IQALUIT, Nunavut (November 17, 2021) – Nunavumi Ukkaktighanmik, Hivuliktikhamik tatvalo Katimayighanik Ataniit Katimayiitni nigoaktaohimayot ublumi tatvani Nunavut Hivuliktiit Katimahimangmata pikataovlotik tamaita Maligalioktioyot.
Tony Akoak, Maligalioktioyok Ukhuktumi nigoaktaoyok Ukkaktiinikmut .
Pingahot Maligalioktiit Nigoagaghanguktitaohimayot Hivuliktighamut tatva una Hivuliktinguktitaoyot P.J. Akeeagok, Maligalioktioyok Iqaluit-Niaqunnguu, nigoaktaoyok Hivuliktingoktitaovluni.
16-guyot Maligalioktiit nigoagaghangoktitaohimayot katimayighanot Atanioyot Katimayiitnun. Hapkua Maligalioktiit nigoaktaoyot: David Akeeagok, Pamela Hakongak Gross, David Joanasie, Lorne Kusugak, Adam Arreak Lightstone, John Main, Margaret Nakashuk uvalu Joanna Quassa.
Una Maligaliokvikmi tatvalo Atanioyot Katimayiita Maligak Hatkitihimayok tatva una Hivuliktinguhaak tigoaghiyungnaktok naliat Ministaat havagiyaghaitnik.
Angiktitiniaktut Maligaliuktinut Siksinik Maligaliuk piniaktut ublaami 10:00mongakat (EST) Fridaymi, November 19, 2021, Katimaviani Maligaliukvimi.
Nuutititianiaktugut angiktakhaptinik niguakhimayainut Ukaktimik, Hivuliktimik ovalo Ministaukatigiinik hivulimi katimaligupta Siksianik Maligaliukvik, katimaniaktuni Fridaymi, November 19mi, 2021, ublumaani 1:30mi (EST).
Inuit kungiagumayut Pulaakvinut ihumagilugit KALANAKYUA-19 aniagutainut ovalo ukaakhimanmata Aniaktiligiyiit ayokhaligaagamik. Angiktitiniaktut kungiaktilutik ovalo hivulimi katimaliklutik Siksiani Maligaliukvik talavisitkunut nunamini kungiagutainik pilaagumik hamani Bell (kungiakvianut 513) ovalo Shaw (kongiakvianut 289 - nutaami / kongiakvianut 489 – nutaami ilauyunut) kongiaktiligiyinik. Katimayut kongialaaktut kagitauyakut hamani: http://video.isilive.ca/nunavut/. Iqalumiukatigiiktut naalalaaktut naalautikut katimalikata hamani: FM naalakvianit: Natimit ukaktut: 92.5 / Inuktitut: 94.7 / Kablunaatitut: 102.1.
-30-
Tuhafaagumagufi takulugit:
John Quirke, Titigakti Maligaliukvimit
Kagitauyakut: LegInfo@assembly.nu.ca
| Attachment | Size |
|---|---|
| Nunavumi Hivuliktionikmut Katimayut nigoakutait Ukkaktimik, Hivuliktimik tatvalo Ministaghanik | 127.92 KB |