Events

Select event type to filter by
Friday ᐊᒃᑑᐸ 11, 2019

ᐃᖃᓗᐃᑦ, ᓄᓇᕗᑦ (ᐊᒃᑑᕝᕙ 11, 2019) - ᐅᖃᖅᑎᐅᔪᖅ ᒪᓕᒐᓕᐅᖅᕕᒻᒥ ᓯᒥᐊᓐ ᒥᑭᓐᖑᐊᖅ ᐅᓪᓗᒥ ᐅᖃᖅᑲᐅᔪᖅ ᑕᐃᓐᓇ ᐊᖏᖅᑎᑕᐅᓂᖓ ᑕᐃᕕᑦ ᖃᒪᓂᖅ, ᓂᖁᐊᖅᑕᐅᕋᑖᖑᔪᖅ ᒪᓕᒐᓕᐅᖅᑎᐅᓂᐊᕐᓗᓂ ᑐᓄᓂᕐᒧᑦ, ᐊᑐᖅᑕᐅᓛᕐᒪᑦ 09:00−ᒥ ᐅᓪᓛᒃᑯᑦ ᑎᓴᒻᒥᐅᓕᖅᐸᑦ, ᐊᒃᑑᕝᕙ 17, 2019-ᒥ.

ᐱᒐᓱᐊᕈᒪᔪᑦ ᑐᓐᖓᓱᑦᑎᑕᐅᕗᑦ ᐃᖅᑲᓇᐃᔮᒧᑦ ᑐᑭᓯᐅᒪᔾᔪᑎᓕᕆᓂᕐᒧᑦ ᑲᓐᖑᓇᖅᑐᓕᕆᓂᕐᒧᓪᓗ ᑲᒥᓴᓇᐅᓗᓂ ᓄᓇᕗᒧᑦ. ᑖᓐᓇ ᑕᓪᓕᒪᓄᑦ ᐊᕐᕌᒍᓄᑦ, ᒪᓕᒐᖅᑎᒍᑦ ᑎᒃᑯᐊᖅᑕᐅᓯᒪᓂᐅᔪᖅ.

ᑖᓐᓇ ᑐᑭᓯᐅᒪᔾᔪᑎᓕᕆᓂᕐᒧᑦ ᑲᓐᖑᓇᖅᑐᓕᕆᓂᕐᒧᓪᓗ ᑲᒥᓴᓇ ᐃᒻᒥᑰᖓᓪᓗᓂ ᐱᓕᕆᔨᐅᔪᖅ ᒪᓕᒐᓕᐅᖅᕕᒻᒧᑦ. ᑖᓐᓇ ᑲᒥᓴᓇ ᐃᓂᖓᓄᑦ ᑎᒃᑯᐊᖅᑕᐅᓲᖅ ᒪᓕᑦᑐᑎᒃ ᐊᑐᓕᖁᔭᓕᐊᒥᓂᕐᒥᒃ ᒪᓕᒐᓕᐅᖅᕕᒻᒥ, ᒪᓕᑦᑐᒋᑦ ᐃᓯᕈᓐᓇᐅᑎᑦ ᑐᑭᓯᐅᒪᔾᔪᑎᓄᑦ ᐊᒻᒪ ᓴᐳᔾᔭᐅᓂᖏᓐᓄᑦ ᑲᓐᖑᓇᖅᑐᑦ ᐱᖁᔭᖓᓂᒃ. ᑖᓐᓇ ᐃᖅᑲᓇᐃᔮᖅ ᐱᔪᓐᓇᐅᑎᖃᖅᕕᐅᔪᖅ ᐱᓕᕆᐊᖃᕆᐊᖃᕐᓂᖃᖅᑐᓂᓗ ᐱᓕᕆᐊᖑᒋᐊᓕᓐᓂᑦ ᐊᑖᓃᑦᑐᓂᒃ ᐃᓯᕈᓐᓇᐅᑎᑦ ᑐᑭᓯᐅᒪᔾᔪᑎᓄᑦ ᐊᒻᒪ ᓴᐳᔾᔭᐅᓂᖏᓐᓄᑦ ᑲᓐᖑᓇᖅᑐᑦ ᐱᖁᔭᖓᑕ. ᐊᔾᔨᖏᑦ ᐱᖁᔭᐅᑉ ᐱᔭᐅᔪᓐᓇᖅᑐᑦ ᐅᕙᓐᖓᑦ:

