ᑲᑎᒪᔨᕋᓛᑦ ᓇᐅᑦᑎᖅᓱᖅᑎᑦ ᒐᕙᒪᒃᑯᑦ ᐊᐅᓚᓂᖏᓐᓄᑦ ᑮᓇᐅᔭᖅᑐᕈᑎᕕᓂᕐᓄᓪᓗ
ᐃᒃᓯᕙᐅᑕᖅ
ᔮᓐ ᒪᐃᓐ
ᐃᒃᓯᕙᐅᑕᐅᖃᑕᖅ
ᑳᑎ ᑕᐅᑐᓐᖏ
ᑲᑎᒪᔨᐅᖃᑕᐅᔪᑦ
ᑑᓂ ᐋᖁᐊᖅ
ᐹᑦ ᐊᕐᓇᒃᑲᖅ
ᔪᐃᓕ ᖃᐃᕐᓂᖅ
ᐸᐅᓗᓯ ᕿᔪᑦᑖᖅ
ᐋᑕᒻ ᐋᕆᐊᒃ−ᓚᐃᑦᓯᑑᓐ
ᐸᑎᖅ ᓇᑦᓯᖅ
ᑳᓪᕕᓐ ᐲᑐᓴᓐ
ᑕᐃᕕᑦ ᖃᒪᓂᖅ
ᐃᒥᓕᐊᓐᓄ ᕿᓐᖑᖅ
ᐋᓚᓐ ᕋᒻᕘᓪᑦ
ᑯᕋᐃᒃ ᓯᒪᐃᓚᒃ
ᑲᑎᒪᔨᕋᓛ ᐃᖅᑲᓇᐃᔭᖅᑎᖏᑦ
ᑲᑎᒪᔨᕋᓛᑦ ᑎᑎᕋᖅᑎᖏᒃ: ᔮᓐ ᑰᒃ ᐊᒻᒪ ᓯᑏᕙᓐ ᐃᓄᒃᓱᒃ
ᖃᐅᔨᓴᖅᑎᖏᑦ ᐊᑐᐊᒐᕐᓂᓪᓗ ᕿᒥᕐᕈᔨᖏᑦ: ᐋᓚᒃᔅ ᕚᓪᕕᓐ ᐊᒻᒪ ᓴᕚᓐ ᒫᔅ
ᐱᓕᕆᐊᒃᓴᕆᓂᐊᕐᓗᒋᑦ ᑎᓕᔭᐅᓯᒪᔾᔪᑎᖏᑦ ᒐᕙᒪᒃᑯᑦ ᐊᐅᓂᖏᓐᓄᑦ ᑮᓇᐅᔭᖅᑐᕈᑎᕕᓂᖏᓐᓄᓪᓗ ᑲᑎᒪᔨᕋᓛᑦ ᐅᑯᓂᖓ ᐱᔭᒃᓴᖅᑖᖅᑎᑕᐅᓯᒪᕗᑦ:
- ᐃᓱᒪᒃᓴᖅᓯᐅᕈᑎᖃᖃᑦᑕᖅᐳᑦ ᑮᓇᐅᔭᓂᒃ ᐊᑐᕈᒫᖅᑐᓂᒃ ᐊᑭᑐᔪᖅᑐᕈᑎᒃᓴᓂᒃ, ᐱᓕᕆᕕᐅᑉ ᐱᓕᕆᐊᕆᓂᐊᖅᑕᖏᑦᑕ ᐸᕐᓇᐅᑎᖏᓐᓂᒃ ᐊᒻᒪ ᑮᓇᐅᔭᓕᕆᓂᕐᒧᑦ ᐊᐅᓚᑕᐅᓂᐊᖅᑐᑦ ᐸᕐᓇᐅᑎᖏᓐᓂᒃ; ᐊᒻᒪ
- ᐊᓯᖏᓐᓂᒡᓗ ᒪᓕᒐᓕᐅᕐᕕᖕᒥᑦ ᖃᐃᑕᐅᔪᓂᒃ ᐃᓱᒪᒃᓴᖅᓯᐅᕈᑎᖃᖃᑦᑕᕐᓗᑎ.
