ᑐᓐᖓᓱᑦᑎᑦᑎᔾᔪᑎ ᐃᖅᑲᓇᐃᔮᒥᑦ ᐱᒐᓱᐊᕈᒪᔪᓄᑦ ᑎᑎᕋᖅᑎᖓᑕ ᒪᓕᒐᓕᐅᖅᕕᖓᑕ ᓄᓇᕗᑦ ᐃᖅᑲᓇᐃᔮᖓᓂᑦ

ᐃᖅᑲᓇᐃᔮᒥᑦ ᐱᒐᓱᐊᕈᒪᔪᑦ ᑐᓐᖓᓱᑦᑎᑕᐅᕗᑦ, ᐃᓂᖓᓄᑦ ᑎᑎᕋᖅᑎᖓᑕ ᒪᓕᒐᓕᐅᖅᕕᖓᑕ ᓄᓇᕗᑦ. ᑖᓐᓇ ᖃᐅᑕᒫᑦ ᐃᖅᑲᓇᐃᔭᕐᓇᐅᑎᓪᓗᒍ ᐃᖅᑲᓇᐃᔭᖃᑦᑕᕋᔭᕐᓗᓂ ᐃᖅᑲᓇᐃᔮᖑᔪᖅ. ᑖᓐᓇ ᑎᑎᕋᖅᑎᖓ ᒪᓕᒐᓕᐅᖅᕕᒻᒥ ᑎᒃᑯᐊᖅᑕᐅᓲᖑᒻᒪᑦ ᐃᖅᑲᓇᐃᔮᖓᓄᑦ ᓄᓇᕗᑦ ᑲᒥᓴᓇᖓᓄᑦ ᒪᓕᑦᑐᓂ ᐊᑐᓕᖁᔭᓕᐊᒥᓂᐅᔪᒥᑦ ᒪᓕᒐᓕᐅᖅᕕᒻᒥ. ᑎᑎᕋᖅᑎ ᐱᓕᕆᓲᖑᔪᖅ ᑐᖏᓕᕆᔭᐅᓪᓗᓂ ᐊᖏᔪᖅᑳᖓᓄᑦ ᐊᓪᓚᕝᕕᖓᑕ ᒪᓕᒐᓕᐅᖅᕕᐅᑉ. ᑖᓐᓇ ᐊᓪᓚᕝᕕᖓ ᓴᖅᑭᖅᑕᐅᓯᒪᔪᑦ ᒪᓕᑦᑐᑎᒃ ᒪᓕᒐᓕᐅᖅᕕᐅᑉ ᐊᒻᒪᓗ ᐊᐅᓚᑦᑎᔩᑦ ᑲᑎᒪᔨᕋᓛᖏᑕ ᐱᖁᔭᕐᔪᐊᖓᓂᑦ. ᑖᓐᓇ ᑎᑎᕋᖅᑎ ᐱᔨᑦᑎᕋᖅᐸᒻᒥᔪᖅ ᑎᑎᕋᖅᑎᒋᔭᐅᓪᓗᓂ ᒪᓕᒐᓕᐅᖅᕕᐅᑉ ᑲᑎᒪᔨᓕᕆᔨᖏᓐᓄᑦ ᑲᑎᒪᔨᓕᕆᔨᐅᔪᓄᑦ ᐊᒻᒪᓗ ᑎᑎᕋᖅᑎᒋᔭᐅᓪᓗᓂ ᓄᓇᕗᒻᒥ ᐱᓕᕆᑦᑎᐊᖅᓯᒪᔪᓂᑦ ᐱᔾᔪᓯᐊᖅᑎᑦᑎᓂᕐᒧᑦ ᐅᖃᐅᔾᔨᒋᐊᖅᑎᐅᔪᓄᑦ ᑲᑎᒪᔨᖏᓐᓄᑦ.

