Events

ᐃᖃᓗᐃᑦ, ᓄᓇᕗᑦ (ᐊᐃᕐᕆᓕ 20, 2020) - ᐅᖃᖅᑎ ᐸᐅᓕ ᖁᐊᓴ ᐅᓪᓗᒥ ᐃᒪᓐᓇ ᐅᖃᐅᓯᒃᓴᖃᖅᐳᖅ:

“ᓄᒫᑦᑕᒡᔫᒥᖅᑲᐅᕗᖓ ᑐᓴᖅᑎᑕᐅᒐᒪ ᒪᓕᒐᓕᐅᖅᑎᐅᓚᐅᖅᓯᒪᔪᖅ ᐃᓯᒃᑲᐃᔭ ᐅᓲᑖᐱᒃ ᐃᓅᔪᓐᓃᑳᓪᓚᓚᐅᕐᓂᖓᓂᒃ ᐱᓇᓱᐊᕈᓯᐅᑉ ᓄᓐᖑᐊᓂ. ᐃᓯᒃᑲᐃᔭ ᐅᓲᑖᐱᒃ ᐸᖕᓂᖅᑑᕐᒥᒃ ᑭᒡᒐᖅᑐᐃᔨᐅᓚᐅᖅᑐᖅ ᐱᖓᔪᖓᓐᓂ ᒪᓕᒐᓕᐅᖅᑏᑦ ᐃᒃᓯᕚᖅᑎᓪᓗᒋᑦ. ᒥᔅᑐ ᐅᓲᑖᐱᒃ, ᐸᖕᓂᖅᑑᕐᒥ ᒪᐃᔭᐅᓚᐅᖅᑐᖅ ᐃᓅᔪᓐᓃᕐᕕᐊᓄᑦ ᑎᑭᖢᒍ, ᓄᓇᒥᓂᒃ ᐃᑲᔪᖅᓯᒪᓪᓚᕆᒃᑐᖅ ᐃᖅᑲᓇᐃᔮᒥᑎᒍᑦ, ᓲᕐᓗ ᑲᓇᑕᒥ ᐅᓇᓕᒃᓴᔭᓄᑦ ᐃᓚᒋᔭᐅᓂᕐᒥᒍᑦ. ᒪᓕᒐᓕᐅᖅᑎᓕᒫᑦ ᑭᒡᒐᖅᑐᖅᖢᒋᑦ, ᐃᓚᖏᑦ ᓄᓇᖅᑲᑎᖏᓪᓗ ᐃᓱᒪᒋᓪᓚᕆᒃᐸᕗᑦ.”

ᒪᓕᒐᓕᐅᕐᕕᐅᑉ ᓯᓚᑎᑦᑎᐊᖓᓃᑦᑐᖅ ᐸᖕᓂᖅᑑᕐᒥᐅᑦ ᓴᐃᒻᒪᑎᖓ ᐊᑦᑎᒃᓯᒋᐊᖅᑕᐅᓯᒪᓕᖅᑐᖅ ᐃᓯᒃᑲᐃᔭ ᐅᓲᑖᐱᐅᑉ ᐃᓅᔪᓐᓃᕐᓂᖓ ᐃᓱᒪᒋᓪᓗᒍ.

-30-

ᐃᖃᓗᐃᑦ, ᓄᓇᕗᑦ (ᒪᐃ 1, 2020) - ᐅᖃᖅᑎ ᐸᐅᓕ ᖁᐊᓴ ᐅᓪᓗᒥ ᓇᓗᓇᐃᖅᓯᕗᖅ 2020−ᒥ ᑕᓪᓕᒪᖓᓐᓂ ᒪᓕᒐᓕᐅᖅᑏᑦ ᑐᒡᓕᐊᓂ ᑲᑎᒪᕐᔪᐊᕐᓂᕆᓂᐊᖅᑕᖓᑕ ᓄᖅᑲᖅᑎᑕᐅᓂᖓᓂᒃ.