ᒪᓕᒐᓕᐅᕐᕕᖕᒧᑦ ᒪᓕᒐᓕᐅᖅᑎ ᒪᕐᕈᐃᓕᖓᓗᒍ ᐅᖃᐅᓯᕆᔭᐅᔪᓐᓇᖅᑐᖅ. ᓯᕗᓪᓕᖅ, ᒪᓕᒐᓕᐅᖅᑏᑦ ᓂᕈᐊᖅᑎᒥᖕᓂᒃ ᑭᒡᒐᖅᑐᐃᓪᓗᑎᒃ ᐅᖃᖅᑎᒋᔭᐅᖃᑦᑕᖅᐳᑦ ᒪᓕᒐᓕᐅᕐᕕᖕᒥ, ᐊᐃᑉᐸᖓ, ᒪᓕᒐᓕᐅᖅᑎ ᑭᒡᒐᖅᑐᐃᔨᒋᔭᐅᕗᖅ ᓂᕈᐊᖅᑕᐅᕝᕕᒋᓯᒪᔭᒥᓄᑦ, ᑭᓐᖒᒪᔭᖏᑦ ᓴᐳᒻᒥᐅᓯᖅᓯᒪᓪᓗᓂᒋᑦ. ᒪᓕᒐᓕᐅᖅᑏᑦ ᐊᖅᑯᑎᒋᔭᐅᓪᓚᕆᒃᐳᑦ ᓂᕈᐊᖅᑎᒥᖕᓂᒃ ᑐᓴᐅᒪᑎᑦᑎᔨᐅᓪᓗᑎᒃ ᖃᓄᐃᓕᐅᓕᕋᓗᐊᕐᒪᖔᖏᑦ ᒐᕙᒪᒃᑯᑦ, ᐊᒻᒪᓗ ᐃᒡᓗᖔᖓᒍᑦ ᑕᑯᓇᕐᓗᒍ, ᑐᓴᐅᒪᑎᑕᐅᒋᓪᓗᑎᒃ ᓂᕈᐊᖅᑎᒥᒃᑕ ᑭᓐᖒᒪᔭᖏᓐᓂᒃ ᐊᒻᒪᓗ ᖃᓄᖅ ᒐᕙᒪᒃᑯᑦ ᐱᕙᓪᓕᐊᑎᑕᖏᓐᓂᒃ ᐃᓱᒪᒋᔭᐅᖕᒪᖔᖏᑦ.
ᒪᓕᒐᓕᐅᕐᕕᖕᒥ ᒪᓕᒐᓕᐅᖅᑏᑦ ᐱᖁᔭᒃᓴᓕᐅᕐᓂᕐᒥᒃ ᐃᓚᐅᓲᖑᕗᑦ ᑲᑎᒪᔾᔪᑕᐅᑎᓪᓗᒋᑦ ᒪᓕᒐᓕᐅᕐᕕᖕᒥ, ᓴᖅᑭᑦᑎᓂᒃᑯᑦ ᓇᖕᒥᓂᖅ ᐱᖁᔭᒃᓴᓕᐊᕆᔪᒪᔭᕐᒥᓂᒃ, ᐊᒻᒪᓗ ᑲᑎᒪᔨᕋᓛᒃᑰᖅᑎᑕᐅᑎᓪᓗᒋᑦ. ᑲᑎᒪᔨᕋᓛᖑᑲᐃᓐᓇᖅᑐᑦ ᐊᒻᒪᓗ ᑲᑎᒪᔨᕋᓛᖑᐃᓐᓇᖅᑐᑦ ᐱᓕᕆᓂᖓᑦ ᐱᓕᕆᐊᒃᓴᖅᑖᕆᔭᐅᓯᒪᓪᓗᐊᖅᐳᖅ ᒪᓕᒐᓕᐅᖅᑏᑦ ᐱᔭᒃᓴᖏᓐᓂ.
Upload
| Attachment | Size |
|---|---|
| ᐱᓕᕆᐊᒃᓴᖏᑦ ᑲᑎᒪᔨᐅᖃᑕᐅᔫᑉ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ | 58.05 KB |
| ᐱᓕᕆᐊᒃᓴᖏᑦ ᒪᓕᒐᓕᐅᖅᑎᓕᒫᖅ ᑲᑎᒪᔨᖏᑕ ᐊᒻᒪᓗ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᑕ | 68.25 KB |