ᒪᓕᒐᓕᐅᕐᕕᐅᑉ ᐅᖃᓕᒫᒐᖃᕐᕕᖓ

ᓄᓇᕗᑦ ᒪᓕᒐᓕᐅᕐᕕᐊᑕ ᐅᖃᓕᒫᒐᖃᕐᕕᖓ ᐊᒻᒪᓗ ᑐᓴᐅᒪᔾᔪᑎᓕᕆᓂᕐᒧᑦ ᐱᔨᑦᑎᖅᑏᑦ ᑐᑭᓯᔭᐅᔪᒪᔪᓂᒃ ᑲᒪᔨᐅᖃᑦᑕᖅᐳᑦ ᐊᑐᖅᑐᐊᖅᑎᑦᑎᓲᖑᕗᓪᓗ ᐅᖃᓕᒫᒐᓂᒃ ᐊᓯᖏᓐᓂᒡᓗ ᒪᓕᒐᓕᐅᖅᑎᓄᑦ ᐃᖅᑲᓇᐃᔭᖅᑎᖏᓐᓄᓪᓗ, ᒪᓕᒐᓕᐅᕐᕕᐅᑉ ᐃᖅᑲᓇᐃᔭᖅᑎᖏᓐᓄᑦ ᐊᒻᒪᓗ ᓄᓇᕗᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᔪᓄᑦ ᓄᓇᕗᓕᒫᒥ.  ᐅᖃᓕᒫᒐᖃᕐᕕᒃ ᐊᓯᖏᓐᓄᑦ ᑐᑭᓯᓇᓱᒡᕕᐅᔪᓐᓇᕐᒥᔪᑦ ᐊᒻᒪᓗ ᖃᐅᔨᓴᐃᔪᓂᒃ ᐃᑲᔪᓲᖑᓪᓗᑎᒃ ᐃᑲᔪᖅᑎᒋᔭᐅᔪᒪᑐᐊᕋᒥᒃ.

ᐅᖃᓕᒫᒐᖃᕐᕕᒃ ᒪᓕᒐᓕᐅᕐᕕᖕᒦᑉᐳᖅ ᖁᓪᓕᖅᐹᖓᓂ.  ᒪᑐᐃᓲᑦ 8:30-ᒥ ᐅᓪᓛᒃᑯᑦ 5-ᒧᐊᕋᓱᖕᓂᖓᓄᑦ, ᕿᑭᖅᑖᓘᑉ ᓯᕿᕐᖑᔭᖓ ᒪᓕᒃᖢᒍ, ᓇᒡᒐᔾᔭᒥᑦ ᑕᓪᓕᒥᕐᒧᑦ.

Catalogue: nll.bywatersolutions.com

ᐅᖃᓕᒫᒐᖃᕐᕕᒃ ᑐᑭᓯᒋᐊᕐᕕᒋᔪᓐᓇᖅᑕᐃᑦ:

  •  867-975-5132;
  • 867-975-5190;
  • library@assembly.nu.ca ᐅᕝᕙᓘᓐᓃᑦ
  • ᓄᓇᕗᑦ ᒪᓕᒐᓕᐅᕐᕕᐊ,
    ᑎᑎᖅᑲᒃᑯᕕᖓ 1200,
    ᐃᖃᓗᐃᑦ ᓄᓇᕗᑦ X0A 0H0

ᓄᓇᕗᑦ ᒪᓕᒐᓕᐅᕐᕕᐊᑕ ᐅᖃᓕᒫᒐᖃᕐᕕᖓ ᐅᕗᖓ ᑐᑭᓯᒋᐊᕐᕕᒋᔪᓐᓇᖅᑕᐃᑦ library@assembly.nu.ca ᐅᕝᕙᓘᓐᓃᑦ 867-975-5132. ᐅᑯᓂᖓ ᐊᑐᐃᓐᓇᕈᐃᖃᑦᑕᖅᑐᒍᑦ:

  • ᐅᖃᓕᒫᒐᖃᕐᕕᐅᖃᑎᑦᑎᓐᓄᑦ ᐊᑐᖅᑐᐊᖅᑎᑦᑎᖃᑦᑕᖅᑐᒍᑦ

  • ISBN ᓈᓴᐅᑏᑦ ᓄᓇᕗᑦ ᒐᕙᒪᒃᑯᑦ ᓴᖅᑭᑕᖏᑦ.  ᓇᓂᓯᓴᕋᐃᓐᓇᖅᑐᖅ ᐊᔪᕐᓇᕋᓂᓗ!