ᐃᖅᑲᓇᐃᔮᖅᑖᕈᒪᔪᑦ ᓄᓇᕗᒻᒥ ᐅᖃᐅᓯᓕᕆᓂᕐᒧᑦ ᑲᒥᓴᓇᐅᑉ ᐃᓂᖓᓄᑦ ᑐᓐᖓᓱᒃᑎᑕᐅᕗᑦ. ᑖᓐᓇ ᐃᖅᑲᓇᐃᔮᖅ ᑕᓪᓕᒪᓄᑦ ᐊᕐᕌᒍᓄᑦ ᐋᖅᑭᒃᓯᒪᔪᖅ, ᐊᒻᒪ ᐃᖅᑲᓇᐃᔭᐃᓐᓇᖃᑦᑕᕐᓂᐊᖅᖢᓂ ᐱᖁᔭᖅᑎᒍᓪᓗ ᑎᒃᑯᐊᖅᑕᐅᓯᒪᓂᐊᖅᖢᓂ.

ᐅᖃᐅᓯᓕᕆᓂᕐᒧᑦ ᑲᒥᓴᓇ ᐃᒻᒥᒃᑰᖅᐳᖅ ᐊᒃᑐᐊᓂᖃᓐᖏᖢᓂ ᒪᓕᒐᓕᐅᕐᕕᖕᒧᑦ. ᑕᐃᓐᓇ ᐃᖅᑲᓇᐃᔮᖅᑖᖅᑐᖅ ᑎᒃᑯᐊᖅᑕᐅᓂᐊᖅᑐᖅ ᒪᓕᒃᑕᐅᓗᑎᒃ ᒪᓕᒐᓕᐅᖅᑏᑦ ᐊᑐᓕᖁᔭᓕᐊᖓ, ᒪᓕᒃᖢᒍ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐱᖁᔭᕐᔪᐊᖓ. ᑖᓐᓇ ᐃᖅᑲᓇᐃᔮᖅ ᐊᔾᔨᒌᓐᖏᑦᑐᓂᒃ ᓴᓐᖏᓂᖅᑖᖅᑎᑕᐅᓯᒪᔪᖅ ᐊᒻᒪ ᐱᔭᒃᓴᖅᑖᖅᑐᖅᑎᑕᐅᓯᒪᓪᓗᓂ ᐊᑐᖅᖢᒍ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐱᖁᔭᕐᔪᐊᖓ ᐊᒻᒪ ᐃᓄᐃᑦ ᐅᖃᐅᓯᖏᑦᑕ ᓴᐳᒻᒥᐅᓯᖅᑕᐅᓯᒪᓂᖏᓐᓄᑦ ᐱᖁᔭᕐᔪᐊᖅ. ᐱᖁᔭᕐᔪᐊᑦ ᐊᔾᔨᖏᓐᓂᒃ ᑕᑯᒋᐊᕈᓐᓇᖅᑐᑎᑦ ᐅᕘᓇ: www.nunavutlegislation.ca.

ᐃᖃᓗᐃᑦ ,ᓄᓇᕗᑦ (ᐊᒃᑑᕝᕙ 11 2019) - ᐅᖃᖅᑎᐅᔪᖅ ᒪᓕᒐᓕᐅᖅᕕᒻᒥ ᓯᒥᐊᓐ ᒥᑭᓐᖑᐊᖅ ᐅᓪᓗᒥ ᓴᖅᑮᖅᑲᐅᔪᖅ ᑐᓴᖅᑎᑎᔾᔪᑎᒥᒃ ᑳᓖᓐ ᐋᕆᐊᒃ ᑎᒃᑯᐊᖅᑕᐅᒻᒪᒡᒎᖅ ᐊᑕᑲᐃᓐᓇᓂᐊᕐᓗᓂ ᓄᓇᕗᒥ ᐅᖃᐅᓯᕐᓄᑦ ᑲᒥᓴᓇᐅᓗᓂ. ᑖᓐᓇ ᑎᒃᑯᐊᖅᑕᐅᓂᖓ ᐊᑐᓕᖅᕕᒃᓴᖃᖅᑐᖅ ᐊᒃᑑᕝᕙ 21, 2019−ᒥ.

