ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᐅᔭᒥᒃᓯᓂᐊᕐᓂᖅ ᐊᑐᖅᑕᐅᓛᖅᑐᖅ ᒫᔾᔨ 8, 2021-ᒥ

Mar 5 2021

ᐃᖃᓗᐃᑦ, ᓄᓇᕗᑦ (ᒫᔾᔨ 5, 2021) - ᒪᓕᒐᓕᐅᕐᕕᖕᒧᑦ ᐅᖃᖅᑎ ᐊᒻᒪ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᖃᐅᔨᒪᔨᑕᑦ ᑲᑎᒪᔨᖏᑦᑕ ᐃᒃᓯᕙᐅᑕᖓᑦ, ᐹᐅᓕ ᖁᐊᓴ, ᐅᓪᓗᒥ ᓇᓗᓇᐃᖅᓯᖅᑲᐅᔪᖅ ᐲᑕ ᑖᐸᑕ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᐅᔭᒥᒃᑕᐅᓂᐊᖅᑐᖅ ᓇᒡᒐᔾᔭᐅᒥ, ᒫᔾᔨ 8, 2021−ᒥ, 6-ᒧᐊᖅᐸᑦ ᐅᓐᓄᒃᑯᑦ ᒪᓕᒐᓕᐅᕐᕕᐅᑉ ᑲᑎᒪᕐᔪᐊᕐᕕᐊᓂ.

ᓄᕙᒡᔪᐊᕐᓇᖅ 19 ᓱᓕ ᑕᒫᓃᓐᓂᖓ ᐱᔾᔪᑎᒋᓪᓗᒍ, ᒪᓕᒋᐊᖃᕐᓂᐊᖅᑕᕗᑦ ᖃᓂᒌᓗᐊᖅᑕᐃᓕᒪᓂᕐᒧᑦ ᒪᓕᒐᐃᑦ. ᑕᐃᒪᐃᓐᓂᖓᓄᑦ, ᑕᖅᑲᒃᑯᐊ ᐃᓄᐃᑦ ᐊᒻᒪ ᐳᓛᕆᐊᖅᓯᒪᔪᑦ ᐃᒃᓯᕚᕐᕕᖏᑦᑕ ᐊᑐᖅᑕᐅᓂᖏᑦ ᒪᓕᒐᖃᕐᓂᐊᖅᑐᑦ. ᖃᒪᓂᑦᑐᐊᕐᒥᐅᑦ ᐊᒻᒪ ᓄᓇᕗᒻᒥᐅᓕᒫᑦ ᑕᓚᕖᓴᒃᑯᑦ ᐃᕐᖐᓐᓇᖅ ᑕᑯᒃᓴᐅᑎᑦᑎᔪᓂᒃ ᑕᑯᓐᓇᖔᕐᓂᐊᖅᐳᓯ. ᐅᔭᒥᒃᓯᓂᖅ ᐃᕐᖐᓐᓇᖅ ᑕᓚᕖᓴᒃᑰᖅᑎᑕᐅᓂᐊᖅᑐᖅ ᓄᓇᕗᓕᒫᒥ ᖁᒻᒧᐊᒃᑎᑕᐅᓯᒪᔪᑦ ᐊᑐᖅᑕᐅᓗᑎᒃ, Bell-ᑯᑦ (ᑕᑯᒃᓴᐅᕕᐊ 513) ᐊᒻᒪ Shaw (ᑕᑯᒃᓴᐅᕕᐊ 289 - ᓄᑕᐅᓐᖏᑦᑐᑦ / ᑕᑯᒃᓴᐅᕕᐊ 489 - ᓄᑖᑦ). ᐅᔭᒥᒃᓯᓂᖅ ᐃᑭᐊᖅᑭᕕᒃᑰᖅᑎᑕᐅᓂᐊᕐᒥᔪᖅ ᐅᕘᓇ: http://video.isilive.ca/nunavut/.

ᔭᓄᐊᕆ 1, 2010-ᖑᑎᓪᓗᒍ, ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦᐃᓕᓴᖅᓯᔾᔪᑎᐅᑉ ᐱᖁᔭᕐᔪᐊᖓ ᐊᑐᓕᖅᑎᑕᐅᓚᐅᖅᓯᒪᔪᖅ. ᑖᔅᓱᒪ ᐃᓕᓴᖅᓯᔾᔪᑎᐅᑉ ᑐᕌᒐᖓ ᓴᖅᑭᑕᐅᓯᒪᕗᖅ ᐅᐱᒋᓂᖅᐳᑦ ᐃᓄᐃᑦ ᓇᓗᓇᐃᖅᑕᐅᔪᓐᓇᕐᓂᐊᕐᒪᑕ, ᐃᑲᔪᖅᓯᒪᓪᓚᕆᒃᑐᑦ ᐱᖅᑯᓯᑐᖃᑦᑎᓐᓄᑦ, ᐃᓅᓯᖃᑦᑎᐊᕐᓂᕐᒧᑦ ᐅᕝᕙᓘᓐᓃᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᓄᓇᕗᒥ. ᑖᓐᓇ ᐃᓕᓴᖅᓯᔾᔪᑦ ᖁᕝᕙᓯᖕᓂᖅᐹᖑᓪᓗᓂ ᐃᓕᓴᖅᓯᔾᔪᑕᐅᕗᖅ ᐊᒻᒪ ᖁᕝᕙᓯᖕᓂᖅᐹᖑᓪᓗᓂ ᐊᓯᖏᓐᓂᒃ ᑎᓕᐅᕈᑎᓂᒃ, ᓇᓗᓇᐃᒃᑯᑕᓂᒃ ᐅᕝᕙᓘᓐᓃᑦ ᐅᔭᒥᖕᓂᑦ ᓴᖅᑭᑕᐅᓯᒪᔪᓂᑦ ᓄᓇᕗᑦ ᒐᕙᒪᒃᑯᓐᓄᑦ.

ᓄᓇᕗᑦ ᑲᒥᓴᓇᖓᑦ ᐄᕙ ᐋᕆᐊᖅ ᑕᒪᑐᒥᖓ ᐅᔭᒥᒃᓯᓂᕐᒥᒃ ᐊᐅᓚᑦᓯᓂᐊᖅᑐᖅ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᐸᐸᑦᑎᔨᐅᓂᓂ ᐊᑐᕐᓗᒍ.

-30-

ᑐᑭᓯᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᔪᓐᓇᖅᑕᐃᑦ:

ᔮᓐ ᑯᐊᒃ, ᒪᓕᒐᓕᐅᕐᕕᖕᒧᑦ ᑎᑎᕋᖅᑎ ᐊᒻᒪ
ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᖃᐅᔨᒪᔨᑕᑦ ᑲᑎᒪᔨᖏᓐᓄᑦ ᑎᑎᕋᖅᑎ
ᐅᖄᓚᐅᑖ: (867) 975-5000

AttachmentSize
ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᐅᔭᒥᒃᓯᓂᐊᕐᓂᖅ ᐊᑐᖅᑕᐅᓛᖅᑐᖅ ᒫᔾᔨ 8, 2021-ᒥ135.74 KB