  • Globe & Mail ᐅᖃᓕᒫᓕᐊᕆᖃᑦᑕᖅᑕᖏᑦ ᖃᕆᓴᐅᔭᒃᑯᑦ ᕿᓂᕐᕕᐅᔪᓐᓇᖅᑐᑦ

  • ᓄᓇᕗᑦ ᒪᓕᒐᓕᐅᕐᕕᐊᓄᑦ ᑐᕌᖓᔪᑦ ᓱᓕᔪᑦ, ᐱᒋᐊᖅᓯᒪᓪᓗᑎᒃ 1999-ᒥᑦ ᐅᓪᓗᒥᒧᑦ

  • ᒪᓕᒐᓕᐅᖅᑏᑦ ᑭᒃᑰᓂᖏᓐᓂᒃ ᓇᓗᓇᐃᔭᐃᓯᒪᔪᑦ

  • ᐱᕙᓪᓕᐊᔪᒃᑰᖅᑎᑕᐅᓯᒪᔪᕕᓃᑦ ᑐᓴᒐᒃᓴᓕᐊᖑᓯᒪᔪᓪᓘᓐᓃᑦ ᑕᐃᒪᓐᖓᓂᑦ 1999-ᒥᑦ ᓄᓇᕗᑦ ᒐᕙᒪᒃᑯᓐᓄᑦ ᐊᒻᒪᓗ ᒪᓕᒐᓕᐅᕐᕕᖕᒧᑦ

  • ᓄᓇᕗᑦ ᒐᕙᒪᒃᑯᖏᑦ ᐃᓄᓕᕆᔨᑐᖃᒃᑯᓪᓘᓐᓃᑦ ᐅᓂᒃᑳᓕᐊᕕᓂᖏᑦ (ᑎᑎᕋᖅᓯᒪᔪᑦ ᐅᕝᕙᓘᓐᓃᑦ ᖃᕆᓴᐅᔭᒃᑯᑦ)

  • ᑎᑎᖅᑲᑦ ᓴᖅᑭᑕᐅᓯᒪᔪᑦ ᒪᓕᒐᓕᐅᕐᕕᖕᒧᑦ (ᖃᐅᑐᐊᕌᖓᑦ ᐊᑐᐃᓐᓇᕈᓲᑦ)

  • ᓄᓇᕗᒻᒥ ᓯᕗᓪᓕᖅᐹᒥᒃ ᐅᖃᓕᒫᖅᑕᐅᓂᖏᑦ ᐱᖁᔭᒃᓴᑦ 1999-ᒥᑦ ᐅᓪᓗᒥᒧᑦ

  • ᓄᑖᑦ ᑲᒥᓴᓇᒧᑦ ᐊᖏᖅᑕᐅᔪᕕᓃᑦ ᐱᖁᔭᒃᓴᑦ

  • ᒪᓕᒐᓕᐅᖅᑏᑦ ᓂᕈᐊᖅᑕᐅᓯᒪᕕᖏᑦᑕ ᑎᑎᕋᕐᕕᖏᓐᓂ ᐅᖄᓚᐅᑎᖏᑦ ᐊᓯᖏᓪᓗ ᑐᑭᓯᒋᐊᕈᑏᑦ

  • ᓄᓇᕗᑦ ᐃᓗᐊᓂ ᐊᒻᒪᓗ ᑲᓇᑕᓕᒫᒥ ᒐᕙᒪᒃᑯᑦ ᐱᓕᕆᕝᕕᖏᑕ ᓈᓴᐅᑎᖏᑦ ᐊᓯᖏᓪᓗ ᑐᑭᓯᒋᐊᕈᑏᑦ

 

ᑭᒡᓕᓕᐅᖅᓯᒪᔭᕕᑦ ᑐᖔᓂ ᑐᓂᓯᓲᖑᔪᒍᑦ ᓱᒃᑲᔪᒃᑯᑦ, ᖃᕆᓴᐅᔭᒃᑯᑦ, ᑎᑎᖅᑲᒃᑯᕕᒃᑎᒍᑦ ᐅᕝᕙᓘᓐᓃᑦ ᐱᔪᒪᔭᔅᓯᓐᓂᒃ ᐊᐃᒃᖠᕈᓐᓇᖅᑐᓯ.