ᐊᑖᒍᑦ ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᐱᖁᔭᖓ, ᑖᓐᓇ ᓄᓇᕗᑦ ᐅᖃᐅᓯᕐᓄᑦ ᑲᒥᓴᓇᖓ ᑎᒃᑯᐊᖅᑕᐅᓲᖅ ᓄᓇᕗᑦ ᑲᒥᓴᓇᖓᓄᑦ ᒪᓕᑦᑐᓂ ᐊᑐᓕᖁᔭᓕᐊᒥᓂᕐᒥᒃ ᒪᓕᒐᓕᐅᖅᕕᒻᒥ. ᒪᓕᒐᓕᐅᖅᕕᑉ ᑲᑎᒪᔨᓕᕆᔨᖏᑦ ᑲᑎᒪᔨᑦ ᐊᑐᔨᖁᔨᒍᓐᓇᕐᒪᑕ ᑎᒃᑯᐊᖅᑕᐅᖁᔨᓗᑎᒃ ᐊᑕᑲᐃᓐᓇᓂᐊᖅᑐᒥᒃ ᐅᖃᐅᓯᕐᓄᑦ ᑲᒥᓴᓇᐅᓗᓂ ᐅᖃᐅᓯᕐᓄᑦ ᑲᒥᓴᓇᑕᖃᖅᑎᓐᓇᒍ ᐊᒻᒪᓗ ᒪᓕᒐᓕᐅᖅᕕᒃ ᐃᒃᓯᕙᑎᓐᓇᒍ. ᑕᐃᓐᓇ ᑭᖑᕝᕕᖅᑕᐅᔪᖅ, ᒥᔅ ᕼᐃᐊᓚᓐ ᑭᓚᓐᔭᓐᕘᒡ ᓄᖅᑲᔪᒻᒪᑦ ᐅᖃᐅᓯᕐᓄᑦ ᑲᒥᓴᓇᐅᓂᕐᒥᓂᒃ ᓰᑏᕝᕙ 2019-ᒥ

Friday ᐊᒃᑑᐸ 18, 2019
Start: Oct 18 2019 8:41 am
Thursday ᐊᒃᑑᐸ 24, 2019
Friday ᐊᒃᑑᐸ 25, 2019
Tuesday ᐊᒃᑑᐸ 29, 2019
Thursday ᐊᒃᑑᐸ 31, 2019
Friday ᓄᕕᐱᕆ 01, 2019
Thursday ᓄᕕᐱᕆ 07, 2019
Friday ᓄᕕᐱᕆ 08, 2019
Start: Nov 8 2019 4:42 pm

ᑲᑎᒪᔨᕋᓛᑦ ᓇᓗᓇᐃᖅᓯᕗᑦ ᑕᓚᕖᓴᒃᑯᑦ

ᑕᑯᒃᓴᐅᑲᐅᑎᒋᓗᑎᒃ ᓈᓚᖕᓂᖃᕐᓂᐊᕐᓂᕐᒥᓂᒃ ᐱᖁᔭᒃᓴᖅ 25 ᐱᓪᓗᒍ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 8, 2019) - ᒪᓕᒐᓕᐅᕐᕕᐅᑉ ᑲᑎᒪᔨᕋᓛᖏᑦ ᐱᖁᔭᓕᕆᓂᕐᒧᑦ ᐅᓪᓗᒥ ᓇᓗᓇᐃᖅᓯᖅᑲᐅᕗᑦ ᑕᓚᕖᓴᒃᑯᑦ ᓴᖅᑭᔮᑲᐅᑎᒋᓗᑎᒃ ᓈᓚᖕᓂᐊᕐᓂᐊᕐᓂᕐᒥᑕ ᐱᖁᔭᒃᓴᖅ 25 ᐱᓪᓗᒍ, ᐱᖁᔭᓐᖑᖅᑎᑕᐅᔪᒪᔪᖅ ᐱᖁᔭᕐᔪᐊᖅ ᐋᖅᑭᒋᐊᖅᓯᔾᔪᑕᐅᓂᐊᖅᑐᖅ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᕐᔪᐊᕐᒥᒃ ᐊᒻᒪ ᐃᓄᐃᑦ ᐅᖃᐅᓯᖏᑕ ᓴᐳᒻᒥᐅᓯᖅᑕᐅᓯᒪᓂᖏᓐᓄᑦ ᐱᖁᔭᕐᔪᐊᖅ.

Syndicate content