ᒪᓕᒐᓕᕆᓂᕐᒧᑦ ᑲᑎᒪᔨᕋᓛᑦ ᑐᓴᖅᑎᑦᑎᕗᑦ ᐊᑐᕐᓂᐊᖅᑐᓂᒃ ᐃᓱᒪᒃᓴᖅᓯᐅᕈᑕᐅᑎᓪᓗᒍ ᐱᖁᔭᒃᓴᖅ 25

Sep 25 2019

ᐃᖃᓗᐃᑦ, ᓄᓇᕗᑦ (ᓯᑎᐱᕆ 25, 2019) - ᒪᓕᒐᓕᕆᓂᕐᒧᑦ ᑲᑎᒪᔨᕋᓛᑦ ᐅᓪᓗᒥ ᑐᓴᖅᑎᑦᑎᕗᑦ ᐊᑐᖅᑕᐅᒃᑲᓐᓂᕐᓂᐊᖅᑐᓂᒃ ᐃᓱᒪᒃᓴᖅᓯᐅᕈᑕᐅᑎᓪᓗᒍ ᐱᖁᔭᒃᓴᖅ 25, ᐱᖁᔭᖅ ᐊᓯᔾᔨᕆᐊᕈᑕᐅᔪᖅ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᒧᑦ ᐊᒻᒪ ᐃᓄᐃᑦ ᐅᖃᐅᓯᖏᑦᑕ ᓴᐳᒻᒥᔭᐅᓂᖏᓐᓄᑦ ᐱᖁᔭᖅ. ᐱᖁᔭᒃᓴᖅ 25 ᓴᖅᑭᑕᐅᕚᓪᓗᓚᐅᖅᑐᖅ ᐃᓕᓐᓂᐊᖅᑐᓕᕆᓂᕐᒧᑦ ᒥᓂᔅᑕᒧᑦ ᔫᓂ 4, 2019-ᖑᑎᓪᓗᒍ, ᑭᖑᓂᖓᒍᓪᓗ ᑐᓂᔭᐅᓚᐅᕐᖢᓂ ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᕈᑕᐅᓂᐊᕐᒪᑦ.

ᑲᑎᒪᔨᕋᓛᓄᑦ ᐃᒃᓯᕙᐅᑕᕆᔭᐅᔪᖅ ᔮᓐ ᒪᐃᓐ ᐅᖃᓚᐅᖅᐳᖅ, “ᒪᓕᒐᓕᐅᖅᑎᐅᖃᑎᒃᑲᓗ ᐅᖃᐅᓯᖃᕈᒪᒐᑦᑕ ᖁᔭᓕᓂᑦᑎᓐᓂᒃ ᓄᓇᕗᒻᒥᐅᓂᒃ ᐃᓱᒪᒋᔭᒥᖕᓂᒃ ᐅᖃᐅᓯᖃᕈᓐᓇᖅᓯᒪᔪᑦ ᑖᔅᓱᒧᖓ ᐱᒻᒪᕆᐅᔪᒧᑦ ᐱᖁᔭᒃᓴᒧᑦ. ᑲᑎᒪᔨᕋᓛᑦ ᐃᓱᒪᒃᓴᖅᓯᐅᕈᑎᖃᑦᑎᐊᕐᒪᑕ ᐅᖃᐅᓯᐅᔪᓕᒫᓂᒃ, ᐊᒻᒪᓗ ᑐᖖᒐᓱᒃᑎᑦᑎᓪᓗᑎᒃ ᐅᖃᐅᓯᒃᓴᕆᔭᐅᒃᑲᓐᓂᖅᑐᓂᒃ ᓄᓇᖃᖅᑐᓂᑦ ᐅᖃᕈᒪᔪᓂᑦ ᐊᒻᒪ ᑎᒥᐅᔪᓂᑦ ᐅᓇ ᑎᑭᓐᓇᓱᖕᓂᖓᓂ 5:00-ᐅᓐᓄᓴᒃᑯᑦ ᑕᓪᓕᒻᒥᖅ, ᐅᑐᐱᕆ 11, 2019. ᑖᒃᑯᐊ ᐅᖃᐅᓯᒃᓴᕆᔭᐅᔪᑦ ᑕᖅᑲᒃᑯᓄᖓ ᓴᖅᑭᑕᐅᓛᖅᐳᑦ ᓴᖅᑭᑕᐅᓂᖓ ᒪᓕᒐᓕᐅᕐᕕᒃᒧᑦ ᐅᑭᐊᒃᓵᖅ ᑲᑎᒪᕐᔪᐊᕐᓂᐅᓂᐊᖅᑐᒥ.”

