ᐃᖃᓗᐃᑦ, ᓄᓇᕗᑦ (ᔮᓐᓄᐊᕆ 6, 2026) - ᐅᖃᖅᑎ ᑕᐃᕕᑎ ᔪᐊᓇᓯ ᐅᑯᓂᖓ ᐅᖃᐅᓯᒃᓴᕆᔭᖏᓐᓂᑦ ᓴᖅᑭᖅᓯᖅᑲᐅᒻᔪᖅ:
“ᖁᓲᒪᖅᑲᐅᔪᖓ ᑐᓴᖅᑎᑕᐅᒐᒪ ᐃᓅᔪᓐᓃᕋᑖᖅᑐᒥᓂᐅᒻᒪᑦ ᐋᓕᐊᒃᓰᓇ ᑯᑉᓗ, ᑖᓐᓇ ᐱᔨᑦᑎᕋᓚᐅᖅᓯᒪᔪᖅ ᓄᓇᕗᒻᒥ ᐱᖓᔪᒋᔭᐅᓪᓗᓂ ᐅᖃᐅᓯᕐᓄᑦ ᑲᒥᓴᓇᐅᓪᓗᓂ. ᒥᔅ ᑯᑉᓗ ᐃᓕᓐᓂᐊᑎᑦᑎᔨᐅᓚᐅᖅᑐᖅ, ᑐᓵᔨᐅᓪᓗᓂ ᑐᑭᓕᐅᕆᔨᐅᓪᓗᓂ ᐊᒻᒪᓗ ᐃᓅᓯᓕᒫᖓᓂ ᐃᑲᔪᖅᓰᔨᐅᓚᐅᖅᑐᖅ ᐃᓄᑦᑐᑦ ᐅᖃᐅᓯᕐᒥᑦ, ᐊᑕᓚᐅᖅᓯᒪᓪᓗᓂᓗ ᐱᔨᑦᑎᕋᖅᑐᓂ ᑲᑎᒪᔨᐅᖃᑕᐅᓪᓚᕆᑦᑐᓂ ᑲᓇᑕᓕᒫᒥ ᐊᐅᓚᔾᔭᐃᒋᐊᖅᑎᐅᔪᓄᑦ ᑲᑎᒪᔨᐅᔪᓄᑦ ᓄᓇᖃᖅᑳᖅᑐᒥᓃᑦ ᐅᖃᐅᓯᖏᓐᓂᑦ ᐃᓕᖅᑯᓯᖏᓐᓂᓪᓗ ᐱᔾᔪᑎᖃᖅᑐᑎᒃ. ᒥᔅ ᑯᑉᓗ ᓄᓇᓕᓐᓂ ᐊᖏᖅᓯᒪᓂᖃᖅᑎᐊᖅᑐᓂ ᑮᓇᐅᔾᔭᒃᓴᓇᓂ ᐃᑲᔪᖅᑎᐅᓚᐅᖅᑐᖅ ᐊᒻᒪᓗ ᖁᑦᑎᓂᖅᓴᐅᓪᓗᓂ ᐃᖅᑲᖅᑐᐃᔨᕋᓛᖑᓪᓗᓂ. ᐅᖃᕈᑎᓪᓗᒋᑦ ᒪᓕᒐᓕᐅᖅᑎᐅᖃᑕᐅᔪᓕᒫᑦ ᒪᓕᒐᓕᐅᖅᕕᒻᒥ, ᐋᓕᐊᒃᓰᓇᐅᓚᐅᖅᑑᑉ ᐃᓚᒋᔭᖏᑦ ᑭᒃᓵᖃᑎᒋᕙᕗᑦ.”
-30-
ᐅᕗᖓ ᑐᑭᓯᒋᐊᕈᓐᓇᖅᑐᓯ:
LegInfo@assembly.nu.ca
upload
| Attachment | Size |
|---|---|
| ᐅᖃᖅᑎᒋᔭᖓ ᒪᓕᒐᓕᐅᖅᕕᐅᑉ ᑭᒃᓵᑉᐳᖅ ᐃᓅᔪᓐᓃᕐᓂᕆᔭᖓᓄᑦ ᐅᖃᐅᓯᕐᓄᑦ ᑲᒥᓴᓇᐅᓚᐅᖅᓯᒪᔪᖅ ᐋᓕᐊᒃᓰᓇ ᑯᑉᓗ | 52.91 KB |