IQALUIT, Nunavut (November 3, 2020) – Maligaliuivik angiqtut pigiatitauyumit katimatihugit November 2, 2020, taihiyut Mr. Graham Steele-mit Nunavut nutaaq ahianut tuhaqtauhimagiaqangitulirituq Kamihina. Pigiatitauyuq tamainut niruatauyuq maligaliurvimi.
Nalaagut 61 Nunavut takuyauyumayunut ahiinut tuhataugiaqangituliqiyimut Kamihinamut maligaq tunihiyunaqtuq Kamihina Nunavumut Maligaliurvimut, tikuahiniatuq ahianut tuhatailiyutauyumut Kamihinauyumut ukiunut talimanut. Tahamna taimaituq havaanguyut turaaqataqtut maligaliutinut. Katimayiralaakut maligaliurvingmi tatatirviurataqtut maligaliuvikunut. Tikuatauhimayuq Mr. Steele pigiatauyuq January 11, 2021-mi.
Kangihigiatauyuhat ahianut tuhataugiaqangitumun Kamihina amihunit havaalik maligap ataagut, ukuningalu kavamakut havaanginit nauniqtuirataqluni maliganginut. Taamana havaminik tuhatittiratarniaqrut maligaliurvingmut araagu tamainut, naliuyaqtumit.
Maligaliurvingmi uqaqti Paul Quassa uqaqtuq, “Graham Steele’ ayungittuq ilihimayangilu maligaliurtimut, ilihimattiaqturlu nunaliuyunut ikayurnirmun ayungittiamat tahaphumungat havaariniaqtaminut.”
Uqaqti ilalugu uqaqtuq, “uvanga uqarumayunga maligaliurvingmi quyagiyumalugu Ms. Elaine Keenan Bengts havaaanganut ahianut tuhaqtaugiaqangitunut havaaqaraluarmat kamihinauhuni ukiunut qulinut havagiunialirmat nuqangattiaqunaq.”
Nalunaipkutaa itlihimayuq.
-30-
Kangihivaaligumaguvi uumungat uqainarialik:
John Quirke, Titiraqtiuyuq maligaliurvingmun
Uqaluutaa: (867) 975-5000
Nalunaipkutaa
Graham Steele-mut
Graham Steele ilihahimayuq hilatuharvigyuami ilihataminiklu maigaliuqtimun titiqaqutiqaqtut uvangat Dalhousie University-mit. Mr. Steele hulilu aulattihimayuq uvani University of Oxford-mi. Mr. Steele havaghimayuq amihunit havaanit ukiunut 30-nut, hulilu: maligaliqiyinut titirartiuhuni Kanatamun purtuniqpaamun apihuiyinut; ighivautaliuhimayuq Kanatamiunut maligaliuqtingut maligaliuqtit katuyiqatigiinut; Katimayiuhimayuq havagvimini aniqtunut kipgatuiyinut uvani Nova Scotia-mi; tuglituihimayuq ilihaiyimun uvani Dalhousie University’-mi naminiq havagvianut iliharvianut; hulilu ilauhimayuq uvani Nova Scotia House maligaliqiyikunut ministauhimayuq maniliqiyikunut. Mr. Steele taigualiuhimayukullu taghihimayurlu taigualiutinut, uvani 2014-mi ilitariyauyutimit tuniyauhimayuq maligaliuqtinut titiranirmut.
| Attachment | Size |
|---|---|
| Maligaliurvik tikuahiyut ahianut tugaqtaugiaqangutiqiyimut Kamhihinamut Nunavutmi | 215.5 KB |