IQALUIT, Nunavut (March 1, 2022) – Umiktigutikhait atiktuitjutikhainik kinamik Ilitagikyuagutainik Nunavumi March 31mut, 2022.
January 1mi, 2010, Ilitagikyuagutikhait Nunavumi Pikuyakyuat atulikhiyut. Maligaliuktikyuanga pinahuaktait Iligikyuagutit “ilitagilugit Inuit akhut ikayukhimayut inuuviviniit, inuligiyiit ovaluniit naamaktigutikhait Nunavumi.” Ilitagikyuak anginikhaanguyuk Nunavumi ovalo hiviliuyut tamamik ilitagitjutainik, ilititjutainik ilitaginik Nunavut Kavamatkunit. Ilauniaktut Ilitagikyuagutikhait Nunavumi ilanganut Kanatami Ilitagigutainik atuliktut 2018mi Kavamatukatkut Iligikyuagutainit Katimayiit angikhimayut Governor Generalmit.
Ilitagikyuagutit Nunavumi Ikayuktiit Katimayiit ihumagiyut atiktuitjutikhainik Ilitagikyuagutainut ovalo pitkuhimayut Kamisinamit Nunavumi, Munagiyuk Ilitagikyuagutainik. Ilauyut Ikayuktiinut Katimayiit hapkoa, Ukakti Maligaliukvimi, Atanik Apikhuktinit Nunavumi ovalo Angayukaak Nunavut Tunngavikuni.
Atiktuitjutikhait makpigaat pilaaktut titigakviani Maligaliuktit Maligaliukvimi ovalo kagitauyakut pilaaktut Maligaliukvimit kagitauyakut hamani: www.assembly.nu.ca. Atiktuitjutikhait piniaktut umiktinagu 5:00mongakat (EST) on Thursday, March 31mi, 2022. Kungiaktitiniaktut Maligaliukvimi ubluanik tuhaktiniaktut.
Ubluminut tamaat 19guyut Inuit ilitagiyauhimayut Ilitagikyuagutainit Nunavumi ikayugutainit ilanginik Inuit ovalo nunalaani ikayuktut, hanauyaktut, ilihaktiligiyut, ukauhiinik tuhaktitiyut, angayukaaligiyut ovalo busnikaktut.
-30-
Tuhafaagumaguvit takulugu:
John Quirke, Titigakti Maligaliukvimi
Ovalo Titigakti Ilitagitkyuat Nunavumi Ikayuktiit Katimayiit
Kagitauyakut: LegInfo@assembly.nu.ca
| Attachment | Size |
|---|---|
| Umiktigutikhait Takhiyut Atiktuitjutikhainik Ilitagikyuagutikhainik Nunavumi | 201.42 KB |