ᑲᑎᒪᔨᕋᓛᑦ ᓇᓗᓇᐃᖅᓯᕗᑦ ᑕᓚᕖᓴᒃᑯᑦ
ᑕᑯᒃᓴᐅᑲᐅᑎᒋᓗᑎᒃ ᓈᓚᖕᓂᖃᕐᓂᐊᕐᓂᕐᒥᓂᒃ ᐱᖁᔭᒃᓴᖅ 25 ᐱᓪᓗᒍ
ᐃᖃᓗᐃᑦ, ᓄᓇᕗᑦ (ᓄᕕᐱᕆ 8, 2019) - ᒪᓕᒐᓕᐅᕐᕕᐅᑉ ᑲᑎᒪᔨᕋᓛᖏᑦ ᐱᖁᔭᓕᕆᓂᕐᒧᑦ ᐅᓪᓗᒥ ᓇᓗᓇᐃᖅᓯᖅᑲᐅᕗᑦ ᑕᓚᕖᓴᒃᑯᑦ ᓴᖅᑭᔮᑲᐅᑎᒋᓗᑎᒃ ᓈᓚᖕᓂᐊᕐᓂᐊᕐᓂᕐᒥᑕ ᐱᖁᔭᒃᓴᖅ 25 ᐱᓪᓗᒍ, ᐱᖁᔭᓐᖑᖅᑎᑕᐅᔪᒪᔪᖅ ᐱᖁᔭᕐᔪᐊᖅ ᐋᖅᑭᒋᐊᖅᓯᔾᔪᑕᐅᓂᐊᖅᑐᖅ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᕐᔪᐊᕐᒥᒃ ᐊᒻᒪ ᐃᓄᐃᑦ ᐅᖃᐅᓯᖏᑕ ᓴᐳᒻᒥᐅᓯᖅᑕᐅᓯᒪᓂᖏᓐᓄᑦ ᐱᖁᔭᕐᔪᐊᖅ.
ᐃᖃᓗᐃᑦ, ᓄᓇᕗᑦ (ᓄᕕᐱᕆ 20, 2019) - ᐅᖃᖅᑎ ᓯᒥᐊᓐ ᒥᑭᓐᖑᐊᖅ ᐅᓪᓗᒥ ᐆᒥᖓ ᐅᖃᐅᓯᒃᓴᕐᒥᒃ ᓴᖅᑭᑦᑎᕗᖅ:
“ᓄᓇᕗᑦ ᒪᓕᒐᓕᐅᕐᕕᐊᓄᑦ ᒪᓕᒐᓕᐅᖅᑎᐅᓚᐅᖅᓯᒪᔪᖅ ᐲᑕ ᑲᑦᑐᒃ ᐅᓪᓗᒥ ᐃᓅᔪᓐᓃᖅᑲᐅᕗᖅ ᐋᓐᓂᐊᑯᑖᓚᐅᖅᖢᓂ. ᐲᑕ ᑭᒡᒐᖅᑐᐃᓚᐅᖅᑐᖅ ᑕᓯᐅᔭᕐᔪᐊᑉ ᓂᕈᐊᖅᑕᐅᕕᐊᓂᒃ ᒪᕐᕈᐊᖅᑕᕐᓗ ᓂᕈᐊᖅᑕᐅᖃᑦᑕᖅᓯᒪᓪᓗᓂ, ᐃᓚᖏᑦ ᓂᕈᐊᖅᑎᕕᓂᖏᓪᓗ ᐃᓱᒪᒋᕙᒃᑲ ᒪᒥᐊᖃᑎᒋᕙᒃᑲᓗ ᐃᓅᔪᓐᓃᕐᒪᑦ. ᐲᑕ ᐅᐱᓐᓇᓚᐅᖅᑐᖅ ᐊᖏᖅᓯᒪᑦᑎᐊᓚᐅᕐᒪᑦ ᓂᕈᐊᖅᑕᐅᕕᖕᒥᓄᑦ ᐊᒻᒪ ᐊᔭᐅᖅᑐᐃᔨᓪᓚᕆᐅᓚᐅᖅᓯᒪᓪᓗᓂ ᐊᕙᑎᓕᕆᓂᖅ ᐱᔾᔪᑎᒋᓪᓗᓂᐅᒃ.”
ᓴᓂᑭᓗᐊᑉ ᓴᐃᒻᒪᑎᖓ ᒪᓕᒐᓕᐅᕐᕕᖕᒦᑦᑐᖅ ᐊᑦᑎᒃᓯᒋᐊᖅᑕᐅᕗᖅ ᐃᓅᔪᓐᓃᕐᓂᕆᔭᖓ ᐃᓱᒪᒋᓪᓗᒍ.
-30-
ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᔪᓐᓇᖅᑕᐃᑦ:
ᔮᓐ ᑯᐊᒃ, ᒪᓕᒐᓕᐅᕐᕕᖕᒧᑦ ᑎᑎᕋᖅᑎ
(867) 975-5000