ᐃᖅᑲᓇᐃᔮᒥᑦ ᐱᒐᓱᐊᖅᑐᖅ ᐱᓕᕆᓚᐅᖅᓯᒪᒋᐊᓕᑦ ᖁᑦᑎᑦᑐᒥ ᐃᖅᑲᓇᐃᔮᖃᕐᓗᓂ ᐊᐅᓚᑦᑎᔨᐅᓂᕐᒥᑦ ᓇᓗᓇᐃᖅᑕᐅᔪᓐᓇᖅᑐᓂᑦ ᐃᖅᑲᓇᐃᔭᑦᑎᐊᓚᐅᖅᓯᒪᓗᓂ ᐊᐅᓚᑦᑎᓪᓗᓂ ᐱᔭᕆᐊᑐᔪᓂᑦ ᐊᓪᓚᕝᕕᒻᒥ ᐊᐅᓚᑕᐅᓲᓂᑦ. ᐃᓗᓕᖏᓐᓂᑦ ᖃᐅᔨᒪᓂᖃᕐᓗᓂ ᓂᕈᐊᖅᑕᐅᓯᒪᕕᕐᔪᐊᑦ ᐱᕙᓪᓕᐊᔾᔪᓯᖏᓐᓂᑦ ᐊᒻᒪᓗ ᑕᒪᑐᒧᖓ ᑐᕌᖓᔪᓂᑦ ᒪᓕᒐᕐᓂᒃ ᖃᐅᔨᒪᒋᐊᖃᓪᓚᕆᑦᑐᓂ. ᑕᕝᕙᓂ ᐃᖅᑲᓇᐃᔭᖅᑐᖅ ᕿᒥᕐᕈᔪᓐᓇᕆᐊᓕᑦ ᐃᓗᓕᖁᓗᖏᓐᓂᑦ ᐱᓕᕆᖃᖑᔪᑦ, ᐱᖃᓯᐅᑎᓗᒍ ᑐᑭᓕᐅᕆᔪᓐᓇᕐᓂᖅ, ᐊᐅᓚᑦᑎᔪᓐᓇᕐᓂᖅ ᐊᒻᒪᓗ ᐅᓂᒃᑳᖃᕈᓐᓇᕐᓂᖅ ᑐᑭᓯᔭᕐᓂᖏᑦᑐᓂᑦ ᐱᖁᔭᐅᔪᓂᑦ, ᒪᓕᒐᐅᔪᓂᑦ ᐊᒻᒪᓗ ᐱᕙᓪᓕᐊᔾᔪᓯᐅᔪᓂᑦ ᒪᓕᒐᓕᐅᖅᑎᐅᔪᓄᑦ ᒪᓕᒐᓕᐅᖅᕕᒻᒥ ᐊᓯᖏᓄᓪᓗ.  ᑎᑎᕋᕈᓐᓇᑦᑎᐊᕆᐊᓕᒃ, ᐊᒻᒪᓗ ᐱᔭᕆᐊᑐᔪᓂᑦ ᒪᓕᑦᑕᐅᔭᕆᐊᓕᓐᓂᑦ ᐱᕙᓪᓕᐊᔾᔪᓯᐅᔪᓂᑦ ᑎᑎᕋᕈᓐᓇᕐᓗᓂ. ᑐᑭᓯᓯᒪᓂᖓ ᐃᓄᐃᑦ ᐅᒃᐱᕆᔭᖏᓐᓂᑦ, ᐅᖃᐅᓯᖏᓐᓂᑦ, ᐃᓕᖅᑯᓯᖏᓐᓂᓪᓗ ᓂᕈᐊᖅᑕᐅᓚᕿᔾᔪᑎᒋᔪᓐᓇᖅᑕᖏᑦ ᐃᖅᑲᓇᐃᔮᒧᑦ.

ᐊᓪᓚᕝᕕᖓ ᒪᓕᒐᓕᐅᖅᕕᐅᑉ ᐃᖃᓗᓐᓃᑦᑐᖅ, ᓄᓇᕗᒻᒥ. ᓇᓗᓇᐃᖅᑐᑎᐊᖅᓯᒪᔪᓂᑦ ᐃᖅᑲᓇᐃᔮᒧᑦ ᓇᓗᓇᐃᖅᑐᐃᔾᔪᑎᒥᑦ ᐱᔪᖃᕈᓐᓇᖅᑐᖅ ᒪᓕᒐᓕᐅᖅᕕᐅᑉ ᖃᕋᓴᐅᔭᒃᑯᑦ ᐃᑭᐊᖅᑭᕕᖓᓂᑦ ᐅᕙᓂ www.assembly.nu.ca.

