔭᒥᑦᑕᐅᓲᓂᒃ, ᐃᓕᑕᕆᔭᐅᓂᐅᓲᓂᒃ ᓄᓇᕗᑦ ᒐᕙᒪᖓᓄᑦ.

Wednesday ᓄᕕᐱᕆ 14, 2018
Tuesday ᓄᕕᐱᕆ 20, 2018

ᐃᖃᓗᐃᑦ, ᓄᓇᕗᑦ (ᓅᕖᕝᕙ 20, 2018) – ᐅᐱᓐᓇᖅᑐᖅ ᔫ ᐃᓄᒃ, ᐅᖃᖅᑎᒋᔭᐅᔪᖅ ᓄᓇᕗᑦ ᒪᓕᒐᓕᐅᖅᕕᖓᓂ, ᐅᓪᓗᒥ ᐅᖃᖅᑲᐅᕗᖅ ᑖᓐᓇ 7−ᒋᔭᖓ ᒪᒃᑯᑦᑐᓄᑦ ᒪᓕᒐᓕᐅᖅᕕᒃ ᑏᕖᒃᑯᑦ ᑕᑯᒃᓴᐅᑦᑕᐅᑎᒋᓛᕐᒪᑦ ᓄᓇᕗᓕᒫᒧᑦ ᑎᓴᒻᒥᐅᓕᖅᑲᑦ, ᓅᕖᕝᕙ 22, 2018, 1:30−ᒥ ᐅᓐᓄᓴᒃᑯᑦ (ᑲᓇᓐᓇᐅᑉ ᓯᕿᓐᖑᔭᖓᒍᑦ).

ᑲᑎᒪᓂᕆᔭᖏᑦ ᐊᕐᕌᒍᒥᒃ ᐊᓪᓗᐃᑕᖅᑐᖅ ᒪᒃᑯᑦᑐᓄᑦ ᒪᓕᒐᓕᐅᖅᕕᒃ ᐊᑐᖅᑕᐅᓛᖅᑐᖅ ᒪᓕᒐᓕᐅᖅᕕᐅᑉ ᑲᑎᒪᕐᔪᐊᖅᕕᖓᓂ ᐊᒻᒪᓗ ᑭᒃᑯᑐᐃᓐᓇᕐᓄᑦ ᒪᑐᐃᖓᓛᖅᑐᓂ ᒪᓕᒐᓕᐅᖅᕕᐅᑉ ᐳᓛᖅᕕᖓᓂᑦ ᑕᑯᕋᓐᓈᕆᐊᖅᑐᕈᒪᔪᓄᑦ. ᒪᒃᑯᑦᑐᑦ ᒪᓕᒐᓕᐅᖅᕕᖓ ᑏᕖᒃᑯᑦ ᑕᑯᒃᓴᐅᓛᖅᑐᑦ ᓄᓇᓖᑦ ᑏᕖᓕᕆᔨᖏᑎᒍᑦ ᐊᒻᒪᓗ ᖃᖓᑦᑕᖅᑎᑕᐅᓯᒪᔪᒃᑯᑦ ᑏᕖᖃᖅᑐᓄᑦ ᐊᑐᕐᓗᑎᒃ ᕕᐊᓪ (ᓈᓴᐅᑎᖓ 513) ᐊᒻᒪᓗ ᓵ (ᓈᓴᐅᑎᖓ 289 - ᐱᑐᖃᐅᓂᖅᓴᒃᑯᑦ / 489 − ᓄᑖᖑᓂᖅᓴᒃᑯᑦ) ᑕᑯᒃᓴᐅᑎᑦᑎᕕᖏᒍᑦ.

Syndicate content