Events

ᐃᖃᓗᐃᑦ, ᓄᓇᕗᑦ, (ᓄᕕᐱᕆ 22, 2021) – ᐅᖃᖅᑎ ᑑᓂ ᐊᖁᐊᖅ ᐅᓪᓗᒥ ᑐᓴᖅᑕᐅᑎᑦᑎᒃᑲᐅᕗᖅ ᑕᐃᒃᑯᐊ ᒪᓕᒐᓕᐅᖅᕕᐅᑉ ᒪᓕᒐᓕᐅᖅᑎᓕᒫᑦ ᑲᑎᒪᔨᖏᑦ ᓇᓗᓇᐃᖅᓯᓯᒪᓕᕐᓂᕋᖅᑐᒋ ᑲᑎᒪᕐᔪᐊᖅᑐᑦ ᐱᒋᐊᒃᑲᓐᓂᓛᕐᒪᑦ ᓇᒡᒐᔾᔭᐅᖑᓕᖅᐸᑦ, ᕕᕝᕗᐊᕆ 21, 2022−ᒥ, ᐅᑭᐅᒃᑯᑦ ᐃᒃᓯᕙᓂᖏᓐᓄᑦ. ᑖᓐᓇ ᐅᓪᓗᖅ ᓇᓗᓇᐃᖅᑕᐅᑦᑎᐊᓛᖅᑐᖅ ᒪᓕᒐᓕᐅᖅᕕᒻᒥᑦ ᑐᓴᖅᑕᐅᑎᑦᑎᔾᔪᑎᑎᒍᑦ.

ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᐅᖃᖅᑐᖅ, “ᑲᑎᒪᕐᔪᐊᕕᒻᒥ ᑭᖑᓪᓕᕐᒥ ᐃᒃᓯᕙᓂᖅ ᐱᒋᐊᓚᐅᓐᖏᓐᓂᖓᓂ, ᒪᓕᒐᓕᐅᖅᑎᓕᒫᑦ ᑲᑎᓛᖅᑐᑦ ᒪᓕᒐᓕᐅᖅᑎᓕᒫᑦ ᑲᑎᒪᔨᖏᑦ ᐱᓕᕆᐊᖃᕆᐊᓕᖅᐸᑕ ᐱᒻᒪᕆᐊᓘᔪᒥᒃ ᖃᑐᑎᔭᐅᔪᒥᒃ ᓇᓗᓇᐃᖅᑐᐃᓂᕐᒥᒃ ᑐᕌᖅᑕᕆᓂᐊᖅᑕᖏᓐᓂᑦ ᓂᕈᐊᖅᑕᐅᓯᒪᕕᖏᓐᓂ ᐊᑕᑎᓪᓗᒋᑦ. ᓂᕆᐅᑦᑎᐊᖅᐳᖓ ᒪᓕᒐᓕᐅᖅᕕᒻᒧᑦ ᓴᖅᑭᖅᓯᓛᕐᓂᕆᔭᓐᓂᒃ ᒐᕙᒪᒃᑯᑦ ᑐᕌᖅᑕᕆᓂᐊᖅᑕᖏᓐᓂᑦ ᐱᔪᓐᓇᖅᓯᑐᐊᕈᒪ.”