ᐅᖃᖅᑎᐅᔪᖅ ᒪᓕᒐᓕᐅᖅᕕᒻᒥ ᑐᓴᖅᑕᐅᑎᑦᑎᕗᖅ ᐊᑕᑲᐃᓐᓇᓂᐊᖅᑐᖅ ᐅᖃᐅᓯᕐᓄᑦ ᑲᒥᓴᓇ ᑎᒃᑯᐊᖅᑕᐅᓂᖓᓂᒃ

Oct 11 2019

ᐃᖃᓗᐃᑦ ,ᓄᓇᕗᑦ (ᐊᒃᑑᕝᕙ 11 2019) - ᐅᖃᖅᑎᐅᔪᖅ ᒪᓕᒐᓕᐅᖅᕕᒻᒥ ᓯᒥᐊᓐ ᒥᑭᓐᖑᐊᖅ ᐅᓪᓗᒥ ᓴᖅᑮᖅᑲᐅᔪᖅ ᑐᓴᖅᑎᑎᔾᔪᑎᒥᒃ ᑳᓖᓐ ᐋᕆᐊᒃ ᑎᒃᑯᐊᖅᑕᐅᒻᒪᒡᒎᖅ ᐊᑕᑲᐃᓐᓇᓂᐊᕐᓗᓂ ᓄᓇᕗᒥ ᐅᖃᐅᓯᕐᓄᑦ ᑲᒥᓴᓇᐅᓗᓂ. ᑖᓐᓇ ᑎᒃᑯᐊᖅᑕᐅᓂᖓ ᐊᑐᓕᖅᕕᒃᓴᖃᖅᑐᖅ ᐊᒃᑑᕝᕙ 21, 2019−ᒥ.

ᐊᑖᒍᑦ ᐅᖃᐅᓰᑦ ᐃᓕᑕᕆᔭᐅᓯᒪᔪᑦ ᐱᖁᔭᖓ, ᑖᓐᓇ ᓄᓇᕗᑦ ᐅᖃᐅᓯᕐᓄᑦ ᑲᒥᓴᓇᖓ ᑎᒃᑯᐊᖅᑕᐅᓲᖅ ᓄᓇᕗᑦ ᑲᒥᓴᓇᖓᓄᑦ ᒪᓕᑦᑐᓂ ᐊᑐᓕᖁᔭᓕᐊᒥᓂᕐᒥᒃ ᒪᓕᒐᓕᐅᖅᕕᒻᒥ. ᒪᓕᒐᓕᐅᖅᕕᑉ ᑲᑎᒪᔨᓕᕆᔨᖏᑦ ᑲᑎᒪᔨᑦ ᐊᑐᔨᖁᔨᒍᓐᓇᕐᒪᑕ ᑎᒃᑯᐊᖅᑕᐅᖁᔨᓗᑎᒃ ᐊᑕᑲᐃᓐᓇᓂᐊᖅᑐᒥᒃ ᐅᖃᐅᓯᕐᓄᑦ ᑲᒥᓴᓇᐅᓗᓂ ᐅᖃᐅᓯᕐᓄᑦ ᑲᒥᓴᓇᑕᖃᖅᑎᓐᓇᒍ ᐊᒻᒪᓗ ᒪᓕᒐᓕᐅᖅᕕᒃ ᐃᒃᓯᕙᑎᓐᓇᒍ. ᑕᐃᓐᓇ ᑭᖑᕝᕕᖅᑕᐅᔪᖅ, ᒥᔅ ᕼᐃᐊᓚᓐ ᑭᓚᓐᔭᓐᕘᒡ ᓄᖅᑲᔪᒻᒪᑦ ᐅᖃᐅᓯᕐᓄᑦ ᑲᒥᓴᓇᐅᓂᕐᒥᓂᒃ ᓰᑏᕝᕙ 2019-ᒥ

ᐅᖃᖅᑎ ᒥᑭᓐᖑᐊᖅ ᐅᖃᖅᑐᖅ, "ᒥᔅ ᐋᕆᐊᒃ ᐱᓕᕆᓚᐅᖅᓯᒪᓂᖏᑦ, ᐃᓚᖃᖅᑐᑦ ᐱᓕᕆᔨᐅᓂᕐᒥᒃ ᐊᓪᓚᕝᕕᖏᓐᓂ ᑕᒪᒃᑮᒃ ᐅᖃᐅᓯᕐᓄᑦ ᑲᒥᓴᓇᐅᑉ ᐊᒻᒪᓗ ᐃᓄᐃᑦ ᐅᖃᐅᓯᖏᓐᓂᑦ ᑕᐃᒎᓯᓕᐅᖅᑏᑦ, ᐊᑐᐃᓐᓇᕈᖅᓴᐃᑎᐊᖅᓯᒪᕗᑦ ᐱᓕᕆᐊᖃᕈᓐᓇᖅᑐᓂᓗ ᑎᒍᓂᐊᖅᑕᖏᓐᓂᑦ ᐱᒻᒪᕆᐊᓘᔪᓂᒃ ᐱᓕᕆᐊᖑᒋᐊᓕᓐᓂᒃ.”

ᑕᖅᑲᐅᖓ ᑭᒃᑯᑐᐃᓐᓇᕐᓄᑦ ᒪᓂᒪᑎᑦᑎᔾᔪᑎᒥᒃ ᐱᒐᓱᐊᕈᒪᔪᓄᑦ ᐅᖃᐅᓯᕐᓄᑦ ᑲᒥᓴᓇᐅᑉ ᐃᓂᖓᓂᒃ ᓴᖅᑭᖅᑕᐅᓯᒪᔪᖃᖅᑐᖅ. ᑐᑭᓯᒃᑲᓐᓂᕈᑎᒃᓴᐃᑦ ᑖᒃᓱᒪ ᐃᖅᑲᓇᐃᔮᑉ ᒥᒃᓵᓄᑦ ᐊᑐᐃᓐᓇᐅᔪᖅ ᒪᓕᒐᓕᐅᖅᕕᐅᑉ ᖃᕋᓴᐅᔭᒃᑯᑦ ᐃᑭᐊᖅᑭᕕᖓᓂᑦ ᐅᕙᓂ: www.assembly.nu.ca.

-30-

ᑐᑭᓯᒋᐊᕈᒪᒍᒃᓯ:
ᔮᓐ ᑯᕘᒃ, ᑎᑎᕋᖅᑎ ᒪᓕᒐᓕᐅᖅᕕᒻᒥ
ᐅᖄᓚᐅᑖ: (867) 975-5000

AttachmentSize
ᐅᖃᖅᑎᐅᔪᖅ ᒪᓕᒐᓕᐅᖅᕕᒻᒥ ᑐᓴᖅᑕᐅᑎᑦᑎᕗᖅ ᐊᑕᑲᐃᓐᓇᓂᐊᖅᑐᖅ ᐅᖃᐅᓯᕐᓄᑦ ᑲᒥᓴᓇ ᑎᒃᑯᐊᖅᑕᐅᓂᖓᓂᒃ133.28 KB