ᐅᖃᓕᒫᒐᖁᑎᕗᑦ

ᑐᕌᒐᖃᓗᐊᖅᑐᒍᑦ ᒐᕙᒪᒃᑯᓐᓅᖓᔪᓂᒃ, ᒐᕙᒪᒃᑯᑦ ᐊᐅᓚᑕᐅᔾᔪᑎᖏᓐᓂᒃ, ᒐᕙᒪᓕᕆᔪᓂᒃ, ᒪᓕᒐᓕᐅᕐᕕᖕᒥ ᐱᐅᓯᕆᔭᐅᔪᓂᒃ ᐊᒻᒪᓗ ᐅᑭᐅᖅᑕᖅᑐᒧᑦ ᑐᕌᖓᔪᓂᒃ.  ᓴᖅᑭᑕᐅᒐᔪᓐᖏᑦᑐᓂᒃ ᐱᑕᖃᐅᕐᒥᔪᒍᑦ ᐱᔾᔪᑎᓕᖕᓂᒃ ᓄᓇᕗᑦ ᖃᓄᖅ ᓴᖅᑭᑉᐸᓪᓕᐊᓕᓚᐅᖅᓯᒪᖕᒪᖔᖓ.  ᐊᓯᖏᑦ ᑐᕌᖓᔪᑦ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ, ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪᓗ ᐱᑐᐃᓐᓇᐅᓐᖏᑦᑐᓕᕆᓂᕐᒨᖓᔪᑦ ᑲᑎᖅᓱᖃᑦᑕᕐᒥᔭᕗᑦ ᓄᓇᕗᒻᒧᑦ ᐊᒃᑐᐃᓂᖃᓪᓚᕆᑐᐊᖅᐸᑕ.

ᑲᑎᖅᓱᐃᖃᑦᑕᕐᒥᔪᒍᑦ ᐅᖃᓕᒫᓂᒃ ᑎᑎᕋᖅᓯᒪᔪᓂᒃ ᓄᓇᕗᒻᒥᐅᑦ ᐅᖃᐅᓰᑦ ᐃᓕᓴᕆᔭᐅᓯᒪᔪᑎᑑᖓᔪᓂᒃ ᐊᒻᒪᓗ ᑎᑭᓵᒃᓴᕗᑦ ᐅᖃᐅᓯᕐᓂᒃ ᐊᔾᔨᒌᓐᖏᑦᑐᑎᑐᑦ ᑎᑎᕋᖅᓯᒪᓪᓗᑎᒃ. 

ᑲᑎᖅᓱᖅᓯᒪᔭᕗᑦ ᐅᑯᓂᖓ ᐱᑕᖃᐅᕐᒥᔪᑦ:

  • ᖃᕆᓴᐅᔭᒃᑰᖅᑎᓯᒪᔪᑦ ᓄᓇᕗᑦ ᒐᕙᒪᒃᑯᑦ ᑎᑎᖅᑲᖁᑎᖏᑦ

  • ᐱᕙᓪᓕᐊᔪᒃᑰᖅᑎᑕᕕᓃᑦ ᐃᓚᓕᐅᓪᓗᒋᑦ ᓄᓇᕗᒻᒥ ᓴᓇᐅᒐᕕᓃᑦ ᐱᑐᖃᑦ ᐊᒻᒪᓗ ᖃᕆᓴᐅᔭᒃᑯᑦ ᖃᓄᖅ ᐃᓚᒋᔭᐅᓕᕈᓐᓇᕐᒪᖔᖅᐱᑦ

  • ᐅᖃᓕᒫᒐᐃᑦ ᐊᔾᔨᒌᓐᖏᑦᑐᓂᒃ ᑎᑎᕋᐅᓯᓖᑦ, ᐅᑭᐅᖅᑕᖅᑐᒥᓗ ᑎᑎᕋᖅᑕᐅᖃᑦᑕᖅᑐᕕᓃᑦ

  • ᓄᓇᕗᒻᒥ ᒐᕙᒪᒃᓴᑦ ᐅᓂᒃᑳᓕᐊᕆᖃᑦᑕᖅᑕᕕᓂᖏᑦ (ᑎᑎᕋᖅᓯᒪᔪᑦ ᖃᕆᓴᐅᔭᒃᑯᓪᓗ)

  • ᑲᒥᓴᓇᐅᑲᐃᓐᓇᖅᑑᑉ ᑎᑎᕋᕐᕕᖓᓐᓂᓐᖔᖅᑐᑦ ᐅᓂᒃᑳᑦ (ᑎᑎᕋᖅᓯᒪᔪᑦ ᖃᕆᓴᐅᔭᒃᑯᓪᓗ)

  • ᐃᓄᒃᑎᑑᖓᔪᑦ ᐅᓂᕐᓂᓴᐃᕈᑏᑦ, ᑐᑭᓯᒋᐊᕈᑏᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑐᕌᖓᔪᑦ

