ᐃᖃᓗᐃᑦ, ᓄᓇᕗᑦ (ᒫᔾᔨ 30, 2019) - ᑐᒡᓕᐊ ᐅᖃᖅᑎᐅᑉ ᓯᒥᐊᓐ ᒥᑭᓐᖑᐊᖅ ᐅᓪᓗᒥ ᓴᖅᑭᑎᑦᓯᖅᑲᐅᔪᖅ ᒪᑯᓂᖓ ᐅᖃᐅᓯᒃᓴᒥᒃ:
“ᖁᕕᐊᒋᓇᒍ ᐅᖃᕆᐊᖃᕋᒪ ᐃᓅᔪᓐᓃᕐᓂᖓᓂᒃ ᔫ ᐃᓄᒃ, ᕿᒪᐃᓚᐅᖅᑐᖅ ᐅᕙᑦᑎᓐᓂᒃ ᐃᒃᐸᒃᓴᖅ ᐊᑯᓂᐅᓐᖏᑦᑐᖅ ᐋᓐᓂᐊᓚᐅᖅᑐᓂ. ᒪᓕᒐᓕᐅᖅᑎᐅᖃᑎᒃᑲᓗ ᐊᒻᒪ ᐅᕙᖓ ᖁᔭᓕᕗᒍᑦ ᖃᐅᔨᒪᓪᓗᑕ ᑖᓐᓇ ᓄᓕᐊᑯᓗᐊ ᒥᐊᓕ, ᐱᖃᑎᒋᓚᐅᕐᒪᒍ ᐃᓱᓕᒍᑎᑎᓪᓗᒍ. ᐅᖃᖅᑎ ᐃᓄᒃ ᐱᔨᑦᓯᓚᐅᖅᑐᖅ ᓂᕈᐊᖅᑕᐅᓯᒪᕕᖕᒥᓂᒃ ᐱᓕᕆᐊᕆᒍᒪᑦᓯᐊᖅᑐᒍ ᐊᒻᒪ ᑭᒡᒐᖅᑐᐃᑦᓯᐊᖅᑐᓂ ᑎᒥᖁᑎᑦᑎᓐᓂᒃ ᐅᐱᒋᓪᓗᓂᐅᒃ. ᐃᓱᒪᒋᕙᕗᑦ ᔫ ᐃᓚᖏᑦ ᐊᒻᒪᓗ ᓄᓇᓕᓕᒫᖓ ᒥᑦᑎᒪᑕᓕᐅᑉ.”
ᓯᕗᓕᖅᑎ ᓴᕕᑲᑖᖅ ᐅᖃᓚᐅᖅᑐᖅ:
“ᑭᒡᒐᖅᑐᖅᑐᒍ ᓄᓇᕗᑦ ᒐᕙᒪᖓ, ᐅᒡᒍᐊᕈᑎᕙᒃᑲ ᓇᓪᓕᒋᓪᓗᒋᑦ ᔫ ᐃᓚᖏᑦ, ᓂᕈᐊᖅᑕᐅᓯᒪᕕᐊᓗ. ᐱᔨᑦᓯᕈᓐᓇᓚᐅᕋᒃᑯᑦ ᖁᕕᐊᑉᐳᖓ ᔫ ᖃᑦᓯᑲᓪᓚᖕᓄᑦ ᐊᕐᕌᒍᓄᑦ ᐊᒻᒪ ᖃᐅᔨᒪᓂᕋᕈᓐᓇᖅᑐᖓ ᐱᓕᕆᐊᖃᕈᒪᓚᐅᕐᓂᖓᓄᑦ ᐊᒻᒪ ᐊᒃᓱᕈᓚᐅᕐᓂᖓᓂᒃ ᖃᓄᐃᓐᖏᑦᓯᐊᖁᓪᓗᒍ ᐊᕕᒃᑐᖅᓯᒪᓂᐅᔪᖅ.”
ᓴᐃᒻᒪᑏᑦ ᕿᑎᐊᓄᑦ ᓇᐸᔫᑉ ᐃᓕᔭᐅᓯᒪᔪᖅ ᒪᓕᒐᓕᐅᕐᕕᖕᒥ ᐃᓕᑕᕆᒍᒪᓪᓗᒍ ᐃᓅᔪᓐᓃᕐᓂᖓ ᐅᖃᖅᑎ ᐃᓄᒃ. ᑎᑎᕋᕐᕕᒃᓴᖃᕐᓂᐊᖅᑐᖅ ᓇᓪᓕᒍᓱᖕᓂᕐᒧᑦ ᑕᒡᕙᐅᕗᑏᕈᒪᔪᓂᒃ ᓴᖅᑭᑎᑕᐅᓯᒪᓗᓂ ᒪᓕᒐᓕᐅᕐᕕᖕᒥ.
-30-
ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ:
ᔮᓐ ᑯᐊᒃ, ᐊᓪᓚᒃᑎᐊ ᒪᓕᒐᓕᐅᕐᕕᐅᑉ
ᐅᖃᓘᑕ: (867) 975-5000
upload
| Attachment | Size |
|---|---|
| ᐃᓅᔪᓐᓃᕐᓂᖓ ᐅᖃᖅᑎ ᐃᓄᒃ | 152.03 KB |