ᐃᖅᑲᓇᐃᔮᒥᑦ ᐱᒐᓱᐊᖅᑐᑦ ᓇᓗᓇᐃᖅᑐᐃᑦᑎᐊᕆᐊᓖᑦ ᖃᓄᖅ ᐱᔪᓐᓇᕐᓂᖃᕐᒪᖔᕐᒥᓂ ᐊᔪᓐᖏᓐᓂᐅ− ᒋᐊᓕᓐᓂᑦ ᐱᓕᕆᐊᖑᔪᓐᓇᕆᐊᓕᓐᓂᓪᓗ ᓇᓗᓇᐃᖅᑐᖅᑕᐅᓯᒪᔪᓂᑦ ᐃᖅᑲᓇᐃᔮᒧᑦ ᓇᓗᓇᐃᖅᑐᕈᑎᒥ. ᑕᐃᒫᒃ ᐱᒐᓱᐊᖅᑐᓕᒫᑦ ᕿᒥᕐᕈᔭᐅᒐᔭᖅᑐᑦ. ᑖᒃᓱᒪ ᐃᖅᑲᓇᐃᔮᑉ ᑮᓇᐅᔾᔭᒃᓵᖏᑦ ᐃᒪᓐᓇᐅᔪᑦ $239,679−ᒥᑦ ᑕᒪᐅᖓ $299,599−ᒧᑦ ᐊᕐᕌᒍᑕᒫᖅ. ᓂᕈᐊᖅᑕᐅᔪᖅ ᐃᖅᑲᒻᒥᐅᑕᐅᓐᖏᑉᐸᑦ ᐅᓪᓗᖓᓂ ᑎᒃᑯᐊᖅᑕᐅᕕᖓᓂ, ᐊᐅᓪᓛᖅᑎᕈᑎᖏᓐᓄᑦ ᐃᑲᔪᖅᑕᐅᒐᔭᖅᑐᖅ. ᐃᑲᔫᓯᐊᖅᑕᖅᑐᒥᑦ ᐃᖅᑲᓇᐃᔭᖅᑎᓄᑦ ᐃᓪᓗᒥᑦ ᐊᑐᐃᓐᓇᖅᑕᖃᖅᑐᖅ.

ᐃᖅᑲᓇᐃᔮᒥᑦ ᐱᒐᓱᐊᕈᑏᑦ ᐱᔭᐅᖃᑦᑕᓂᐊᖅᑐᑦ ᐃᓱᖃᕐᓗᒍ 5:00−ᒥ ᐅᓐᓄᓴᒃᑯᑦ (ᑲᓇᓐᓇᒥ) ᑕᓪᓕᕐᒥᐅᓕᖅᑲᑦ, ᔪᓚᐃ 19, 2024. ᑖᓐᓇ ᐃᖅᑲᓇᐃᔮᖅ ᐅᑉᐱᓇᕈᓐᓇᖅᑐᓄᑦ ᑐᕌᖓᒻᒪᑦ, ᑕᐃᒫᓪᓗ ᐱᕋᔭᓚᐅᖅᓯᒪᒻᒪᖔᖅ ᖃᐅᔨᓴᖅᑕᐅᔭᕆᐊᖃᖅᐳᖅ ᐱᒐᓱᐊᖅᑐᖅ. ᖃᐅᔨᒪᓂᐊᖅᑯᓯ ᑕᐃᒃᑯᐊᑐᐊᖅ ᐱᒐᓱᐊᖅᑐᑦ ᐊᐱᖅᓱᖅᑕᐅᓂᐅᓴᔪᑦ ᖃᐅᔨᒃᑲᖅᑕᑐᐊᖑᒐᔭᕐᒪᑕ. ᐃᖅᑲᓇᐃᔮᒥᑦ ᐱᒐᓱᐊᕈᑏᑦ ᐅᕗᖓ ᑐᕌᖅᑎᑕᐅᔭᕆᐊᓖᑦ:

ᑎᑎᕋᖅᑎᖓ ᑲᑎᒪᔨᓕᕆᔩᑦ ᑲᑎᒪᔨᖏᓐᓄᑦ
ᐊᓪᓚᕝᕕᖓ ᒪᓕᒐᓕᐅᖅᕕᖓᑕ ᓄᓇᕗᑦ
926 ᓯᕗᒧᒋᐊᖅ ᐊᖅᑯᑎ, ᐃᖃᓗᐃᑦ, ᓄᓇᕗᑦ, X0A 3H0
ᐅᖄᓚᐅᑖ: (867) 975-5100 / ᓱᑲᔪᒃᑰᕈᑖ: (867) 975-5191
ᖃᕋᓴᐅᔭᒃᑯᑦ ᑐᕌᕈᑖ: submissions@assembly.nu.ca