Yes
Katimafaagutikhait Maligaliukviit
IQALUIT, Nunavut (April 19, 2022) - Ukakti Tony Akoak ublumi tuhaktiyuk Maligaliukvik katimaliniaktut atauhimik ublumik April 20mi, 2022, piliklutik 1:30mongakat.
Ukakti Akoak ukaalaktok, “Malikhugit ukakatigihimayait Maligaliukatitka, Kuviahuktunga Maligaliukvik katimanialiktut iniktigiaganik munagiyakhainik tuhaktitainik ataanit Kangunaktiligiyiit Pikuyakyuat ihumagiyaanganik tuhaktitait Kangunaktiligiyiit Kamisinaup.”
Takuyakhauliktuk Tuhaktitait Kangunaktiligiyit Kamisinamit
IQALUIT, Nunavut (March 28, 2022) – Ukakti Maligaliukvimit Tony Akoak ublumi takupkaiyuk Tuhaktitakhainik Kangunaktiligiyit Kamisinamit Ukaktimut Maligaliukvimi Mikhaanut Pilaagutainik Akigaktugumayainut Tikuaktihimayainik Tuklianik Ministamut Havaktiligiyiit.
Ilangani 48 Kangunaktiligiyiit Pikuyakyuanga tunihimayuk Maligaliukvimut “ihumaginiaktait tuhaktitakhait tunihimayut Maligaliukvimut iluani kuliit (10) katimatitlugit ubluinik tuhaktitakhait tunigumik Maligaliuktinut ovalo kiuniaktut tuhaktiyainut iniktinagit katimatjutait nani tuhaktitait tunihimayumit.”
Umiktigutikhait Takhiyut Atiktuitjutikhainik Ilitagikyuagutikhainik Nunavumi
IQALUIT, Nunavut (March 1, 2022) – Umiktigutikhait atiktuitjutikhainik kinamik Ilitagikyuagutainik Nunavumi March 31mut, 2022.