ᑖᓐᓇ ᐅᑭᐊᒃᓵ* ᑲᑎᒪᕐᔪᐊᕐᓂᖓᑦ ᑕᓪᓕᒪᖏᑦᑕ ᒪᓕᒐᓕᐅᖅᑏᑦ ᐱᒋᐊᓛᖅᐳᖅ 1:30-ᐅᓐᓄᓴᒃᑯᑦ ᑎᓴᒻᒥᕐᒥ, ᐅᑐᐱᕆ 17, 2019.

ᐃᒃᓯᕙᐅᑕᖅ ᒪᐃᓐ ᐅᖃᓚᐅᖅᐳᖅ, “ᑲᑎᒪᔨᕋᓛᑦ ᐅᖓᕙᕆᐊᖅᑎᑦᑎᖁᔨᓂᐊᖅᐳᑦ ᕿᒥᕐᕈᕝᕕᒃᓴᖓᓐᓂᒃ ᑕᐃᑲᓂ ᑲᑎᒪᕐᔪᐊᕐᓇᒥ, ᐅᕙᑦᑎᓐᓂᒃ ᐱᕕᖃᖅᑎᑦᑎᓂᐊᕐᒪᑦ ᑕᓚᕖᓴᒃᑯᑦ ᓈᒪᒃᑎᑦᑎᓂᕐᒥᒃ ᐱᖁᔭᒃᓴᖅ 25 ᐱᓪᓗᒍ ᐱᓇᓱᐊᕈᓰᖕᓂᒃ ᒪᕐᕉᖕᓂᒃ ᓄᕕᐱᕆᐅᑦ ᓄᖖᒍᐊᓂ. ᐃᓕᓐᓂᐊᖅᑐᓕᕆᓂᕐᒧᑦ ᒥᓂᔅᑕ ᐊᒻᒪᓗ ᑐᖖᒐᓱᒃᑎᑕᐅᔪᑦ ᐅᖃᕆᐊᖅᑐᖁᔭᐅᓗᑎᒃ ᑲᑎᒪᔨᕋᓛᑦ ᓵᖓᓐᓂ ᑕᐃᑲᓂ ᓈᓚᒃᑎᑦᑎᓂᐅᔪᓂ, ᓄᓇᕗᒻᒥᐅᓂᑦ ᑕᒫᓂ ᓄᓇᕗᓕᒫᒥ ᑐᓵᔪᓐᓇᖁᓪᓗᒋᑦ ᐅᖃᖃᑎᒌᖕᓂᑦᑎᓐᓂᒃ.”

ᓇᓗᓇᐃᔭᑦᑎᐊᖅᓯᒪᔪᑦ ᖃᖓᒃᑰᕐᓂᐊᕐᓂᖏᓐᓄᑦ ᑲᑎᒪᔨᕋᓛᑦ ᓈᓚᒃᑎᑦᑎᓂᖏᓐᓄᑦ ᐊᒻᒪ ᖃᐃᖁᔭᐅᓯᒪᔪᑦ ᐅᖃᐅᓯᒃᓴᓖᑦ ᓴᖅᑭᑕᐅᓛᕐᖢᑎᒃ ᑭᖑᓂᖓᒍᑦ.

-30-

ᖃᐅᔨᒋᐊᒃᑲᓐᓂᕈᒪᒍᕕᑦ:
ᔮᓐ ᒪᐃᓐ, ᒪᓕᒐᓕᐅᖅᑎ (ᐊᕐᕕᐊᑦ ᐅᐊᖕᓇᖓᓄᑦ-ᑎᑭᕋᔪᐊᕐᒧᑦ)
ᐃᒃᓯᕙᐅᑕᖅ, ᒪᓕᒐᓕᕆᓂᕐᒧᑦ ᑲᑎᒪᔨᕋᓛᑦ / ᐅᖄᒪᐅᑖ: (867) 975-5127

AttachmentSize
ᒪᓕᒐᓕᕆᓂᕐᒧᑦ ᑲᑎᒪᔨᕋᓛᑦ ᑐᓴᖅᑎᑦᑎᕗᑦ ᐊᑐᕐᓂᐊᖅᑐᓂᒃ ᐃᓱᒪᒃᓴᖅᓯᐅᕈᑕᐅᑎᓪᓗᒍ ᐱᖁᔭᒃᓴᖅ 25127.71 KB