ᐃᖃᓗᐃᑦ, ᓄᓇᕗᑦ ᐊᒻᒪ ᔭᓗᓇᐃᕝ, ᓄᓇᑦᓯᐊᖅ (ᐋᒡᒌᓯ 8, 2013) ᐅᖃᖅᑎᑦ ᕼᐊᓐᑐ ᑐᑐ ᐊᒻᒪ ᔭᑭ ᔭᐃᑯᑉᓴᓐ ᐅᓪᓗᒥ ᑐᓐᖓᓱᒃᑎᑦᓯᖅᑲᐅᔪᑦ ᑲᓇᑕᒥ ᓈᓚᐅᓯᕆᔨᑦ ᐊᒻᒪ ᑕᓚᕖᓴᓕᕆᓕᔨᑦ ᐊᒻᒪ ᑐᓴᐅᒪᔾᔪᓯᕆᔨᑦ ᑲᑎᒪᔨᖏᓐᓂᒃ ᑎᓕᔭᐅᓯᒪᔾᔪᑎᖃᓕᕐᒪᑕ ᑐᓴᖅᓴᐅᑎᑦᓯᓂᕐᒧᑦ ᑕᑯᒃᓴᐅᑎᑦᓯᓂᕐᒧᓪᓗ ᒪᓕᒐᓕᐅᖅᑎᑦ ᑲᑎᒪᕐᔪᐊᖅᑎᓪᓗᒋᑦ ᐊᖏᕐᕋᕆᔭᐅᔪᓂ ᑕᑯᒃᓴᐅᔪᓐᓇᖅᓯᓗᑎᒃ ᖁᒻᒧᐊᒃᑎᑕᐅᓯᒪᔪᒃᑯᑦ ᐱᔨᑦᓯᖅᑐᓄᑦ ᓄᓇᕗᒥ ᐊᒻᒪ ᓄᓇᑦᓯᐊᕐᒥ.
ᐃᓱᒪᓕᐅᕈᑎᒋᓯᒪᔭᖓᑦ ᐅᓪᓗᒥ, ᑐᓴᐅᒪᔾᔪᑎᓕᕆᔨᑦ ᑲᑎᒪᔨᖏᑦ ᑐᓴᖅᑎᑦᑎᖅᑲᐅᔪᑦ ᐃᒪᓐᓇ, "ᐅᑭᐅᖅᑕᖅᑐᕐᒥᐅᑦ ᐱᔨᑦᓯᖅᑕᐅᑦᑎᐊᕐᓂᖅᓴᐅᓂᐊᓕᖅᐳᑦ ᑐᓵᖃᑦᑕᕐᓗᑎᒃ ᑕᐅᑐᖃᑦᑕᕐᓗᑎᒡᓗ ᑲᑎᒪᕐᔪᐊᖅᑎᓪᓗᒋᑦ ᒪᓕᒐᓗᓕᐅᖅᑎᑦ ᓄᓇᕗᒥ ᐊᒻᒪ ᓄᓇᑦᑎᐊᕐᒥ ᑕᒪᒃᑯᓄᖓ ᐱᔨᑦᓯᕈᑎᐅᔪᑦ ᐃᓕᔭᐅᓂᐊᖅᑐᑦ ᖁᒻᒧᐊᒃᑎᑕᐅᓯᒪᔪᒃᑯᑦ ᑕᓚᕖᓴᖃᑦᑕᖅᑐᓄᑦ ᒪᕐᕉᖕᓂ ᐅᑭᐅᖅᑕᖅᑐᕐᒥᐅᑦ ᓄᓇᖏᓐᓂ."
