ᒥᓂᔅᑕ ᓄᓇᓕᓐᓂ ᐱᔨᑦᓯᕋᖅᑎᒃᑯᓐᓄᑦ
ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ
ᒥᓂᔅᑕ ᑲᒪᒋᔭᖃᑦᑐᖅ ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᓐ
ᒥᓂᔅᑕ ᑲᒪᒋᔭᖃᖅᑐᖅ ᐅᔭᕋᖕᓂᐊᕐᓂᕐᒧᑦ
ᒥᓂᔅᑕ ᑕᐅᖅᓯᕋᕐᓂᕐᒥᒃ ᐱᓕᕆᐊᒃᓴᓕᒃ
ᐅᖄᓚᐅᑖ: 867-975-5072
ᓱᒃᑲᔪᒃᑰᕈᑖ: 867-975-
ᖃᕆᓴᐅᔭᒃᑯᑦ ᑐᕌᕈᑖ: csimailak7@gov.nu.ca
PO Box 376
Baker Lake, NU X0C 0A0
ᐅᖄᓚᐅᑖ: 867-793-4949
ᓱᒃᑲᔪᒃᑰᕈᑖ: 867-793-4950
ᖃᕆᓴᐅᔭᒃᑯᑦ ᑐᕌᕈᑖ: craigsimailak@bakerlakemla.ca
ᐅᑉᐱᓇᖅᑐᖅ ᐊᑕᖓᓛᖅ ᓯᒪᐃᓚᒃ ᓂᕈᐊᖅᑕᐅᒋᐊᓐᖓᓚᐅᖅᓯᒪᔪᖅ ᐃᓕᔭᐅᑐᐃᓐᓇᖅᑐᓂ ᓂᕈᐊᕕᔾᔪᐊᕐᓇᐅᑉ ᐊᑯᓐᓂᖓᒍᑦ ᓂᕈᐊᕐᓂᖅᑕᖃᖅᑎᓪᓗᒍ 2020-ᒥ ᐱᔨᑦᑎᖁᔭᐅᓪᓗᓂ ᑕᓪᓕᒪᒋᔭᖓᓂ ᒪᓕᒐᓕᐅᖅᕕᒻᒥ ᒪᓕᒐᓕᐅᖅᑎᐅᓗᓂ ᖃᒪᓂᑦᑐᐊᕐᒧᑦ. ᓂᕈᐊᖅᑕᐅᓕᖅᑭᔪᔪᖅ ᓂᕈᐊᕕᔾᔪᐊᑎᓪᓗᒋᑦ 2021-ᒥ ᐊᒻᒪᓗ 2025-ᒥ ᐱᔨᑦᑎᖁᔭᐅᓪᓗᓂ 6-ᒋᔭᖓᓂ ᐊᒻᒪᓗ 7−ᒋᔭᖓᓂ ᒪᓕᒐᓕᐅᖅᕖᓐᓂ.
ᒥᔅᑕ ᓯᒪᐃᓚᒃ ᓂᕈᐊᖅᑕᐅᓚᐅᖅᑐᖅ ᐱᔨᑦᑎᓂᐊᕐᓗᓂ ᐊᐅᓚᑦᑎᔩᑦ ᑲᑎᒪᔨᖏᓐᓂ ᓄᕕᐱᕆ 18, 2025-ᒥ, ᓄᓇᕗᒻᒥ ᓯᕗᓕᖅᑎᒃᓴᓂᑦ ᑲᑎᒪᐅᑎᖃᖅᑎᓪᓗᒋᑦ. ᒥᓂᔅᑕᐅᓂᖓᓄᑦ ᑲᑎᒪᓂᕐᒥ ᐊᖏᖅᑎᑕᐅᓚᐅᖅᑐᖅ ᓄᕕᐱᕆ 20, 2025-ᒥ.
