ᓄᓇᕗᑦ ᑲᒥᓴᓇᑖᖅᑲᐅᖓᑕ ᐊᖏᖅᑎᑕᐅᓂᖓ

Feb 1 2021

ᐃᖃᓗᐃᑦ, ᓄᓇᕗᑦ (ᕕᕝᕗᐊᕆ 1, 2021) - ᐅᖃᖅᑎ ᐹᓪ ᖁᐊᓴ ᑐᓴᖅᑎᑎᖅᑲᐅᕗᖅ ᑕᐃᓐᓇ ᐊᖏᖅᑎᑕᐅᓂᕆᓛᖅᑕᖓ ᐊᒻᒪᓗ ᓄᓇᕗᒻᒥ ᐃᓕᓴᖅᓯᔾᔪᑎᒥᒃ ᐅᔭᒥᑦᑕᐅᓂᕆᓛᖅᑕᖓᓗ ᑲᒥᓴᓇᐅᖁᔭᐅᓪᓗᓂ ᑎᒃᑯᐊᖅᑕᐅᓯᒪᔪᖅ ᐄᕙ ᖃᒪᓂᖅ ᐋᕆᐊᒃ, C.M., ᐊᑐᖅᑕᐅᓛᕐᒪᑦ 09:30ᒥ (ᑲᓇᓐᓇᒥ) ᐱᖓᑦᓯᐅᓕᖅᑲᑦᒪ ᕕᕝᕗᐊᕆ 3, 2021, ᒪᓕᒐᓕᐅᖅᕕᐅᑉ ᑲᑎᒪᕐᔪᐊᖅᕕᖓᓂ.

ᐅᖃᖅᑎ ᖁᐊᓴ ᐅᖃᖅᑐᖅ, “ᑭᒡᒐᑐᖅᑐᒋᑦ ᐃᓘᓐᓇᑦᑎᐊᖏᑦ ᒪᓕᒐᓕᐅᖅᑏᑦ ᒪᓕᒐᓕᐅᖅᕕᒻᒥ, ᖁᕕᐊᒋᔭᖃᓪᓚᕆᑉᐳᒐ ᒥᔅ ᐋᕆᐊᒃ ᑎᒃᑯᐊᖅᑕᐅᓂᖓᓂᒃ ᓄᓇᕗᒻᒥ ᑲᒥᓴᓇᑖᖅᑲᐅᖑᓂᐊᓕᕐᒪᑦ ᐊᒻᒪᓗ ᑲᔪᖏᒻᒪᕆᑉᐳᖓ ᐃᓚᐅᓂᕆᓛᖅᑕᓐᓄᑦ ᑖᒃᓱᒧᖓ ᐃᖅᑲᐅᒪᔭᐅᖏᓐᓇᕐᓂᐊᓕᖅᑐᒧᑦ ᑲᑎᓐᓂᐅᔪᓛᖅᑐᒧᑦ.”

ᐱᔾᔪᑎᒋᔭᐅᓗᓂᓕ ᑲᔪᓰᓐᓇᕐᓂᖓ ᓱᓕ ᓄᕙᓐᓇᕐᔪᐊᖅ ᑰᕕᑦ−19 ᓄᓇᕐᔪᐊᓕᒫᒥ ᓯᐊᒻᒪᒃᓯᒪᓂᖓ, ᖃᓂᒌᓗᐊᖅᑕᐃᓕᓂᕐᒧᑦ ᒪᓕᑦᑕᐅᔭᕆᐊᓖᑦ ᓱᓕ ᐊᑕᒻᒪᑕ. ᑕᐃᒃᑯᐊᑐᐊᖅ ᖃᐃᖅᑯᔭᐅᓯᒪᔪᑦ ᐃᓯᕈᓐᓇᓛᖅᑐᑦ ᒪᓕᒐᓕᐅᖅᕕᐅᑉ ᐱᕕᑐᓂᖓᓄᑦ ᐳᓛᖅᕕᖓᓄᓪᓗ ᐊᖏᖅᑎᑕᐅᔪᖃᖅᑎᓪᓗᒍ ᐃᓕᑕᕆᔭᐅᔪᖃᖅᑎᓪᓗᒍᓗ.

ᑖᒃᑯᐊ ᑕᑯᒃᓴᐅᑦᑕᐅᑎᒋᓛᖅᑐᑦ ᑕᓚᕕᓴᒃᑯᑦ ᓄᓇᓖᑦ ᑲᓱᖅᓯᒪᔪᓂᒃ ᑕᓚᕕᓴᖃᐅᑎᖏᑎᒍᑦ ᐊᒻᒪ ᐊᖏᕐᕋᒥ ᖃᖓᑦᑕᖅᑎᑕᐅᓯᒪᔪᒃᑯᑦ ᑕᓚᕕᓴᒃᑰᕈᑎᓕᓐᓄᑦ ᕕᐊᓪ (ᓈᓴᐅᑖ 513) ᐊᒻᒪ ᓵ (ᓈᓴᐅᑖ 289−ᐱᑐᖃᑦ / ᓈᓴᐅᑖ 489 − ᓄᑖᓂ ᓴᖅᑭᓲᓂ). ᑕᑯᒃᓴᐅᑦᑕᐅᑎᒋᓛᕐᒥᔪᑦ ᖃᕋᓴᐅᔭᒃᑯᑦ ᐃᑭᐊᖅᑭᕕᒃᑯᒃ ᐅᕙᓂ: http://video.isilive.ca/nunavut/. ᐃᖃᓗᖕᒥᐅᑕᐃᑦ ᓈᓚᒍᓐᓇᓛᕐᒥᔪᑦ ᓈᓚᐅᑎᒃᑯᑦ ᑐᓴᖅᓴᐅᑦᑕᐅᑎᒋᔪᓂᒃ ᐅᕗᓂ ᓈᓚᐅᑎᒃᑯᑦ ᓈᓴᐅᑎᓕᓐᓂ: ᓇᑎᖅ: 92.5 / ᐃᓄᒃᑎᑐᑦ: 94.7 / ᖃᓪᓗᓈᑎᑐᑦ: 102.1.

-30-

ᑐᑭᓯᒋᐊᕈᒪᒍᒃᓯ:
ᔮᓐ ᑯᕘᒃ, ᑎᑎᕋᖅᑎ, ᒪᓕᒐᓕᐅᖅᕕᒻᒥ
(867) 975-5000

AttachmentSize
ᓄᓇᕗᑦ ᑲᒥᓴᓇᑖᖅᑲᐅᖓᑕ ᐊᖏᖅᑎᑕᐅᓂᖓ129.63 KB