ᐅᖃᖅᑎ ᑐᑐ ᐃᒪᓐᓇ ᐅᖃᓚᐅᖅᑐᖅ, "ᑕᓚᕖᓴᑦ ᐅᐊᔭᒨᖅᑐᒃᑯᑦ ᑕᑯᒃᓴᐅᔪᓐᓇᖅᑐᓂᒃ ᐱᑕᖃᖅᑎᓪᓗᒍ ᓄᓇᓄᒥ ᐊᒻᒪ ᓄᓇᑦᑎᐊᕐᒥ ᑕᐅᑐᒍᓐᓇᖅᓯᓂᐊᓕᑐᑦ ᒪᓕᒐᓕᐅᖅᑎᑦ ᑲᑎᒪᔨᖏᑦ ᑲᑎᒪᕐᔪᐊᖅᑎᓪᓗᒋᑦ ᐃᖅᑲᓇᐃᔭᕐᓗᑎᒃ, ᓄᓇᖃᖅᑐᑦ ᑕᐅᑐᒍᓐᓇᖅᐸᓚᐅᖏᑦᑐᑦ ᖁᒻᒧᐊᒃᑎᑕᐅᓯᒪᔪᒃᑯᑦ ᑕᑯᕋᓐᓈᕈᓐᓇᕐᓂᐊᓕᕐᒪᑕ. ᑐᓴᐅᒪᔾᔪᑎᓕᕆᔨᒃᑯᑦ ᑲᑎᒪᔨᖏᑕ ᐃᓱᒪᓕᐅᕈᑎᒋᔭᖓ ᐅᑭᐅᖅᑕᖅᑐᕐᒥᐅᓂᒃ ᓂᕈᐊᕈᓐᓇᖅᑕᖏᓐᓂᒃ ᐅᓄᖅᓯᕚᓪᓕᖅᑎᑦᓯᓂᐊᖅᑐᖅ ᑕᑯᓐᓇᕈᒪᔪᓄᑦ."
ᐊᐃᕐᕆᓕ 2013ᖑᑎᓪᓗᒍ, ᑭᒡᒐᖅᑐᖅᑎᐅᔪᑦ ᓄᓇᕗᒥ ᐊᒻᒪ ᓄᓇᑦᑎᐊᕐᒥ ᒪᓕᒐᓕᐅᕐᕕᖏᓐᓂᑦ ᓵᖓᓄᐊᓚᐅᖅᓯᒪᔪᑦ ᑲᓇᑕᒥ ᑐᓴᐅᒪᔾᔪᓯᕆᔨᒃᑯᑦ ᑲᑎᒪᔨᖏᑕ CRTCᑯᑦ ᐱᓪᓗᒍ ᑕᑯᒃᓴᐅᑎᑦᓯᖃᑦᑕᕐᓂᖅ ᒪᓕᒐᓕᐅᕐᕕᖕᓂᒃ ᑲᑐᔾᔨᓗᑎᒃ ᑐᒃᓯᕋᐅᑎᖓᓐᓂᒃ ᑎᓕᔭᐅᓯᒪᔾᔪᑎᖃᖁᓪᓗᒍ ᑕᑯᒃᓴᐅᑎᑦᓯᓂᕐᒥᒃ. ᐊᔾᔨᖏᑦ ᑎᑎᕋᖅᓯᒪᔪᑦ ᑲᑎᒪᔨᔪᑦ ᑲᑎᒪᔾᔪᑎᕕᓂᖏᑦ ᐊᒻᒪ ᐃᓱᒪᓕᐅᕈᑎᖏᑦ ᐊᑐᐃᓐᓇᐅᔪᑦ ᖃᕆᑕᐅᔭᒃᑯᑦ ᐅᕙᓂ: http://crtc.gc.caeng/com100/2013/r130808.htm.
ᐅᖃᖅᑎ ᔭᐃᑯᑉᓴᓐ ᐅᖃᓚᐅᖅᑐᖅ ᐃᒪᓐᓇ, ᒪᓕᒐᓕᐅᕐᕕᕗᑦ ᐃᖅᑲᓇᐃᔭᖃᑎᒋᑦᑎᐊᓚᐅᕐᒪᑎᒃ. ᖁᔭᓕᔪᒪᑦᑎᐊᖁᖅᐳᖓ ᐅᓄᖅᑐᓂᒃ ᐱᓕᕆᓚᐅᖅᑐᓂᒃ ᐊᒻᒪ ᑎᒥᐅᔪᓂᒃ ᐅᑭᐅᖅᑕᖅᑐᕐᒥᐅᑕᓂᒃ ᐊᒻᒪ ᖃᓪᓗᓈᑦ ᓄᓇᖓᓂᕐᒥᐅᑕᓂᒃ ᑐᓂᓯᖃᑦᑕᓚᐅᖅᑐᓂᒃ ᑎᑎᖅᑲᖁᑎᖏᓐᓂᒃ ᐊᐅᕙᐅᑎᖏᓐᓂᒡᓗ ᑲᑎᒪᔨᓄᑦ ᐃᑲᔪᖅᑐᐃᓪᓗᑎᒃ ᑐᒃᓯᕋᐅᑎᒋᔭᑦᑎᓐᓂᒃ."