IQALUIT, Nunavut (November 15, 2021) – Maligaliuktit Katimayiit ublumi tuhaktiyut ublukhainik ovalo maliniaktainik 2021mi Nunavut Hivuliktikhait Katimatitlugit ilauyut tamamik MLAkut.
Hivuliktikhiuniaktut Katimalutik Maligaliukvimi, piliklutik ublaami 10:00mongakat (EST) Wednesdaymi, November 17, 2021. Niguaniaktait Ukaktikhamik, Hivuliktikhamik ovalo ilauyukhat Ministaukatigiit Katimayiit (Atanguyait) piniaktut nigualutik. Hivulimi busnikhait nigualutik Ukaktikhamik, Ukakti niguaktauyuk munaginiaktait ovalo katimapkainiaktait Katimayut.
Aipaa busnikhait niguaklutik Hivuliktikhamik. Tamamik atiktauhimayut ukaalalaaktut hivulimi. MLAkut niguaktaunahuangitut Hivuliktikhamut apigilaaniaktut tamamik niguaktaunahuaktunut. Maligutikaklutik mikhaanut niguaktigutikhait atugutikhainut tuniyauniaktut pilihaaktitlugit Katimayut.
Katimayiit angikhimayut Atanguyakhait ilauniaktut 9guniaktut ilauyut (Hivulikti ovalo 8guyut Ministait). Maligaliukvik ovalo Ministait Katimayiit Pikuyakyuanga tunihimayut hivulikti pilaaniaktuk tunilugit Ministainut Munaginiaktainik Munagiyiinut.
Inuit itilaagutainik Naalakviit/Pulaakviit ovalo Pulaakataktut naalakvianut nutkaktihimanmagit, ilaa, KALANAKYUAT-19 aniagutainik ovalo nutkaktigutainik ayokhaktitlugit. Katimayut Nunavumi Hivuliktikhait Katimatitjutait kungialaaniaktut Talavisitkut Nunalaani ovalo Naalautikut nunalaaminit, atuktut hamani Bell (kongiakvia 513) ovalo Shaw (kongiakvia 289 - classic / channel 489 – nutaami kongiagutait) Talavisitkut. Katimayut naalautikuuniaktut hamani: http://video.isilive.ca/nunavut/. Nunavumiut Iqalumi naalalaaniaktut naalautikut katimatitlugit hapkonani FM naalautait: Natimit: 92.5 / Inuktitut: 94.7 / Kablunaatitut: 102.1.
-30-
Tuhafaagumaguvit Takulugit:
John Quirke, Titigakti Maligaliukvimi
Hivatauyaa: (867) 975-5100
Kagitauyakut: LegInfo@assembly.nu.ca
| Attachment | Size |
|---|---|
| MLAkut Tuhaktiyut ublukhainik ovalo maliniaktainik Nunavumi Hivuliktikhat Katimayut | 135.04 KB |