ᒥᔅᑕ ᓯᒪᐃᓚᒃ ᐱᔨᑦᑎᖃᑦᑕᓕᖅᑐᖅ ᑭᖑᕝᕕᑕᖅᑎᒋᔭᐅᓪᓗᓂ ᑲᑎᒪᔨᐅᖃᑕᐅᓪᓗᓂ ᑲᑎᒪᔨᓕᕆᔩᑦ ᑲᑎᒪᔨᖏᓐᓂ.
6-ᒋᔭᖓᓂ ᒪᓕᒐᓕᐅᖅᕕᒻᒥ, ᒥᔅᑕ ᓯᒪᐃᓚᒃ ᐱᔨᑦᑎᑲᐃᓐᓇᓚᐅᖅᓯᒪᔪᖅ ᐊᐅᓚᑦᑎᔩᑦ ᑲᑎᒪᔨᖏᓐᓂ ᒥᓂᔅᑕᐅᓪᓗᓂ ᒪᓕᒐᓕᕆᓂᕐᒧᑦ ᐊᒻᒪᓗ ᒥᓂᔅᓴᐅᓪᓗᓂ ᑲᒪᔨᐅᓪᓗᓂ ᖁᓪᓕᖅ ᐅᒪᖅᑯᑎᓕᕆᓂᕐᒧᑦ ᑯᐊᐳᕇᓴᓐᖓᓂ.
ᓂᕈᐊᖅᑕᐅᓚᐅᕋᓂ ᒪᓕᒐᓕᐅᖅᕕᒻᒧᑦ, ᒥᔅᑕ ᓯᒪᐃᓚᒃ ᑎᒍᒥᐊᖃᑦᑕᔪᔪᖅ ᐊᔾᔨᒌᓐᖏᑦᑐᓂᑦ ᑮᓇᐅᔭᓕᕆᔨᐅᓂᕐᒥ ᐃᖅᓇᐃᔮᓂᑦ ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑯᐊᐳᕇᓴᓐᖓᓂ ᐊᓂᒍᐃᓪᓗᓂ ᐊᕙᑎᐸᓗᓐᓂᑦ ᐊᕐᕌᒍᓂᑦ.
ᒥᔅᑕ ᓯᒪᐃᓚᒃ ᐱᔨᑦᑎᓚᐅᖅᓯᒪᒻᒥᔪᖅ ᒪᐃᔭᒧᑦ ᑐᖏᓕᕆᔭᐅᓪᓗᓂ ᐊᒻᒪᓗ ᑲᑎᒪᔨᐅᖃᑕᐅᓪᓗᓂ ᓄᓇᓕᐅᑉ ᒐᕙᒪᕋᓛᖓᓂ. ᑲᑎᒪᔨᐅᓯᒪᒻᒥᔪᖅ ᖃᒪᓂᑦᑐᐊᕐᒥ ᐃᓪᓗᓕᕆᔨᒃᑯᖏᓐᓂ.
ᒥᔅᑕ ᓯᒪᐃᓚᒃ ᑮᓇᐅᔾᔭᒃᓴᓇᓂ ᑲᒪᔨᐅᓯᒪᒻᒥᔪᖅ ᖃᒪᓂᑦᑐᐊᕐᒥ ᒪᒃᑯᑦᑐᓄᑦ ᐅᐸᒐᐅᔪᒥ ᐃᓪᓗᒥ ᐊᒻᒪᓗ ᐃᓚᐅᖃᑦᑕᖅᓯᒪᓪᓗᓂ ᐸᖅᓴᐃᔪᓕᕆᓂᕐᒥ ᐊᒻᒪᓗ ᐅᑭᐅᑭᑦᑐᓂᑦ ᕼᐊᑭᖅᑎᑦᑎᔨᐅᓪᓗᓂ.
ᒥᔅᑕ ᓯᒪᐃᓚᐅᑉ ᖁᕕᐊᒋᔭᖏᑦ ᐃᓚᖃᖅᑐᑦ ᐊᖑᓇᓱᓐᓂᕐᒥᑦ ᐊᒻᒪᓗ ᐃᖃᓪᓕᐊᖃᑦᑕᓂᕐᒥᑦ.