Uktuktukhanik kinikhialiktut mikhaanut Kangunaktiligiyit Kamisinakhamik Nunavumi. Hamna talimanik ukiunik, tamaat havainaniaktok tugaagutait aullarutiluni Januali ukkiumi 2026-mi.
Kangunaktiligiyit Kamisinaa Nangminik Havaktiuniaktok Maligaliukvimi. Havaktok tugaaktauniaktuk pitkutihimayainik Malivaliukvik, maliklugit Takulaaktakhainik Tuhaktiligiyiit ovalo Munagiyakhainik Kangunaktikhait Pikuyakyuak. Havaktok munaginiaktok amigaitumik atanguyautikhainik ovalo munagitjutikhainik ataani Takulaaktakhainik Tuhaktiligiyit ovalo Munagiyakhainik Kangunaktikhait Pikuyakyuak. Aatjikutait maligaliugutikhaini takulaaktut kagitauyakut hamani: www.nunavutlegislative.ca
Nunavut Kanatami nutaanguyok munagivinganik aliananiaktumik havaangit. Havaniaktok nalunginiaktok akigaktuitjutainik havaagutainik nalungitiaktumik munagitjutait akigaktitjutait, ilauniaktut Kanatami malikataktait mikhaanut kangunaktiligiyiit maligaliugutainik. Ayongitjutait ilauniaktut havaagutait maniligiyiit ovalo havaktiligiyiit munagitjutainik. Nunavut havakviit kavamatkuni mikitkiyauyut angiyunik Kanatami munagiviinut, taimainmat, havaniaktuk nalunginiaktait ikpinagutainik havaagutikhat nutaanguyunik ovalo havagiviligutainik.
Naunaiyautait Havaagutikhait takulaaktut titigakviani Maligaliukvik ovalo takulaaktut kagitauyakuugutait Maligaliukvik hamani: www.assembly.nu.ca. Ukiuk tamaat tuhaktitait ovalo aalat titigakhimayut titigakviani Kangunaktiligiyit Kamisinaup takulaaktut kagitauyakut hamani: www.atipp-nu.ca
Uktuktut takupkaiyukhat kanuk maligutikhait ovalo ayongitakhait ilihimayut ataani Havaagutikhaini. Maniliutakhait havakvia ilauniaktut $129,468mif $184,955mut ukiuk tamaat. Tugaaktauniaktok Iqalumiutaungitpat, nuutitigutait ikayugutainik tunilaaktut. Ikayugutikhainiklu iglukhamik havaktiit pilaaktut. Uktukhimayut angiktaulaaktut 5:00mongakat Friday, August 8mi, 2025.
Uktuktut ovalo apigiyumayut apigilaaktut hamani:
Titigakti Munagiyit ovalo Ikayuktit Katimayiit
Titigakvia Maligaliukvik Nunavumi
926 Sivumugiaq Street, Iqaluit, NU, X0A 3H0
Hivatauyaa: (867) 975-5000
Sukatukut: (867) 975-5191
Kagitauyakut: submissions@assembly.nu.ca
| Attachment | Size |
|---|---|
| Kinikhiayut Uktuktukhanik Kangunaktiligiyit Kamisinakhak | 174.24 KB |
| Havaagutikhait | 193.72 KB |