ᓄᓇᕗᒻᒥ ᓱᓕᑦᑎᐊᕐᓂᕐᒧᑦ ᑲᒥᓴᓇᐅᑉ ᐃᓂᖓᓄᑦ ᒫᓐᓇ ᐱᓇᔪᒍᒪᔪᓂᒃ ᑐᓐᖓᓱᒃᑎᑦᑎᕗᒍᑦ.
ᓄᓇᕗᒻᒥ ᓱᓕᑦᑎᐊᕐᓂᕐᒧᑦ ᑲᒥᓴᓇ ᐃᒻᒥᒃᑰᖅᖢᓂ ᑲᒪᔨᐅᖃᑕᐅᕗᖅ ᒪᓕᒐᓕᐅᕐᕕᖕᒧᑦ. ᓱᓕᑦᑎᐊᕐᓂᕐᒧᑦ ᑲᒥᓴᓇ ᑎᒃᑯᐊᖅᑕᐅᖃᑦᑕᖅᐳᖅ ᒪᓕᒐᓕᐅᖅᑏᑦ ᐊᑐᓕᖁᔭᓕᐊᖓ ᐊᑐᖅᑕᐅᓪᓗᓂ, ᒪᓕᒃᖢᒍ ᓱᓕᑦᑎᐊᕐᓂᕐᒧᑦ ᐱᖁᔭᕐᔪᐊᑉ ᐃᓗᓕᖏᑦᑕ ᑎᑎᕋᖅᓯᒪᓂᖏᑦ. ᓱᓕᑦᑎᐊᕐᓂᕐᒧᑦ ᑲᒥᓴᓇ ᐊᑐᖅᑕᐅᔭᕆᐊᖃᓕᕌᖓᒥ ᐱᔨᑦᑎᖅᑎᐅᖃᑦᑕᖅᐳᖅ ᒪᓕᒐᓕᐅᕐᕕᖕᒧᑦ.
ᐱᖁᔭᕐᔪᐊᑦ ᑎᑎᕋᖅᓯᒪᓂᖏᑦᑎᒍᑦ ᑕᓪᓕᒪᓄᑦ ᐊᕐᕌᒍᓄᑦ ᐃᓕᓯᒪᖃᑦᑕᖅᑐᖅ. ᑭᖑᓪᓕᕐᒥ ᑕᕝᕗᖓ ᑎᒃᑯᐊᖅᓯᔪᖃᓚᐅᖅᑐᖅ ᓯᑎᐱᕆ 10, 2013−ᒥ.
ᑖᓐᓇ ᐃᖅᑲᓇᐃᔮᖅ ᐊᔾᔨᒌᓐᖏᕈᓘᔭᖅᑐᓂᒃ ᐱᔪᓐᓇᕐᓂᖅᑖᖅᑎᑕᐅᓯᒪᔪᖅ ᐊᒻᒪ ᐱᔭᒃᓴᖅᑖᖅᑎᑕᐅᓯᒪᓪᓗᓂ, ᐊᑐᖅᖢᒍ ᓱᓕᑦᑎᐊᕐᓂᕐᒧᑦ ᐱᖁᔭᕐᔪᐊᖅ ᐊᒻᒪ ᓄᓇᕗᒻᒥ ᓂᕈᐊᕐᓂᓕᕆᓂᕐᒧᑦ ᐱᖁᔭᕐᔪᐊᖅ. ᐃᖅᑲᓇᐃᔮᑉ ᑭᓱᓂᒃ ᐃᓗᓕᖃᐅᕐᒪᖔᑦ ᖃᐅᔨᒋᐊᒃᑲᓐᓂᕈᒪᒍᕕᑦ ᐊᑐᐃᓐᓇᕈᖅᑎᑕᐅᓯᒪᕗᑦ ᒪᓕᒐᓕᐅᕐᕕᐅᑉ ᑎᑎᕋᖅᑎᐊᑕ ᑎᑎᕋᕐᕕᖓᓂ ᐊᒻᒪ ᒪᓕᒐᓕᐅᕐᕕᐅᑉ ᐃᑭᐊᖅᑭᕕᖏᑦᑎᒍᑦ ᑕᑯᒋᐊᕈᓐᓇᖅᖢᒍ ᐅᕙᓂ, www.assembly.nu.ca.
ᑕᒪᑐᒥᖓ ᐃᖅᑲᓇᐃᔮᒥᒃ ᐱᓇᔪᒍᒪᔾᔪᑏᑦ ᓇᓗᓇᐃᖅᓯᑦᑎᐊᕆᐊᖃᖅᐳᑦ ᖃᓄᖅ ᑕᐃᒪᐃᑦᑐᓂᒃ ᐱᔪᓐᓇᕐᓂᕐᒥᓂᒃ ᐊᔪᓐᖏᓐᓂᕐᒥᓂᒡᓗ ᐃᖅᑲᓇᐃᔮᑉ ᑎᑎᕋᖅᓯᒪᓂᖏᑦ ᒪᓕᒡᓗᒋᑦ.
ᑕᒪᑐᒥᖓ ᐃᖅᑲᓇᐃᔮᒥᒃ ᐱᓇᔪᒍᒪᔾᔪᑏᑦ ᑎᑎᖅᑲᖏᑦ ᐱᔭᐅᔪᓐᓇᖅᑐᑦ ᐊᐅᒡᒍᓯ 17, 2018−ᖑᕋᓱᖕᓂᖓᓄᑦ 5-ᒥ ᐅᓐᓄᓴᒃᑯᑦ.
ᑕᒪᑐᒥᖓ ᐃᖅᑲᓇᐃᔮᒥᒃ ᐱᓇᔪᒍᒪᔾᔪᑏᑦ ᐊᐱᖅᑯᑏᓪᓗ ᐅᕗᖓ ᑐᕌᖅᑎᑕᐅᔭᕆᐊᓖᑦ:
ᑲᑎᒪᔨᓕᕆᔨᒃᑯᑦ ᑲᑎᒪᔨᖏᑦᑕ ᑎᑎᕋᖅᑎᐊ
ᓄᓇᕗᑦ ᒪᓕᒐᓕᐅᕐᕕᐊᑕ ᑎᑎᕋᕐᕕᐊ
ᑎᑎᖅᑲᒃᑯᕕᐊ 1200, ᐃᖃᓗᐃᑦ, ᓄᓇᕗᑦ, X0A 0H0
ᐅᖄᓚᐅᑖ: (867) 975-5000
ᓱᒃᑲᔪᒃᑯᑦ: (867) 975-5191
ᖃᕆᓴᐅᔭᒃᑯᑦ ᑐᕌᕈᑖ: submissions@assembly.nu.ca