  • ᓄᓇᕗᑦ ᒪᓕᒐᓕᐅᕐᕕᐊᑕ ᑎᑎᖅᑲᖁᑎᓕᒫᖏᑦ, ᑲᑎᒪᔨᕋᓛᑦ ᐅᓂᒃᑳᓕᐊᕕᓂᖏᑦ ᐊᒻᒪᓗ ᑲᑎᒪᔾᔪᑎᕕᓂᖏᑦ ᑕᐃᒪᓐᖓᓂᑦ ᐊᐃᕐᕆᓕ 1, 1999-ᒥᓂᑦ

ᓄᓇᕗᒻᒥ ᑲᓇᑕᒥᓗ ᐊᓯᖏᓐᓂᒃ ᐅᖃᓕᒫᒐᖃᕐᕕᖕᓂᒃ ᐃᖅᑲᓇᐃᔭᖃᑎᖃᖃᑦᑕᖅᑐᒍᑦ, ᑐᓴᐅᒪᔾᔪᑏᑦ ᐊᔾᔨᒌᓐᖏᑦᑐᕈᓘᔭᐃᑦ ᑭᒃᑯᓕᒫᓄᑦ ᐊᑐᐃᓐᓇᐅᔪᓐᓇᕐᓂᐊᕐᒪᑕ.

ᓄᓇᕗᑦ ᒪᓕᒐᓕᐅᕐᕕᐊᑕ ᐅᖃᓕᒫᒐᖃᕐᕕᖓ ᓄᓇᕗᑦ ᐃᓗᐊᓂ ᒐᕙᒪᓕᕆᓂᕐᒧᑦ ᑐᕌᖓᔪᒃᑯᑦ ᐃᑲᔪᖅᓱᐃᔨᐅᖃᑕᐅᕗᖅ.  ᐅᖃᓕᒫᒐᖃᕐᕕᒃ ᓄᑖᓂᒃ ᑐᓴᐅᒪᔾᔪᑎᓂᒃ ᐊᑐᐃᓐᓇᕈᐃᔨᐅᕗᑦ ᒪᓕᒐᓕᐅᕐᕕᖕᒧᑦ, ᓂᕈᐊᖅᑕᐅᓯᒪᔪᑦ ᒪᓕᒐᓕᐅᖅᑏᑦ ᑭᒡᒐᖅᑐᑦᑎᐊᕈᓐᓇᕐᓂᐊᕐᒪᑕ ᐃᓄᖕᓂᒃ ᓄᓇᕗᒻᒥᐅᓂᒃ.

ᐱᔨᑦᑎᕈᑏᑦ ᐅᖃᓕᒫᒐᓪᓗ ᐊᑐᐃᓐᓇᕈᖅᑎᑕᐅᖅᑳᓲᖑᕗᑦ ᒪᓕᒐᓕᐅᖅᑎᓄᑦ, ᑲᑎᒪᔨᕋᓛᓄᑦ ᑲᑎᒪᔨᕋᓛᖑᑲᐃᓐᓇᖅᑐᓄᓪᓗ, ᐅᖃᖅᑎᐅᑉ ᑎᑎᕋᕐᕕᖓᓄᑦ, ᑎᑎᕋᖅᑎᐅᑉ ᑎᑎᕋᕐᕕᖓᓄᑦ, ᒪᓕᒐᓕᐅᕐᕕᖕᒥ ᖃᐅᔨᓴᐃᔨᓄᑦ, ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐊᒻᒪᓗ ᑕᖅᑲᒃᑯᓄᖓ ᐃᓄᖕᓄᑦ.

ᐅᖃᓕᒫᒐᖃᕐᕕᒃ ᐸᐸᑦᑎᓲᖑᕗᖅ ᑕᖅᑲᒃᑯᓄᖓ ᓴᖅᑭᔮᖅᑎᑕᐅᔪᓂᒃ ᐸᐃᑉᐹᖁᑎᒋᔭᐅᔪᓂᒃ ᓄᓇᕗᑦ ᒪᓕᒐᓕᐅᕐᕕᐊᑕ.  ᐅᖃᓕᒫᒐᖃᕐᕕᒃ ᑲᑎᖅᓱᐃᓲᖑᖕᒥᔪᑦ ᐊᔾᔨᒌᓐᖏᑦᑐᓂᒃ ᓄᓇᕗᑦ ᒐᕙᒪᒃᑯᑦ ᑎᑎᖅᑲᖁᑎᖏᓐᓂᒃ ᑭᒡᒐᖅᑐᐃᓪᓗᑎᒃ ᓄᓇᕗᒻᒥᐅᓂᒃ.