Adam Arreak Lightstone

Adam Arreak Lightstone nigoaktaoffaghimayok avaliitomik tatvani nigoaktitingmata Aktopa 25, 2021-mi, kivgaktoiniaghuni nigoakvigihimayaminik Iqaluit-Manirajak tatvani 6th Maligaliokviani Nunavumi. Mr. Lightstone nigoaktaongmiyok tatvunga Atanioyot Katimayiitnun tatvani Nuvaipa 17,2021-mi katimatitlugit Nunavut Hivuliktiit Katimayiit. Attilioktaogami Maligaliokvikmi tatvani Nuvaipa 19,2021-mi Ministauniaktok Manilikiyiitkuni, Minista Havaktolikiyiitkuni, tatvalo Minista Havaktot Kajangaipkutaitni tatvalo Ikkayohiakutinik Katimayiitni Mr. Lightstone kinguani Maligalioktiokataohimayok tatvani 5th Maligaliokviatni, tatvuna Togligiya Ihivaotaliop tatvani Katimayigalaat Innulikinikut Innutiaknikmik tatvalo katimayikataohimayok tatvani Atanguyaoyot Manilikinikut Katimayiitni Innigamigiit sikukutini tatvani Iqaluit Inuksuk Angayughiit Ilihakviatni, Mr. Lightstone innighigami tuniyaohimayot titikanik Manilikiyioloaktot Naonaipkutaitni tatvanga St. Lawrence Ilihakpalikviatni tatvalo uminga Ilihakpalikutaitnik Nanminiktaknikut naonaipkutikalighuni Maniitnik Kittitinikut tatvalo Manilikinikut tatvanga Laurentian Ilihagiakpalikviatniit. Nigoaktaoniahaakhuni, Mr. Lightstone havakaghimayok Ataniovluni Manilikinikut Ukaotjiyiovluni tatvani Akkiliktoiyioyot Atanguyaoyok Havakviat Nunavut Kavamatkut Manilikiyiitkuni Mr. Lightstone havangitagangami ikkayotiakpaktok tatvani Alianait Atoktuyaktiit Titigaoyaktiitlo Kungiaktitikataktuni, tatvanilo Qajuqturvik Niriivikmi tatvalo uvani Iqaluit Kayaguhuutiaghutik Katimayiitni. Katimayikataohimayok tatvani Iqaluitni Nunaliit Community Avatilikinikut Halumatiaknikmik Katimayiitni tatvalo Titigaktiovluni-Manilikiyiohimayok tatvani Iqaluit BPO Elks Lodge-kuni. Mr. Lightstone illikut alliagiyakaktok hapkuninga manikami tupikhimakataknik, taigoaknikut tatvalo ullapkinik ullapkioyanik kagitaoyakukutinik. Adam Arreak Lightstone aipagiyalu una Hilary Burns hagimahuktok angayokanguvlutik nutakamingnik Aiden unalo Aviaq.