ᑲᑎᒪᔨᕋᓛᑦ ᐱᔭᒃᓴᖅᑖᖅᑎᑕᐅᓯᒪᕗᑦ ᓇᐅᑦᑎᖅᓱᖅᑎᐅᓂᐊᕐᓗᑎᒃ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖁᑎᖏᓐᓂᒃ, ᒐᕙᒪᒃᑯᓪᓗ ᑯᐊᐳᕇᓴᖁᑎᖏᓐᓂᒃ ᐊᒻᒪ ᐊᓯᖏᓐᓂᒃ ᑎᒥᓐᖑᖅᑎᑕᐅᓯᒪᔪᓂᒃ:
- ᐊᐅᓚᑦᓯᔨᒃᑯᑦ ᐊᒻᒪᓗ ᒐᕙᒪᐅᖃᑎᒌᒃᑐᓕᕆᔨᒃᑯᑦ;
- ᑮᓇᐅᔭᓕᕆᔨᒃᑯᑦ;
- ᐃᖅᑲᓇᐃᔭᖅᑐᓕᕆᔨᒃᑯᑦ;
- ᓄᓇᕗᒥ ᐱᔅᓇᓯᓄᑦ ᐊᑐᖅᑐᐊᕐᕕᒃ ᑯᐊᐳᕇᓴᓐ;
- ᓄᓇᕗᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᓐ;
- ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔩᑦ;
- ᖁᓪᓕᖅ ᐆᒻᒪᖅᑯᑎᓕᕆᔨᑦ ᑯᐊᐳᕇᓴᓐ;
- ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ;
- ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ;
- ᒪᓕᒐᓂᒃ ᑐᑭᓯᓂᐊᕐᕕᖕᒧᑦ ᑲᑎᒪᔩᑦ;
- ᐃᒥᐊᓗᖕᒧᑦ ᓚᐃᓴᑖᖅᑎᑦᑎᔩᑦ ᑲᑎᒪᔨᖏᑦ
- ᖁᓪᓖᑦ ᐊᕐᓇᐃᑦ ᓄᓇᕗᒥ ᑲᑎᒪᔨᖏᑦ;
- ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ;
- ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔨᑦ ᐊᒻᒪ
- ᑭᓯᐊᓂ ᐊᓯᖏᓐᓂᒃ ᑲᑎᒪᔨᕋᓛᑦ ᒪᓕᒐᖏᓐᓂᒃ ᓇᓗᓇᐃᖅᓯᓯᒪᒃᐸᑕ ᐊᑐᖅᑕᐅᓂᐊᖅᑐᓂᒃ ᐊᓯᖏᓐᓄᑦ ᑲᑎᒪᔨᕋᓛᓄᑦ, ᐃᓘᓐᓇᖏᑦ ᑲᑎᒪᔨᑦ ᐊᒻᒪᓗ ᑎᒥᓐᖑᖅᑎᑕᐅᓯᒪᔪᑦ ᓄᓇᕗᑦ ᒐᕙᒪᒃᑯᑦ ᐊᑖᓃᑦᑐᑦ,
ᑲᑎᒪᔨᕋᓛᑦ ᖄᒃᑲᓐᓂᐊᒍᑦ ᐱᔭᒃᓴᖅᑖᖅᑎᑕᐅᓯᒪᔪᑦ ᐅᑯᓂᖓ:
- ᐃᓱᒪᒃᓴᖅᓯᐅᕈᑎᖃᕐᓂᖅ ᓄᓇᕗᑦ ᒐᕙᒪᒃᑯᖏᑕ ᑮᓇᐅᔭᖅᑐᕈᑎᕕᓂᖏᓐᓂᒃ ᐊᒻᒪ ᑲᓇᑕᒥ ᑕᒻᒪᖅᓯᒪᔪᖅᓯᐅᖅᑎᐅᑉ ᐅᓂᒃᑳᖏᓐᓂᒃ;
- ᐃᓱᒪᒃᓴᖅᓯᐅᕈᑎᖃᕐᓂᖅ ᓄᓇᕗᒻᒥ ᓂᕈᐊᖅᑐᓕᕆᔨᐅᑉ ᐅᓂᒃᑳᖏᓐᓂᒃ;
- ᐃᓱᒪᒃᓴᖅᓯᐅᕈᑎᖃᕐᓂᖅ ᓄᓇᕗᒻᒥ ᑐᓴᐅᒪᔾᔪᑎᓕᕆᓂᕐᒧᑦ ᑲᓐᖑᓇᖅᑐᓕᕆᓂᕐᒧᓪᓗ ᑲᒥᓴᓇᐅᑉ ᐅᓂᒃᑳᖏᓐᓂᒃ;
- ᐃᓱᒪᒃᓴᖅᓯᐅᕈᙱᖃᕐᓂᖅ ᓄᓇᕗᒻᒥ ᐅᖃᐅᓯᓕᕆᓂᕐᒧᑦ ᑲᒥᓴᓇᐅᑉ ᐅᓂᒃᑳᖏᓐᓂᒃ;
- ᐃᓱᒪᒃᓴᖅᓯᐅᕈᑎᖃᕐᓂᖅ ᓱᕈᓯᕐᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐅᓂᒃᑳᖏᓐᓂᒃ; ᐊᒻᒪ
- ᐃᓱᒪᒃᓴᖅᓯᐅᕈᑎᖃᕐᓂᖅ ᓄᓇᕗᑦ ᒐᕙᒪᒃᑯᑦ ᐊᖏᕈᑎᒋᓯᒪᔭᖏᓐᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᑎᒍᑦ.