ᒪᓕᒐᓕᐅᖅᑎ ᖁᕐᓗᖅᑑᒧᑦ ᓄᖅᑲᖅᑐᖅ ᒪᓕᒐᓕᐅᖅᕕᒻᒥᑦ

ᐃᖃᓗᐃᑦ, ᓄᓇᕗᑦ, (ᒫᑦᓯ 31, 2020) - ᒦᓛ ᖃᒥᓐᖑᐊᖅ, ᒪᓕᒐᓕᐅᖅᑎᐅᖃᑕᐅᔪᖅ ᒪᓕᒐᓕᐅᖅᕕᒻᒥ ᖁᕐᓗᑦᑑᖅᒧᖅ, ᓇᓗᓇᐃᖅᓯᓯᒪᓕᖅᑐᖅ ᓄᖅᑲᕈᒪᓂᕋᓕᖅᑐᓂ ᐃᒃᓯᕙᐅᑕᒥᓂᒃ ᒪᓕᒐᓕᐅᖅᑎᐅᓪᓗᓂ ᓄᓇᕗᑦ ᒪᓕᒐᓕᐅᖅᕕᖓᓂ, ᐊᑐᓕᖅᕕᒃᓴᖃᕐᓗᒍ ᐄᐳᕈ 3, 2020.  
 
ᒪᓕᑦᑐᓂ ᒪᓕᒐᓕᐅᖅᕕᐅᑉ ᐊᒻᒪᓗ ᓯᕗᓕᖅᑏᑦ ᑲᑎᒪᔨᖏᑕ ᐱᖁᔭᖓᓂᑦ, ᒥᔅ. ᖃᒥᓐᖑᐊᖅ ᖃᐅᔨᒃᑲᐃᓯᒪᔪᖅ ᐅᖃᖅᑎᒥᒃ ᐃᓱᒪᑖᕆᓯᒪᔭᓂᒃ ᑎᑎᖅᑲᖅᑎᒍᑦ. ᓈᓴᐅᑎᓕᒃ 38−ᒥᑦ ᓄᓇᕗᒥ ᓂᕈᐊᖅᑐᓕᕆᓂᕐᒧᑦ ᐱᖁᔭᖅ ᓇᓗᓇᐃᖅᓯᓯᒪᔪᖅ ᓂᕈᐊᕐᓇᐅᑉ ᐊᑯᓐᓂᖓᒍᑦ ᓂᕈᐊᕐᓂᖅᑕᖃᕆᐊᖃᕐᒪᑦ “ᐱᓕᕆᐊᖑᔪᓐᓇᖅᓯᑐᐊᖅᐸᑦ ᐊᒻᒪᓗ 6 ᑕᖅᑮᑦ ᐊᓂᒍᓚᐅᖅᑎᓐᓇᒋᑦ ᐃᖅᓯᕙᐅᑕᕆᔭᐅᔪᖅ ᐃᓄᖃᕈᓐᓃᖅᕕᖓᓂᑦ.”
 
ᐅᖃᖅᑎ ᖁᐊᓴ ᐅᖃᖅᑐᖅ, “ᐅᖃᕈᑎᓪᓗᒋᑦ ᐃᑕᖏᑦᑎᐊᖅᑐᒋᑦ ᒪᓕᒐᓕᐅᖅᑎᐅᖃᑕᐅᔪᑦ ᒪᓕᒐᓕᐅᖅᕕᒻᒥ, ᖁᔭᓐᓇᒦᖅᐸᕋ ᒥᔅ. ᖃᒥᓐᖑᐊᖅ ᐱᔨᑦᑎᕐᓂᕆᓯᒪᔭᖏᓐᓄᑦ ᐊᒻᒪᓗ ᖃᓄᐃᓐᖏᑦᑎᐊᖁᕙᕋ ᓵᓐᖓᑦᑎᒋᐊᕐᓂᖅᓴᐅᑎᓪᓗᒍ ᕿᑐᕐᖓᒥᓂᒃ ᐅᑭᐅᑭᑦᑑᑎᐅᔪᓂᒃ. ᓂᕆᐅᑉᐳᖓ ᑕᐃᓐᓇ ᐅᓪᓗᖓ ᓂᕈᐊᕐᓇᐅᑉ ᐊᑯᓐᓂᖓᓂ ᓂᕈᐊᕐᓂᐅᓛᖅᑑᑉ ᐅᓪᓗᒃᓴᖓ ᑕᖅᑲᐅᖓ ᐅᖃᖅᑕᐅᓛᕐᒪᑦ ᒫᓐᓇᑯᓘᓛᖅᑐᖅ.”
 
-30-
ᑐᑭᓯᒋᐊᒃᑲᓐᓂᕈᒪᒍᒃᓯ:
 
ᔮᓐ ᑰᕘᒃ
ᑎᑎᕋᖅᑎ ᒪᓕᒐᓕᐅᖅᕕᒻᒥ
ᐅᖄᓚᐅᑖ: (867) 975-5000