IQALUIT, Nunavut (June 6mi, 2019) – Maligaliuktit ublumi angikhimaliktait nuutitihimayainik pitkulugu Ms. Marilyn Jane Bates tugaaktauluni Nunavumi nutaamik Ilaukataupkaiyuk Nutakanut ovalo Inuulgamiit. Nuutitihimayait tamaat angiktauhimayuk Maligaliukvimi.
Nunavumi Ilaukataupkaiyuk Nutakanut ovalo Inuulgamiit Pikuyakyuani tunihimayuk Ilaukataupkainiaktuk havakvianiiluni Talimanik ukiunik. Tugaaktautjutait atuliniaktut July 22mi, 2019.
Januarymi ukiuk, Munagiyiit ovalo Ikayuktit Katimayiit kinikhiahimayuk uktuktukhanik havakvikhainut Ilaukataupkaiyuk Nutakanut ovalo Inuulgamiit.
Ukakti Maligaliukvimi Simeon Mikkungwak ukaalaktuk, “Ms. Bates nutakanut munagigaakhimayuk ovalo ilakatigiinut ikayukti havagaakhimayuk hanianut 25nik ukiunik ovalo piyuk hanianut 20nik ukiunik ayongituk Ukiuktaktumi havaakhainut Ilaukataupkaiyuk Nutakanut ovalo Inuulgamiit.”
Ukakti Mikkungwak ilapluni, “Kavamatkuutiptinut, ilitagiyumayaga Ms. Sherry McNeil-Mulak havagaakhimangmat Nunavumi hivulik Ilaukataupkaiyuk Nutakanut ovalo Inuulgamiit ovalo Koyagikpiagumayaga ikayukpiakhimangmat nuutitigutikhainik havaanganit nutaamut munagiyukhak.”
Kinauyaakhaa titigait ilauyut.
-30-
Tuhafaagumaguvit takulugu:
John Quirke, Titigakti Maligaliukvimi
Hivatauyaa: (867) 975-5000
Kinauyuk Una Titigait
Marilyn Jane Bates
Ms. Bates ilihakhimayuk Inikpiagutainik Inuligiyiit Ryerson Unversitimit 1994mi ovalo havalikhimayuk havagaagutainik Inuligiyiit Havaktimi Peelmi Nutagaligiyit Ikayuktiit Katimayiit. 2001mi, Ms. Bates nuuhimayuk Yukonmut, nani ikayukhimayuk akhut atanguyaunik Inuulgamiit ovalo Inuligiyiit ikayuktiupluni, utikhuni Ontariomut 2018mi. Ms. Bates ayoikhakhimayuk ovalo ayongituk mikhaanut nutakat munagitjutainik, Inuligiyiit, Inuulgamiit akigaktuiyit, ayokhantut ikayuktiuhimayuk, utiktinahuagutainik nunakatigiinut katimayut ovalo akhut ihuinaakhihmayunik ihivgiuktiupluni.
| Attachment | Size |
|---|---|
| Maligaliuktit Pitkuhimayut Tugaagutikhainik Ilaukataupkaiyuk Nutakanut ovalo Inuulgamiit | 212.29 KB |